28 Maj 2020

Qeveria ka injoruar çështjet e mjedisit dhe bujqësisë

Prishtinë, 10 korrik - Lidhja Demokratike e Dardanise ka vlerësuar se qeveria aktuale ka injoruar në tërësi yshtjet e mjedisi dhe bujqësisë.

Nënkryetari i LDD, Naser Rugova ka në konferencën e përbashkët  për media me anëtarin e Kryesisë Sokol Haliti ka vlerësuar se Qeveria aktuale fushën e mjedisit dhe planifikimit hapësinor e ka injoruar fare, si në aspektin e mbështetjes financiare ashtu edhe mungesës së vizionit për të bërë zgjidhje në këta sektorë me rëndësi vitale për vendin.

“Gjendja në sektorin e mbrojtjes së mjedisit në Kosovë, sektorit të mbrojtjes së natyrës, të ujërave,trajtimit të ujërave të zeza dhe industriale,sektori i menaxhimit të mbeturinave është alarmante,dhe këtë e dinë mirë qytetarët e vendit. Mungesë e plotë evizionit, dijes, planifikimit dhe hartimit të strategjive për këta sektor të rëndësishëm që kanë ndikim të drejtpërdrejt në mbrojtjen e shëndetit të popullatës

Pasi që parashtroi pyetjen se pse kjo qeveri nuk merr hapa për pengimin e punës së gurëthyesve ilegal që po e shkatërrojnë natyrën dhe sistemet ekologjike të vendit? Pse nuk pengohen eksploatuesit e paligjshëm të rërës dhe zhavorrit që po i dëmtojnë rëndë brigjet e lumenjëve dhe tokën bujqësore, nënkryetari Rugova vlerësoi se shihet haptas se këta keqbërës janë direkt të lidhur me zyrtarët qeveritar!

“ Gjithashtu vazhdon trendi i ndërtimeve të egra dhe pa plan në zonat e mbrojtura dhe që kanë rëndësi për zhvillimin e turizmit dhe rekreacionit. Këta ndërtues të pandërgjegjshëm janë zyrtarë komunal, qeveritarë dhe pushtetarë të lartë që pa mëshirë po shkatërrojnë natyrën dhe mjedisin si në Prevallë, Brezovicë, Rugovë, Shalë të Bajgorës etj. ku janë në pushtet partnerët e koalicionit aktual qeverisës”.

Me aksent të veçantë sot LDD ngre një shqetësim dhe alarmon qeverinë dhe institucionet kompetente për një rrezik serioz për shëndetin e popullatës dhe mjedisin.

“ Sot ne Kosovë mendohet që janë mbi 100 ton barna me afat tё skaduar qё paraqesin figurativisht njё bombё atomike brenda vendit tonë. Edhe pse nuk ekziston ndonjë e dhёne  e saktё nё lidhje me sasinё e barnave pa afat, ato janё tё vendosura nё dy hapësira tё ndara nё depon e Mazgitit nё njё sipёrfaqe me vёllim tё pёrgjithshёm  prej 2075m2 (e cila ёshtё e mbushur përplot dhe më nuk ka vend për sasi tё tjera tё shumta tё barnave pa afat).

Në asgjësimin e barërave janë të involvuara katër ministri.

“Atëherë çfarë bëjnë këto ministri dhe Qeveria? Kush duhet të bëjë zgjidhje për këtë problem serioz që mund të ketë pasoja të paparashikueshme për shëndetin e popullatës dhe mjedisin. Kjo është më tepër se papërgjegjësi,dështim dhe falimentim i kësaj qeverie”, ka vlerësuar nënkryetari Rugova.

Anëtari i Kryesisë së LDD, Sokol Haliti ka thënë se LDD-ja vlerëson se gjendja në sektorin e bujqësisë dhe veprimtarive të tjera që përfshinë kjo fushë e rëndësishme e ekonomisë është shumë e rëndë dhe në gjendje kolapsi.

Në vitin e tretë të pavarësisë kjo Qeveri dhe partnerët e koalicionit edhe pse e dinë mirë se bazë e zhvillimit ekonomik dhe rimëkëmbjes ekonomike të vendit është zhvillimi i bujqësisë dhe agrobiznesit, vazhdojnë prapë ta lënë këtë sektor në mëshirën e fatit,pa përkrahje,pa prioritete dhe pa koncept të qartë për dalje nga kjo agoni që e ka përfshi këtë sektor nga më të rëndësishmit për rimëkëmbjen e ekonomisë së vendit.

Gjendja tejet e rëndë e prodhuesve vendor nga ky sektor tregon për papërgjegjësinë,mungesën e vizionit dhe paaftësinë e kësaj qeverie që të të ju krijojnë ambient normal këtyre prodhuesve që të prodhojnë dhe zhvillojnë bizneset e tyre.

“Kur dëgjojmë deklarimet dhe premtimet pompoze të qeverisë dhe ministrit të bujqësisë se do bëjmë këtë dhe atë,se do bëjmë kaq investime në këtë sektor,krijohet përshtypja se kanë buxhet qindra miliona euro”

Haliti ka vlerësuar se e vërteta është ndryshe nga deklarimet e qeveritarëve.

“ Komisioni Evropian ka ndarë grande për këtë sektor 5 milion euro,dhe ne u  jemi mirënjohës,por këto janë para të taksapaguesve evropian që ju dedikohen kosovarëve dhe nuk është meritë e kësaj qeverie,shumë kjo që prek një sektor të vogël dhe as për së afërmi nuk përmbushë nevojat e kësaj fushe siç po trumbetojnë qeveritarët.

Për LDD-në është e pakuptueshme që përkundër gjendjes së rëndë të këtij sektori, në rishikimin e buxhetit i merren 1 milion euro ministrisë së bujqësisë,kjo tregon më së miri se sa i kushton rëndësi kjo qeveri  bujqësisë dhe prodhuesve vendorë”.
 
Haliti ka vlerësuar se paradokset e kësaj qeverie ndaj këtij sektori janë të shumta,por shembull eklatant është bartja e kompetencave të AVUK-së nga Ministria e Bujqësisë në përgjegjësi të zyrës së Kryeministrit,që është rast unikat,arsyet dihen pse është bërë kjo,për monopole dhe përfitime të klaneve që janë në pushtet. Ky paradoks ndodhë vetëm në Kosovë.
 

Kalendari

Ngjarjet e datës 28 Maj 2020  - Kryeministri në detyrë, Albin Kurti, viziton Komunën e Prishtinës. (Objekti i vjetër i Komunës, ora 10:00)

 - Mbahet mbledhja e Komisionit për Ekonomi, Punësim, Tregti, Industri, Ndërmarrësi dhe Investime Strategjike në të cilën do të votohet Raporti Vjetor i Zyrës së Rregullatorit të Energjisë, si dhe shpallja e konkursit për zgjedhjen e “Kryesuesit të Komisionit Shqyrtues të Autoritetit Rregullator për Shërbimet e Ujit”, etj. (Ndërtesa e Kuvendit, salla N10, ora 11:00 -mbledhja do të mbahet pa prezencën e mediave)

- Ambasada e Italisë dhe Ushtria Italiane prezantojnë kontributet e tyre për Ministritë e Shëndetësisë dhe Ministrinë e Punëve të Brendshme dhe të Administratës Publike në përgjigje të pandemisë globale Covid-19 në Kosovë. (Salla e konferencave të Administratës Qendrore të QKUK-së, ora 11:00)

- Mbahet mbledhja e Kryesisë së Kuvendit në të cilën do të diskutohet kërkesa e KOSTT-it për miratimin e Planit të biznesit, propozim rregullorja për rendin dhe qasjen e  mediave dhe të publikut në punën e Kuvendit, propozim rregullorja për shfrytëzimin e automjeteve të Kuvendit, raporti i shpenzimeve të Kuvendit, shpenzimet e telefonisë mobile dhe reprezentacionit, etj. (Ndërtesa e Kuvendit, salla  C-301, ora 12:00)

- Qendra për Zhvillim të Karrierës në Universitetin e Prishtinës. aktivitetit “KarrieraUP” ku folës do të jetë përfaqësuesi nga kompania farmaceutike “Gentipharm”, Demir Shkodra. (Facebook.com/qzhkunipr, ora 13:00)

- Komisioni Qendror i Zgjedhjeve mban mbledhjen e radhës në të cilën shqyrton raportin për azhurnimet e të dhënave vjetore të Partive Politike, raportin për dorëzimin e raporteve të shpenzimeve vjetore të partive politike, raportin për deklarimin e partive politike për vazhdimin e regjistrimit, etj. (Selia e KQZ-së, ora 13:30)

- Partia Demokratike e Kosovës, mban konferencë për media. (Selia e Partisë Demokratike të Kosovës, ora 15:30)

- Një delegacion austriak i kryesuar nga Ministri për Evropë dhe Punë të Jashtme, Alexander Schallenberg do të qëndrojë për vizitë të shkurtër zyrtare në Republikën e Kosovës ku do të pritet nga Ministri i Punëve të Jashtme dhe Diasporës i Republikës së Kosovës, Glauk Konjufca. (Hapësirat e Terminalit VIP të Aeroportit Ndërkombëtar të Prishtinës, ora 15:45)

- Lëvizja Vetëvendosje organizon protestë. (Sheshi “Skënderbeu”, ora 17:00)

- Ministri i Punëve të Jashtme dhe Diasporës, Glauk Konjufca, Ministri i Integriemev Evropiane Blerim Reka se bashku me Ministrin për Evropë dhe Punë të Jashtme te Austrisë, Alexander Schallenberg dhe Ministren për Evropë e Austrisë, Karoline Edtstadler mbajnë konferencën e përbashkët për media. Aeroporti i Prishtinës, ora 17:00)