01 Dhjetor 2020

Qytetarët kundër përdorimit të qeseve plastike

Prishtinë, 27 prill - Më se 99 për qind e vizitorëve të panairit Dita e Turizmit në Kosovë 2010, që u organizua të enjten e kaluar, më 22 prill, në Prishtinë, kanë përkrahur iniciativën e studentëve të Institutit për Studime “Pjetër Budi”, të titulluar “Thuaj jo qeseve të plastikës”.

Iniciativa është ndërmarrë me rastin e Ditës së Tokës, si një kontribut modest për ruajtjen e ambientit në Kosovë. Me këtë iniciativë, “Pjetër Budi” kishte për synim vetëdijesimin e qytetarëve që t’i përdorin sa më pak ose të mos i përdorin fare qeset e plastikës, si dhe zëvendësimin e tyre me qese të letrës.

Bazuar në përkrahjen e qytetarëve për iniciativën, “Pjetër Budi” do të kërkojë nga Ministria e Mjedisit dhe Planifikimit Hapësinor që të vendosë një taksë për qese të plastikës, ashtu siç funksionon në disa vende të Evropës.

Po ashtu, “Pjetër Budi” do të kërkojë nga ministria procedimin sa më të shpejtë në parlament të ligjit për krijimin e fondit për mbrojtjen e mjedisit, nëpërmjet të cilit parashihet aplikimi i një takse, duke bërë që në mënyrë graduale të sigurohen para për zëvendësimin e qeseve të plastikës me ato të letrës.

Loja “kapuças” për lojë tradiconale

Ndërsa, iniciativa tjetër për zgjedhjen e lojës tradicionale kombëtare, ka nxjerrë si lojën “kapuças” si më të votuarën. Nëpërmjet kësaj iniciative, “Pjetër Budi” deshi të kontribuojë sadopak që Kosova të ketë lojën e vet popullore tradicionale kombëtare.

Duke pasur parasysh që  lojërat popullore kanë rëndësi edukative dhe relaksuese, si dhe karakterizohen me shpirt garues dhe në anën tjetër duke pasur parasysh që Kosova ka një begati, larushi të madhe të lojërave popullore, “Pjetër Budi” propozimet e qytetarëve do t’ia dorëzojë Ministrisë së Kulturës së Kosovës. 

Kalendari

Ngjarjet e datës 1 Dhjetor 2020 - Komisioni Hetimor Parlamentar lidhur me procesin e privatizimit në Kosovë në të cilën do të behët plotësimi i listës së dëshmitarëve. (Ndërtesa e Kuvendit, salla N10, ora 9:00)

- Drejtorit të AKI-së raporton para Komisionit për Mbikëqyrjen e Agjencisë së Kosovës për Inteligjencë lidhur me gjendjen e sigurisë në vend. (Ndërtesa e Kuvendit, salla N204, ora 9:30)

- Campus France, Ambasada Frnceze në Kosovë, Aleanca Franceze e Prishtinës dhe Universiteti i Prishtinës organizojnë Panairin e tretë Universitar Francez në Kosovë. (online -https://tourneebalkanskosovo.com, ora 10:00)

- Mbahet edicioni i 5-të virtual i Green Business Expo. (Businessexpo.greenkosovo.com, ora 10:30)

- Ministri i Shëndetësisë Armend Zemaj raporton para Komisionit për Mbikëqyrjen e Financave Publike lidhur me raportin e auditimit për Pasqyrat Vjetore Financiare të vitit 2019, për Ministrinë e Shëndetësisë. (Ndërtesa e Kuvendit, salla N302, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike diskuton lidhur me rekomandimet e dala nga “Raporti për vendin për vitin 2020, i Komisionit Evropian” me të ftuar ministrat dhe përfaqësuesit e agjencive të pavarura. (Ndërtesa e Kuvendit, salla N506, ora 11:00)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston drejtorin e Departamentit të mjedisit dhe ujërave Muhamet Malësiu dhe drejtorin e Autoritetit të Rajonit të Pellgjeve Lumore, nga Ministria e Ekonomisë dhe Ambientit, Gani Berisha lidhur me lejet e lëshuara për operimin e dy hidrocentraleve nga kompania “Kelkos Energy”. (Ndërtesa e Kuvendit, salla N225, ora 11:00)

- Nënkryetari i Partisë Demokratike të Kosovës, njëkohësisht, kryetari i Degës së PDK-së në Prizren, Shaqir Totaj, i shoqëruar nga deputetja Eliza Hoxha, mbajnë konferencë për media në të cilën do të flasin për shtatoren e re të Skënderbeut, punën e dobët artistike dhe lokacionin jo adekuat. (Zyret e PDK-së në Prizren, ora 11:00)  

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston kryetarin e Komunës së Deçanit, Bashkim Ramosaj. (Ndërtesa e Kuvendit, salla N225, ora 13:00)

- Partia Demokratike e Kosovës, Dega në Prishtinë, do të mbajë konferencë për medie. (Te stacioni i autobusëve urbanë “Katedralja”, ora 13:00)

- Zyrtarët e Agjencisë së Ushqimit dhe Veterinarisë raportojn para Komisionit për Bujqësi, Pylltari, zhvillim Rural, Infrastrukturë dhe Mjedis rreth importimit të vajit të palmës. (Ndërtesa e Kuvendit, salla N204, ora 13:00)

- Instituti Demokraci për Zhvillim (D4D) mban diskutimin “Rimëkëmbja nga viti 2020: Si të rindërtojmë ekonominë dhe politikat sociale në vitin 2021?”. (Hotel Sirius, ora 17:00)