01 Dhjetor 2020

Sot shënohet Dita Botërore e Tokës

Prishtinë, 22 prill - Në Kosovë sikur edhe në gjithë botën sot me aktivitete të ndryshme shënohet Dita Botërore e Tokës, 22 Prilli , në të cilat do të marrin pjesë përfaqësues të shumë institucioneve vendore dhe ndërkombëtare, nxënës, studentë dhe qytetarë të tjerë.

Shënimi i Ditës Botërore të Tokës nisi me një manifestim qendror që Ministria e Mjedisit dhe Planifikimit Hapësinor e organizon të enjten në Amfiteatrin e ndërtesës së Re të Qeverisë së Kosovës (ish-Pallati i “Rilindjes”), ku do të jenë të pranishëm përfaqësues të shumë institucioneve vendore dhe ndërkombëtare, pastaj përfaqësues të OJQ-ve mjedisore, si dhe përfaqësues të kompanive që merren me grumbullimin, trajtimin dhe riciklimin e mbeturinave.

Në Ditën Botërore të Tokës, presidenti i Republikës së Kosovës, Fatmir Sejdiu dhe kryetari i Komunës së Prishtinës, Isa Mustafa në parkun e lagjes “Dardania” në Prishtinë do të bëjnë mbëltimin e fidanëve.

Iniciativës për shënimin e Ditës Botërore të Tokës do t’i bashkohen edhe deputetët e Kuvendit të Republikës së Kosovës.

Kryesuesi i Komisionit për bujqësi, pylltari, zhvillim rural, ambient dhe planifikim hapësinor, Naser Rugova bashkë me shumë deputetë do të mbëltojnë fidanë dhe do të mbjellin lule në oborrin e ndërtesës së Kuvendit të Kosovës dhe përreth saj. Fidanë do të mbëltohen edhe në rrugën UÇK-së, në bulevardin “Nëna Terezë“ dhe në afërsi të Sheshit Skënderbe.

Ambasada e SHBA-ve në Prishtinë ka informuar se ambasadori, Christopher Dell . Në kuadër të angazhimeve të tij për shënimin e Ditës Botërore të Tokës, do të marrë pjesë në aksionin për pastrimin e shkallëve në Lagjen Arbëria në Prishtinë dhe për mbëltimin e fidanëve në afërsi të tyre.

Aksioni organizohet nga Ambasada e SHBA-ve dhe KUSA (Kosovë-Asociacioni Alumni i Shteteve të Bashkuara), në bashkëpunim me Kuvendin Komunal të Prishtinës. Këtë veprimtari e ndihmojnë edhe Ministra e Mjedisit, Ministra e Arsimit dhe Ministra e Bujqësisë, ndërsa në këtë aktivitet do të përfshihen vullnetarë nga Ambasada amerikane, nga KUSA dhe nga shkollat e mesme.

Edhe Vizioni Studentor i Universitetit të Prishtinës, në kadër të aktiviteteve për shënimin e Ditës Botërore të Tokës, organizon aksion për pastrimin e hapësirës universitare.

Ndërkaq, Partia Ekologjike e Kosovës, në Ditën Botërore të Tokës, ka paralajmëruar se organizon protestë në shenjë të reagimit lidhur me degradimin e madh të tokës, mjedisit dhe të ekologjisë në hapësirat e Republikës së Kosovës, në veçanti në komunën e Kastriotit.

Protesta do të mbahet përballë institutit “Inkos” të KEK-ut te e ashtuquajtura “Lagjja e hirit”. Në protestë janë ftuar të gjithë qytetarët e Komunës së Kastriotit, si dhe mbështetësit e lëvizjes ekologjike dhe të mjedisit në Kosovë.

Edhe në Rahovec do të organizohet një protestë ku do të marrin pjesë nxënës të shkollës së Ratkocit \"Katër Dëshmorët”, anëtarë të klubit \"Ambientalistët e rinj\".

Dita Botërore e Tokës. 22 Prilli, shënohet në t[r[ bot[n. Me rastin e shënimit të kësaj dite, Sekretari i Përgjithshëm i Organizatës së Kombeve të Bashkuara, Ban Ki-moon me një mesazh u ka bërë thirrje të gjithë qeverive, bizneseve dhe qytetarëve që t’i japin tokës respektin dhe kujdesin që ajo meriton.

Kalendari

Ngjarjet e datës 1 Dhjetor 2020 - Komisioni Hetimor Parlamentar lidhur me procesin e privatizimit në Kosovë në të cilën do të behët plotësimi i listës së dëshmitarëve. (Ndërtesa e Kuvendit, salla N10, ora 9:00)

- Drejtorit të AKI-së raporton para Komisionit për Mbikëqyrjen e Agjencisë së Kosovës për Inteligjencë lidhur me gjendjen e sigurisë në vend. (Ndërtesa e Kuvendit, salla N204, ora 9:30)

- Campus France, Ambasada Frnceze në Kosovë, Aleanca Franceze e Prishtinës dhe Universiteti i Prishtinës organizojnë Panairin e tretë Universitar Francez në Kosovë. (online -https://tourneebalkanskosovo.com, ora 10:00)

- Mbahet edicioni i 5-të virtual i Green Business Expo. (Businessexpo.greenkosovo.com, ora 10:30)

- Ministri i Shëndetësisë Armend Zemaj raporton para Komisionit për Mbikëqyrjen e Financave Publike lidhur me raportin e auditimit për Pasqyrat Vjetore Financiare të vitit 2019, për Ministrinë e Shëndetësisë. (Ndërtesa e Kuvendit, salla N302, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike diskuton lidhur me rekomandimet e dala nga “Raporti për vendin për vitin 2020, i Komisionit Evropian” me të ftuar ministrat dhe përfaqësuesit e agjencive të pavarura. (Ndërtesa e Kuvendit, salla N506, ora 11:00)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston drejtorin e Departamentit të mjedisit dhe ujërave Muhamet Malësiu dhe drejtorin e Autoritetit të Rajonit të Pellgjeve Lumore, nga Ministria e Ekonomisë dhe Ambientit, Gani Berisha lidhur me lejet e lëshuara për operimin e dy hidrocentraleve nga kompania “Kelkos Energy”. (Ndërtesa e Kuvendit, salla N225, ora 11:00)

- Nënkryetari i Partisë Demokratike të Kosovës, njëkohësisht, kryetari i Degës së PDK-së në Prizren, Shaqir Totaj, i shoqëruar nga deputetja Eliza Hoxha, mbajnë konferencë për media në të cilën do të flasin për shtatoren e re të Skënderbeut, punën e dobët artistike dhe lokacionin jo adekuat. (Zyret e PDK-së në Prizren, ora 11:00)  

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston kryetarin e Komunës së Deçanit, Bashkim Ramosaj. (Ndërtesa e Kuvendit, salla N225, ora 13:00)

- Partia Demokratike e Kosovës, Dega në Prishtinë, do të mbajë konferencë për medie. (Te stacioni i autobusëve urbanë “Katedralja”, ora 13:00)

- Zyrtarët e Agjencisë së Ushqimit dhe Veterinarisë raportojn para Komisionit për Bujqësi, Pylltari, zhvillim Rural, Infrastrukturë dhe Mjedis rreth importimit të vajit të palmës. (Ndërtesa e Kuvendit, salla N204, ora 13:00)

- Instituti Demokraci për Zhvillim (D4D) mban diskutimin “Rimëkëmbja nga viti 2020: Si të rindërtojmë ekonominë dhe politikat sociale në vitin 2021?”. (Hotel Sirius, ora 17:00)