04 Dhjetor 2020

Qeveria e aprovon Strategjin për Zhvillimin e Pylltarisë 2010–20

Prishtinë, 12 shkurt - Qeveria e Kosovës ka zhvilluar mbledhjen e saj të 109, të rregullt  ka aprovuar Strategjinë për Zhvillimin e Pylltarisë, 2010 – 2020.

Kjo strategji  identifikon si objektiv të përgjithshëm të Qeverisë së Republikës së Kosovës ngritjen e kontributit në ekonominë kombëtare, përmes shfrytëzimit të qëndrueshëm të resurseve pyjore duke marrë parasysh rolin shumë funksional të tyre.

Në mënyrë që të ketë përputhje me objektivin e përgjithshëm, Qeveria do të mirëmbajë dhe do të zgjerojë zbatimin e aktiviteteve të sektorit pyjor përmes ofrimit të një kornize mbështetëse institucionale dhe rregullative, si dhe të sigurojë mekanizma të përhershëm për përmirësim të gjendjes në sektorin e pyjeve.

Në hapje të mbledhjes, kryeministri Hashim Thaçi, ka njohur kabinetin qeveritar me mbështetjen e fuqishme që Kosova ka marr në takimin e Grupit Drejtues Ndërkombëtarë në Vjenë. Në këtë takim, ka thënë kryeministri Thaçi, Kosova është përkrahur në proceset zhvillimore të saj që janë në përputhje me ligjet e Kosovës dhe me dokumentin e presidentit Ahtisari, si dhe ka marr mbështetjen e Grupit Drejtues Ndërkombëtarë në rrugën e integrimeve euroatlantike.

Qeveria ka miratuar vendimin e bazuar në  Ligjin për Buxhetin e Republikës së Kosovës, Nr. 03 /L-177/ nenit 12 alineja 2 sipas të cilit Qeveria ka autorizuar ministrin e Ministrisë së Ekonomisë dhe të Financave që të aprovojë transfere për shumat individuale të kërkuara deri në vlerën 20.000 (njëzetmijë)  euro.

Në mbledhje është aprovuar Strategjia për Komunitete dhe Kthim 2009 – 2013 e cila angazhohet për të definuar kthimin e qëndrueshëm dhe zhvillimin e të gjitha komuniteteve në terma afatgjatë dhe që ka ndikim në të gjitha aspektet e jetës dhe në të gjitha nivelet. Kthimi i qëndrueshëm dhe zhvillimi nënkupton zhvillimin e një modeli, që në mënyrë kualitative përmbushë nevojat shoqërore-ekonomike, dhe interesat e qytetarëve. Një nga synimet kryesore të kthimit të qëndrueshëm është mundësia e punësimit, si dhe zvogëlimi i pabarazisë shoqërore në grupet e margjinalizuara. Programet për zhvillimin e mundësive të punësimit fillimisht duhet të synohen tek grupet më të pambrojtura, por gjithashtu duhet të jenë jo-diskriminuese ndaj grupeve tjera.

Qeveria ka aprovuar ndryshimin dhe plotësimin e vendimit për blerjen e objekteve të Ambasadave të Republikës së Kosovës, i cili përcakton se pas përfundimit të negociatave, autoriteti nënshkrues i kontratës do të jetë drejtori i prokurimit në ministrinë e Punëve të Jashtme.

Vendimi tjetër, në mbledhjen e sotme të Qeverisë, është marr për plotësimin e vendimit për themelimin e Universitetit të Prizrenit për mbështetjen e Qeverisë së Kosovës në hartimin e Planit Zhvillimor nga menaxhmenti i këtij Universiteti.

 

Kalendari

Ngjarjet e datës 4 Dhjetor 2020 - Mbahet seanca fillestare për rastin e vrasjes së politikanit serb Oliver Ivanoviq pranë Gjykatës Themelore në Prishtinë, departamenti Special - krimet e rënda me c'rast avokati mbrojtës do te jep deklaratë për mediet pas seancës. (Gjykata Themelore në Prishtinë, ora 9:30)

- Guvernatori i Bankës Qendrore të Republikës së Kosovës, Fehmi Mehmeti do të mbaj një takim virtual me presidentin e Gjykatës Ndërkombëtare të Arbitrazhit Alexis Mourre dhe Drejtoreshën e Komisionit të Arbitrazhit për Evropë, Laetitia de Montalivet. (Takim virtual, ora 10:00)

- Kryetari i Komunës së Prizrenit, Mytaher Haskuka dhe drejtoresha e Drejtorisë së Kulturës, Rinisë dhe Sportit, Emilja Redzepi, do të bëjnë nënshkrimin e kontratave me përfituesit e thirrjes për përkrahjen e OJQ-ve dhe individëve në fushën e kulturës, rinisë dhe sportit. (Shtëpia e Bardhë në Prizren, ora 10:00)

- Qendra për Këshillim, Shërbime Sociale, dhe Hulumtime organizon aktivitetin “Tuneli i Fundit” në përkujtim të grave të vrara si pasojë e dhunës në familje në pesë vitet e fundit në Kosovë, dita e dytë. (Përballë ndërtesës së Kuvendit të Kosovës, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton shkresën e Artan Qerkinit përfaqësues i Malcolm Simmons, ish kryetar i Asamblesë së Gjyqtarëve të EULEX-it, “Përgjigje në ftesën për të dëshmuar para Komisionit për Legjislacion” si dhe njoftohet me shkresën e Përfaqësuesit Special të Bashkimit Evropian, Tomas Szunyong, për emërimin e Karin Hernmark Ahliny, Ambasador i Suedisë, anëtar i Bordit  Mbikëqyrës  të Agjencisë Kosovare për Verifikim dhe Krahasim të Pronës. (Ndërtesa e Kuvendit, salla N506, ora 10:15)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston Ministrin e Ministrisë së Infrastrukturës Arban Abrashin. (Ndërtesa e Kuvendit, salla N204, ora 11:00)

- Mbahet seanca e jashtëzakonshme e Kuvendit te Kosovës në të cilën do të behët shqyrtimi i dytë i Projektligjit për Rimëkëmbjen Ekonomike - COVID-19. (Ndërtesa e Kuvendit, ora 11:00)

- Organizata Etea dhe Aleanca Franceze në Prishtinë me mbështetjen e Ambasadës Franceze do të mbajnë takimin e parë të huazimit të librave. (Tek objekti i Aleancës Franceze, ora 11:00)

- Autoriteti Kosovar i Konkurrencës (AKK) mban konferencë për medie lidhur me një hetim ndaj ndërmarrjeve që operojnë në tregun e energjisë elektrike. (Ish-objekti i Bankës së Lubjanës, ora 11:15)

- Kryetari i Delegacionit të Kosovës, Ibrahim Makolli dhe ai i delegacionit të Serbisë Veljko Odalovic do të mbajnë konferencë për media lidhur me varrezën masive në Kizhevak të Serbisë. (Lokacioni i varrezës masive në Kizhevak  të Serbisë, ora 12:00)

- Shpallet aktgjykimi ndaj të akuzuarit N. M., i cili akuzohet nga Prokuroria Themelore e Gjilanit, për veprën penale “vrasje e rëndë” pasi qe në  fshatin Berivojcë, komuna e Kamenicës, i pandehuri dyshohet që pas mosmarrëveshjeve familjare, me një mjet të fortë - shufër metalike, godet bashkëshorten e tij në kokë dhe pjesë të tjera të trupit, me ç’rast të ndjerës i ka shkaktuar plagë të cilat kanë qenë vdekjeprurëse. (Gjykata Themelore Gjilan, ora 13:00)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston drejtoren e Insitutit Hidrometeorologjik të Kosovës Letafete Latifi. (Ndërtesa e Kuvendit, salla N204, ora 13:00)

- Komisioni Hetimor Parlamentar lidhur me procesin e privatizimit në Kosovë plotëson listën e dëshmitarëve. (Ndërtesa e Kuvendit, salla N10, ora 13:00)

- Qendra për Raste Gjyqësore Strategjike mban konferencë për media me rastin e dorëzimit të padisë për konflikt administrativ kundër vendimeve të Ministrisë së Ekonomisë dhe Ambientit dhe Zyrës së Rregullatorit për Energji”. (Para Pallatit të Drejtësisë, ndërtesa A, ora 14:00)

- Ministrja e Punëve të Jashtme dhe Diasporës e Republikës së Kosovës, Meliza Haradinaj-Stublla pret në takim ministrin në detyrë për Evropën dhe Punët e Jashtme i Republikës së Shqipërisë, Gent Cakaj ku pjesë e takimit do të jenë edhe përfaqësuesit e shqiptarëve të Luginës së Preshevës. (Objekti i MPJD-së, ora 14:00)