24 Tetor 2018

Shoqata e Fermerëve dhe e Qumështarëve jashtë grupeve punuese MBZHR-se

Prishtinë, 27 nëntor - Shoqata e Fermerëve Kosovar  të Qumështit dhe Shoqata e Qumështarëve të Kosovës kanë bërë të ditur se Ministria e Bujqësisë i ka lënë jashtë grupeve punuese dy shoqatat më të mëdha në vend që kanë të bëjnë me qumështin.

Shoqata e Fermerëve Kosovar të Qumështit numëron mbi 2500 fermerë dhe Shoqatën e Qumështarëve të Kosovës që numëron dhjetëra përpunues të qumështit dhe mijëra të ndërlidhur në punën e tyre.

Grupet e Ministrisë së Bujqësisë do të propozojnë kriteret rreth masave 101 dhe 103 për investimet në asetet fizike të ekenomive bujqësore – Prodhuesit e Qumështit si dhe investimet në asetet fizike të përpunimit dhe tregëtimit të produkteve bujqësore në prodhimin e qumështit.

"Çudia më e madhe është se kryetari i Shoqatës së Fermerëve Besim Kuçi, bashkë me një grup fermerësh kishte takuar kryeministrin Haradinaj më 12 nëntor, ku ndër të tjera ishte biseduar edhe per punën e grupeve punuese të Ministrisë së Bujqësisë dhe nga ku ishte rënë dakord që kjo shoqatë të përafqësohej në grupet punuese të ministrisë", thekson komunikata e ketyre dy shoqatave.

Gjithashtu edhe zv. Kryeministri Fatmir Limaj kishte takuar dhe ishte zotuar para shoqatave se Qeveria e Kosovës tash e tutje do të merret intenzivisht me të gjitha kërkesat e Qumështarëve dhe kishte kërkuar formimin e grupeve punuese me këto shoqata.

Mirëpo përveç që Shoqata e Fermerëve nuk është ftuar të përfaqësohet, pa kurrfarë paralajmërimi është larguar edhe përfaqësuesi i Shoqatës së Qumështarëve të Kosovës Ramadan Memaj që më herët ka qenë pjesë e këtyre grupeve punuese.

"Ne nuk duam të besojmë që ky përjashtim dhe mosinkuadrim ka të bëjë me luftën tonë kundër vajit të palmës."

Asnjë fermer i qumështit nuk është në këto grupe punuese dhe asnjë përpunues i cili nuk përdor vaj palme nuk figuron aty !?

"Ne jemi shumë të zhgënjyer nga një qasje e tillë e cila për neve është diskriminuese".
 
"Ne je mi të vendosur që të mbrojmë deri në fund ineteresat e fermerëve dhe qumështarëve të sinqertë të qumështit, që deri sot janë kujdesur që produktet e tyre të mos përmbajnë materie të rrezikshme për konsumatorin", theksojn Shoqata e Fermerëve Kosovar të Qumështit dhe Shoqata e Qumështarëve të Kosovë.
.
 

Kalendari

Ngjarjet e datës 24 tetor 2018 - Kryeministri i Republikës së Kosovës, Ramush Haradinaj gjatë vizitës zyrtare në Shkodër, do të zhvillojë homazhe te shtatorja e Isa Boletinit. (Shkodër, ora 9:00)

- Universiteti i Prishtinës “Hasan Prishtina” dhe Zyra e UNICEF-it në Kosovë organizojn konferencën me titull “Ndërtimi i partneritetit për ndryshime pozitive sociale në Kosovë”. (Swiss Diamond Hotel, ora 9:15)

- Kryeministri i Republikës së Kosovës, Ramush Haradinaj viziton Bashkinë e Shkodrës në Shqipëri ku do te takohet me kryetaren e Bashkisë, Voltana Ademi. (Bashkinë e Shkodrës, ora 9:30)

- Mbahet mbledhja e Komisionit për Shëndetësi, Punë dhe Mirëqenie Sociale në të cilën do të behët formimi i grupit punues për monitorimin e Ligjit për Produkte dhe Pajisje Medicinale. (Ndërtesa e Kuvendit, salla N 303, ora 10:00)

- Ministria e Kulturës, Rinisë dhe Sportit organizon një ceremoni solemne në të cilën do të bëjë ndarjen e Çmimit Kombëtar për Veprimtari Jetësore “Niketë Dardani” për vitin 2017 dhe çmimeve tjera vjetore për muzikë. (Kabineti i ministrit, ora 11:00)

- Ministri i Ministrit të Arsimit, Shkencës dhe Teknologjisë, Shyqiri Bytyqi raporton para Komisionit për të Drejtat, Interesat e Komuniteteve dhe për Kthim lidhur me çështjen e regjistrimit të pjesëtarëve të komunitetit shumicë për vendet e rezervuara të studentëve të komunitetit joshumicë dhe vendeve të rezervuara në Qendrën e Studentëve. (Ndërtesa e Kuvendit, salla N204, ora 11:00)

- Ministri i Infrastrukturës Pal Lekaj merr pjesë në përurimin e rrugës  Gjakovë-Ponoshec dhe fillimin e punimeve në rrugën Smolicë-Nivokaz. (Ura e Erenikut në dalje të Gjakovës, ora 11:00)

- Mbahet mbledhja e Komisionit për Mbikëqyrjen e Financave Publike në të cilën do të behë shqyrtimi dhe miratimi i rekomandimeve nga raporti i auditimit për Pasqyrat Vjetore Financiare të Stacionit të Autobusëve Prishtinë. (Ndërtesa e Kuvendit, salla N 225, ora 11:00)

- Komisioni për Shëndetësi, Punë dhe Mirëqenie Sociale i Kuvendit të Kosovës, do ta vizitoj Kliniken e Onkologjisë në QKUK, dhe do të takohet me Ekrem Hyseni, drejtor i klinikes. (Kliniken e Onkologjisë, ora 11:30)

- Bëhet promovimi i librit monografik “Nëna ime Mihane Lama” i gjeneralit të mirënjohur, Kudusi Lama. (Instituti Albanologjik, ora 12:00)

- Ministria e Tregtisë dhe Industrisë do të bëj asgjësimin e lodrave të konfiskuara nga inspektorati i MTI-së.  (Kishnicë, Komuna e Graçanicës, ora 13:00)

- Qendra për Paqe dhe Tolerancë në përkrahje nga OSBE dhe në bashkëpunim me Komunën e Gjilanit dhe me shkollat e mesme në këtë komunë, organizon aktivitetin e pastrimit të Parkut të Qytetit në Gjilan. (Parku i Qytetit në Gjilan, ora 13:00)

- Let’s Do It Kosova në bashkëpunim me Organizatën “Paqja studentore” organizojn aksion pastrimi në hapësirat e Kampusit të Universitetit të Prishtinës “Hasan Prishtina”. (Kampusi i Universitetit të Prishtinës, ora 13:30)

- Kryetari i komunës se Deçanit, Bashkim Ramosaj dhe sportistë të Klubit te Futbollit "Bardhosh Gërvalla" nga Gjermania vizitojnë kompleksin e varrezave të heronjve  në Dubovikë. (Dubovikë, pra 15:30)

- Organizata për Rritjen e Cilësisë në Arsim bën publikimin e analizës për menaxhimin e financave lidhur me pagesat që i bëhen stafit akademik në UP. (Hotel Sirius, ora 15:30)

- Kryetari i komunës se Deçanit, Bashkim Ramosaj dhe sportistë të Klubit te Futbollit "Bardhosh Gërvalla" nga Gjermania vizitojnë kompleksin memorial "Dëshmorët e Kombit" në Gllogjan. (Gllogjan, ora 16:00)

- Brendi vendor i veshjeve për gra dhe burra Mr.Rex në bashkëpunim me rrjetin e grave të Kosovë organizon mbremja e bamirësisë për gruan me ç’rast në event do mblidhet një donacion i cili do t’iu shkojë në ndihmë grave të prekura nga kanceri I gjirit. (Hotel Emerald, ora 18:00)