30 Nëntor 2020

Sindikata e Bujqve të Kosovës sot mban protesta

Prishtinë, 10 prill - Federata e Sindikatës së Bujqve të Kosovës ka paralajmëruar që sot do të zhvillojë një protestë, në shenjë pakënaqësie me politikat agrare qeveritare. Në këtë protestë pritet të marrin pjesë bujq nga gjithë Kosova në mënyrë të organizuar, madje edhe me traktorë.

Protestën bujqit do ta mbajnë para Ministrisë së Bujqësisë, prej nga më pastaj do të zhvillojnë një marsh drejt ndërtesës së Qeverisë të Kosovës, ku do të paraqiten 16 kërkesat e tyre.

Tahir Tahiri, kryetar i Federatës të Sindikatës së Bujqve të Kosovës, ka thënë se protesta mbahet për shkak të gjendjes shumë të vështirë të bujqve dhe të pakënaqësisë së tyre me politikat agrare qeveritare.

Duke shpjeguar kërkesat e bujqve, të cilat do t’ia drejtojnë Qeverisë së Kosovës, Tahir Tahiri, në një konferencë për mendia një ditë më herët, vuri theksin te subvencionet e ulta për bujqit dhe te kreditimet me kamata të larta për bujqësinë kosovare.

“Kemi kërkuar që bujqit të subvencionohen me nga 200 euro për çdo hektar toke të punuar, të formohet një bankë për dhënien e kredive për bujqit me kamata të ulëta 3 deri në 4 për qind, pastaj subvencione të veçanta për sektorin e qumështit dhe naftës. Kemi kërkuar që 10 për qind e buxhetit të Kosovës të ndahet për bujqësinë e Kosovës”, ka deklaruar Tahiri kërkesat e sindikalistëve.

Gjithashtu është kërkuar nxjerrja e ligjit të punës, ligjit për ndalimin e uzurpimit të tokave, ligjit për organizimin sindikal, si dhe ligjit për sigurim shëndetësor dhe pensional për bujqit.

Është kërkuar të ketë sigurim të produkteve bujqësore, themelim të një instituti shtetëror i cili do të bëjë analizat e tokave bujqësore në Kosovë, si dhe të ndalohet importi jolojal nga Serbia.

Tahiri ka thënë se të gjitha këto kërkesa ia kanë adresuar Qeverisë së Kosovës dhe direkt kryeministrit, Hashim Thaçi. Ai paralajmëroi se protesta nuk do të ndërpritet nëse kërkesat e tyre nuk merren parasysh nga Qeveria e Kosovës, e cila si tha ai deri tash i ka injoruar.

Ministri i ri Bujqësisë, Blerand Stavileci, lidhur me protestën e paralajmëruar ka thënë se rruga më e mirë për të zgjidhur problemet është dialogu social ndërmjet palëve të interesit, në këtë rast, ndërmjet Ministrisë dhe bujqve. Ai ka premtuar se do të angazhohet për realizimin e politikave agrare në harmoni me kriteret e shteteve të Bashkimit Evropian dhe me këtë rast prioritet do të jetë përmirësimi i kushteve të bujqve.

Kalendari

Ngjarjet e datës 1 Dhjetor 2020 - Komisioni Hetimor Parlamentar lidhur me procesin e privatizimit në Kosovë në të cilën do të behët plotësimi i listës së dëshmitarëve. (Ndërtesa e Kuvendit, salla N10, ora 9:00)

- Drejtorit të AKI-së raporton para Komisionit për Mbikëqyrjen e Agjencisë së Kosovës për Inteligjencë lidhur me gjendjen e sigurisë në vend. (Ndërtesa e Kuvendit, salla N204, ora 9:30)

- Campus France, Ambasada Frnceze në Kosovë, Aleanca Franceze e Prishtinës dhe Universiteti i Prishtinës organizojnë Panairin e tretë Universitar Francez në Kosovë. (online -https://tourneebalkanskosovo.com, ora 10:00)

- Mbahet edicioni i 5-të virtual i Green Business Expo. (Businessexpo.greenkosovo.com, ora 10:30)

- Ministri i Shëndetësisë Armend Zemaj raporton para Komisionit për Mbikëqyrjen e Financave Publike lidhur me raportin e auditimit për Pasqyrat Vjetore Financiare të vitit 2019, për Ministrinë e Shëndetësisë. (Ndërtesa e Kuvendit, salla N302, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike diskuton lidhur me rekomandimet e dala nga “Raporti për vendin për vitin 2020, i Komisionit Evropian” me të ftuar ministrat dhe përfaqësuesit e agjencive të pavarura. (Ndërtesa e Kuvendit, salla N506, ora 11:00)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston drejtorin e Departamentit të mjedisit dhe ujërave Muhamet Malësiu dhe drejtorin e Autoritetit të Rajonit të Pellgjeve Lumore, nga Ministria e Ekonomisë dhe Ambientit, Gani Berisha lidhur me lejet e lëshuara për operimin e dy hidrocentraleve nga kompania “Kelkos Energy”. (Ndërtesa e Kuvendit, salla N225, ora 11:00)

- Nënkryetari i Partisë Demokratike të Kosovës, njëkohësisht, kryetari i Degës së PDK-së në Prizren, Shaqir Totaj, i shoqëruar nga deputetja Eliza Hoxha, mbajnë konferencë për media në të cilën do të flasin për shtatoren e re të Skënderbeut, punën e dobët artistike dhe lokacionin jo adekuat. (Zyret e PDK-së në Prizren, ora 11:00)  

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston kryetarin e Komunës së Deçanit, Bashkim Ramosaj. (Ndërtesa e Kuvendit, salla N225, ora 13:00)

- Partia Demokratike e Kosovës, Dega në Prishtinë, do të mbajë konferencë për medie. (Te stacioni i autobusëve urbanë “Katedralja”, ora 13:00)

- Zyrtarët e Agjencisë së Ushqimit dhe Veterinarisë raportojn para Komisionit për Bujqësi, Pylltari, zhvillim Rural, Infrastrukturë dhe Mjedis rreth importimit të vajit të palmës. (Ndërtesa e Kuvendit, salla N204, ora 13:00)

- Instituti Demokraci për Zhvillim (D4D) mban diskutimin “Rimëkëmbja nga viti 2020: Si të rindërtojmë ekonominë dhe politikat sociale në vitin 2021?”. (Hotel Sirius, ora 17:00)