18 Janar 2018

Shqipëria rrit buxhetin për bujqësinë me 55 për qind

Tiranë, 8 nëntor - Qeveria e Shqipërisë në janar do të nisë mbështetjen financiare më të madhe, për fermerët dhe prodhimin bujqësor.

Buxheti në mbështetje të bujqësi për vitin 2018 do të rritet me 55%, duke shkuar në 2.6 miliard lekë, nga 1.7 miliard lekë që ishte për këtë vit.

Ministri i Bujqësisë dhe Zhvillimit Rural Niko Peleshi, gjatë prezantimit të martën të projekt-buxhetit, në Komisionin parlamentar të Veprimtarive Prodhuese, tha se kjo pjesë e buxhetit do të shpenzohet në 5 drejtime kryesore.

Duke u ndalur te siguria ushqimore dhe mbrojtja e konsumatorit, si një prej sektorëve prioritarë ministri Peleshi theksoi se, buxheti është rritur me 270 milion lekë.

Sipas tij, mbështetja adresuar fermerëve do të shkojë drejtëpërdrejtë në rritjen e prodhimit bujqësor, blegtoral dhe agropërpunimit vendas.

Në total projekt-buxheti i vitit 2018 për Ministrinë e Bujqësisë dhe Zhvillimit Rural është rritur me 15%, në krahasim me vitin 2017, ndërsa në total kap vlerën e 10.9 miliard lekëve. 

Kalendari

Ngjarjet e datës 18 Janar 2018 - Ministri i Arsimit,Shkencës dhe Teknologjisë, Shyqiri Bytyqi do të zhvilloi një takim me kryetarin e komunës Gazmend Muhaxheri. (Rezidenca e kryetarit Muhaxheri në Pejë, ora 9:30)

- Mbahet mbledhja e Kuvendit Komunal të Prishtinës, ku do të formohet Komiteti për Politikë dhe Financa si dhe do të caktohen anëtarët e komisioneve të aksionarëve nëpër ndërmarrjet publike komunale. (Objekti i Komunës, ora 10:00)

- Demokracia Plus në bashkëpunim me CoDe organizon tryezën me temë “Roli i Grupeve Jo formale të Grave në Politik Bërje – Shkëmbimi i përvojave në mes të grupeve jo formale të grave në nivel lokal dhe institucioneve qendrore”. (Hotel Sirius, ora 10:00)

- Koalicioni i OJQ–ve për Mbrojtjen e Fëmijëve në Kosovë - KOMF organizon konferencën e lançimit kombëtar të Indeksit për Mbrojtjen e Fëmijës 2.0. (Hotel Sirius, ora 10:00)

- Hapen punimet e punëtorisë me temë  “ Profilizimi i mësimdhënësve të klasave  I -V ”,  të organizuar nga MAShT dhe ku do të jenë të pranishëm drejtorët e Drejtorive Komunale të Arsimit në rajonin e Pejës  si dhe të gjithë drejtorët e Sh.F.M.U-ve së bashku me dy mësimdhënës të klasave  I –V dhe nga një mësimdhënës i shkollave të fshatrave. (Shkolla fillore “Shaban Spahija “ në Pejë, ora 10:00)

- Ministri i Infsrastrukturës, Pal Lekaj, do të zhvillojë vizitë inspektuese në Autostradën “Arbën Xhaferi”. (Autostrada në fshatin Doganaj, ora 10:30)

- Në kuadër të lansimit të programit Zhvillim Rajonal, Ministria për Zhvillim Rajonal,  nesër më 18 janar, 2018,  nga ora 13:30, organizon takimin me kryetarët e Komunave të Republikës së Kosovës me qëllim të informimit të komunave lidhur me këtë programin për Zhvillim Rajonal dhe mundësit e zhvillimit socio- ekonomik rajonal. (Ndërtesa e Qeverisë, salla e takimeve P-38 në, ora 13:30) 

- Mbahet mbledhja për themelimin e komisionit për bashkëpunim ndërkombëtar dhe kordinim vendor në fushën e Shkencës së Astronomisë në kuadër të Asociacionit për Mbështetjen e Arsimit dhe Aftësimit Profesional të Republikës së Kosovës. (Ministria e Arsimit, Shkencës dhe Teknologjisë, ora 15:00)