04 Dhjetor 2020

Rendimente më të ulëta të grurit këtë vit

Prishtinë, 20 shtator - As këtë vit Kosova nuk do të shpëtoi pa importim të grurit dhe miellit për shkak të rendimenteve të ulëta.

Raporti i korrje-shirjeve për vitin 2010 i Ministrisë së Bujqësisë, Pylltarisë dhe Zhvillimit Rural, (MBPZHR) tregon se këtë vit mund të mbulohen vetëm 50 për qind të nevojave të përgjithshme të popullatës me miell dhe grurë, ndërsa pjesa tjetër nga importi.

Bazuar në raportet e Drejtorive Komunale Bujqësore, këtë vit janë korrur gjithsej 64596.85 hektar me grurë dhe 1381.35 hektar me elb. Ndërsa, rendimenti mesatar i arritur është 3400 kilogram për hektar, pra gjithsej këtë vit janë prodhuar rreth 219629 tonë grurë.

Vitin e kaluar rendimenti mesatar i grurit ka qenë 3500 kilogram për hektar, ndërsa këtë vit 3400 kilogram për hektar, që i bie 100 kilogram më pak për hektar.

Ndërsa në përqindje, rendimenti mesatar i grurit këtë vit është më i ulët për 2.85 për qind.

Shkas për këto rendimente të dobëta këtë vit, sipas raportit të MBPZHR-së përmenden shumë faktor, por kryesori është dominimi i temperaturave të larta në fazën e pjekurisë qumështore, ku është shkaktuar pjekja e dhunshme që ka ndikuar dukshëm në ulje të rendimentit.

Faktorët tjerë që përmendën janë edhe mos përgatitja adekuate e tokës për mbjellje nga ana e fermerëve ose aplikimi i duhur i masave agroteknike, përdorimi i farës merkantile për mbjellje, përdorimi jo i mjaftueshëm dhe adekuat i pesticideve, mbjellja e grurit në të njëjtën sipërfaqe tokësore për vite me radhë apo monokultura dhe reshjet e shiut para fillimit të procesit të korrje-shirjeve. Këta janë disa nga faktorët që kanë ndikuar në rendimentet e vogla të grurit këtë vit.

Ndërsa nevojat ushqyese me grurë për popullatën e Kosovës janë 205 kilogram në vit për kokë të banorit dhe për konsum vjetor për të gjithë Kosovën  nevojiten 410.000 tonë grurë. Me këtë sasi të grurit të prodhuar 219629 tonë, këtë vit prodhimi i brendshëm arrin që t’i plotësoj rreth 53.5 për qind të kërkesave për grurë në vendin tonë.

Të mbjellat vjeshtore janë subvencionuar me 2.1 milionë euro, por Ministria e Bujqësisë së bashku me Qeverinë e Kosovës kanë ndarë edhe  500.000 euro për subvencionimin e 30 për qind të naftës për hektar.

Numri i autokombajnave që janë përfshirë në procesin e korrje-shirjes së drithërave të bardha ishte gjithsej 1356 dhe subvencionimi është bërë në masën prej 30 për qind  të shpenzimeve të derivateve të naftës për hektarë.

Komuna që prin me sipërfaqe të mëdha të grurit është Skenderaj  me 6700 hektar grurë dhe  430 hektar elb. Mbas saj radhitet Lipjani me 5850 hektar grurë dhe 85 hektar elb. Komuna e tretë është Vitia me 5798 hektar grurë dhe 55 hektar elb.

Ndërsa komunat e mëdha si Gjakova, Prizreni, Gjilani, Podujeva radhiten më poshtë me sipërfaqe të grurit. Prizreni 4205 hektar grurë dhe 20 hektar elb. Gjakova 4600 hektar grurë dhe 100 hektar elb. Podujeva me 4380 hektar grurë dhe 22 hektar elb.


Elhami Ismajli

Kalendari

Ngjarjet e datës 4 Dhjetor 2020

- Mbahet seanca fillestare për rastin e vrasjes së politikanit serb Oliver Ivanoviq pranë Gjykatës Themelore në Prishtinë, departamenti Special - krimet e rënda me c'rast avokati mbrojtës do te jep deklaratë për mediet pas seancës. (Gjykata Themelore në Prishtinë, ora 9:30)

- Guvernatori i Bankës Qendrore të Republikës së Kosovës, Fehmi Mehmeti do të mbaj një takim virtual me presidentin e Gjykatës Ndërkombëtare të Arbitrazhit Alexis Mourre dhe Drejtoreshën e Komisionit të Arbitrazhit për Evropë, Laetitia de Montalivet. (Takim virtual, ora 10:00)

- Kryetari i Komunës së Prizrenit, Mytaher Haskuka dhe drejtoresha e Drejtorisë së Kulturës, Rinisë dhe Sportit, Emilja Redzepi, do të bëjnë nënshkrimin e kontratave me përfituesit e thirrjes për përkrahjen e OJQ-ve dhe individëve në fushën e kulturës, rinisë dhe sportit. (Shtëpia e Bardhë në Prizren, ora 10:00)

- Qendra për Këshillim, Shërbime Sociale, dhe Hulumtime organizon aktivitetin “Tuneli i Fundit” në përkujtim të grave të vrara si pasojë e dhunës në familje në pesë vitet e fundit në Kosovë, dita e dytë. (Përballë ndërtesës së Kuvendit të Kosovës, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton shkresën e Artan Qerkinit përfaqësues i Malcolm Simmons, ish kryetar i Asamblesë së Gjyqtarëve të EULEX-it, “Përgjigje në ftesën për të dëshmuar para Komisionit për Legjislacion” si dhe njoftohet me shkresën e Përfaqësuesit Special të Bashkimit Evropian, Tomas Szunyong, për emërimin e Karin Hernmark Ahliny, Ambasador i Suedisë, anëtar i Bordit  Mbikëqyrës  të Agjencisë Kosovare për Verifikim dhe Krahasim të Pronës. (Ndërtesa e Kuvendit, salla N506, ora 10:15)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston Ministrin e Ministrisë së Infrastrukturës Arban Abrashin. (Ndërtesa e Kuvendit, salla N204, ora 11:00)

- Mbahet seanca e jashtëzakonshme e Kuvendit te Kosovës në të cilën do të behët shqyrtimi i dytë i Projektligjit për Rimëkëmbjen Ekonomike - COVID-19. (Ndërtesa e Kuvendit, ora 11:00)

- Organizata Etea dhe Aleanca Franceze në Prishtinë me mbështetjen e Ambasadës Franceze do të mbajnë takimin e parë të huazimit të librave. (Tek objekti i Aleancës Franceze, ora 11:00)

- Autoriteti Kosovar i Konkurrencës (AKK) mban konferencë për medie lidhur me një hetim ndaj ndërmarrjeve që operojnë në tregun e energjisë elektrike. (Ish-objekti i Bankës së Lubjanës, ora 11:15)

- Kryetari i Delegacionit të Kosovës, Ibrahim Makolli dhe ai i delegacionit të Serbisë Veljko Odalovic do të mbajnë konferencë për media lidhur me varrezën masive në Kizhevak të Serbisë. (Lokacioni i varrezës masive në Kizhevak  të Serbisë, ora 12:00)

- Shpallet aktgjykimi ndaj të akuzuarit N. M., i cili akuzohet nga Prokuroria Themelore e Gjilanit, për veprën penale “vrasje e rëndë” pasi qe në  fshatin Berivojcë, komuna e Kamenicës, i pandehuri dyshohet që pas mosmarrëveshjeve familjare, me një mjet të fortë - shufër metalike, godet bashkëshorten e tij në kokë dhe pjesë të tjera të trupit, me ç’rast të ndjerës i ka shkaktuar plagë të cilat kanë qenë vdekjeprurëse. (Gjykata Themelore Gjilan, ora 13:00)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston drejtoren e Insitutit Hidrometeorologjik të Kosovës Letafete Latifi. (Ndërtesa e Kuvendit, salla N204, ora 13:00)

- Komisioni Hetimor Parlamentar lidhur me procesin e privatizimit në Kosovë plotëson listën e dëshmitarëve. (Ndërtesa e Kuvendit, salla N10, ora 13:00)

 

- Kryetari i Grupit Parlamentar të Partisë Demokratike të Kosovës, Bedri Hamza, mban sot konferencë për media. (Oborri i Kuvendit hyrja nga sheshi, ora 14:00)

- Qendra për Raste Gjyqësore Strategjike mban konferencë për media me rastin e dorëzimit të padisë për konflikt administrativ kundër vendimeve të Ministrisë së Ekonomisë dhe Ambientit dhe Zyrës së Rregullatorit për Energji”. (Para Pallatit të Drejtësisë, ndërtesa A, ora 14:00)

- Ministrja e Punëve të Jashtme dhe Diasporës e Republikës së Kosovës, Meliza Haradinaj-Stublla pret në takim ministrin në detyrë për Evropën dhe Punët e Jashtme i Republikës së Shqipërisë, Gent Cakaj ku pjesë e takimit do të jenë edhe përfaqësuesit e shqiptarëve të Luginës së Preshevës. (Objekti i MPJD-së, ora 14:00)

 

- Kryeministri Avdullah Hoti dhe ministrja e Financave Hykmete Bajrami, mbajnë konferencë për media. (Ndërtesa e Qeverisë, ora 16:00)