19 Tetor 2020

Qeveria dyfishon subvencionet për vreshtarët dhe verëtarët

Rahovec, 6 tetor - Kryeministri i Qeverisë së Republikës së Kosovës, Avdullah Hoti, bashkë me ministrin e Bujqësisë, Pylltarisë dhe Zhvillimit Rural, Besian Mustafa, si dhe kryetarin e Komunës së Rahovecit, Smajl Latifi, kanë mbajtur një takim me shoqatat e vreshtarëve dhe verëtarëve të Komunës së Rahovecit.

Ky takim u realizua me kërkesë të kryeministrit Hoti, i cili para të pranishmëve shpalosi prioritetet e Qeverisë në përballimin e situatës së shkaktuar nga pandemia COVID- 19, dhe konfirmoi mbështetjen institucionale, duke theksuar faktin për dyfishimin e subvencioneve në sektorin e bujqësisë, të cilat ndikojnë në tejkalimin e sfidave dhe zhvillimin e këtij sektori.

“Me rishikim të buxhetit, kemi krijuar një fond që është rreth 5 për qind e bruto produktit vendor, dhe nga kjo shumë ne kemi lëshuar mjete për ekonominë nëpër sektorë të ndryshëm, si dhe nga një vendim i marrë, i cili prek edhe shoqatën tuaj, janë ndarë edhe 60 milionë euro edhe për bizneset”, tha kryeministri Hoti.

“Qasja e Qeverisë është një ndihmesë e madhe për buxhetin e familjeve të vreshtarëve, për përpunuesit e rrushit dhe të tjerëve, që ta tejkalojnë këtë gjendje nëpër të cilën po kalojmë”, tha kryeministri Hoti, duke shtuar se deri në fund të vitit, me këtë mbështetje që po e japim përmes Fondit për Rimëkëmbje Ekonomike, prej 365 milionë euro, si dhe Ligjit i cili është në procedurë, të arrijmë që të kompenzojmë dëmin plotësisht që ka pas ekonomia si rezultat i pandemisë.

“Nga 24 milionë, janë bërë 48 milionë për subvencione në bujqësi, dhe vetëm për vreshtat subvencionet rriten nga 1 mijë në 2 mijë euro për hektarë, ndërkaq për litër të verës rriten nga 4 cent në 8 cent për litër”, tha kryeministri Hoti, duke thënë se është lajm i mirë që grumbulluesit e rrushit sivjet i kanë hapur bodrumet e veta dhe janë duke e marrë rrushin, me kushtet e njëjta siç ka qenë në vitin e kaluar.

Sa i përket dhënies së granteve për sektorin e bujqësisë, kryeministri Hoti tha se do të rrisim pjesën e tyre, bashkë me donatorë e ndërkombëtarë, si dhe investimet publike që i ka Qeveria për 5 vjetët e ardhshme, me theks të veçantë për rritje të sipërfaqes së tokave bujqësore në ujitje.

“Si pjesë e Marrëveshjes së Stabilizim Asociimit, duhet të punojmë shumë me Bashkimin Evropian, që të vendosemi në hartën e BE-së, sa i përket prodhimit të verës në procedurat e integrimeve evropiane”, tha kryeministri Hoti

Kalendari

Ngjarjet e datës 20 Tetor 2020 - Kryetari i Komunës së Prizrenit, Mytaher Haskuka do të pret në takim shefin e Zyres së Bashkimit Evropian në Kosovë, ambasadorin Tomas Szunyog. (Hapësirat e Shtëpisë së Bardhë, ora 8:20 - vetëm pamje)

- Kryeministri Avdullah Hoti dhe Ministrja e Kulturës, Rinisë dhe Sportit Vlora Dumoshi marrin pjesë në Inaugurimin e Palestrës Sportive në Deçan. (Objekti i Palestrës Sportive në Deçan, ora 10:00)

- Ministri i Bujqësisë Besian Mustafa viziton Gjilanin ku do te takohet me kryetarin Lutfi Haziri. (Zyra e krytarit Haziri, ora 10:00)

- Në ditën e dytë të Javës për të Drejtat e Viktimave të Krimit mbahet diskutimi me temë “Abuzimi i fëmijëve dhe sulmet seksuale- Nevoja për trajtimin me prioritet të rasteve të abuzimeve seksuale”. (Platforma zoom, ora 10:00)

- Ministri i Ekonomisë dhe Ambientit, Blerim Kuçi pritet nga kryetari i Komunës se Suharekës. (Komuna e Suharekës, ora 10:30)

-  Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton Projektligjin për të Drejtat Pronësore të shtetasve të huaj në Republikën e Kosovës, projektligjin për të drejtën ndërkombëtare Private, etj. (Ndërtesa e Kuvendit, salla N303, ora 11:00)  

- Ministrja e Kulturës, Rinisë dhe Sportit Vlora Dumoshi viziton Komunën e Klinës. (Komuna e Klinës, ora 11:00)

- Kryeministri Avdullah Hoti viziton Komunën e Klinës. (Komuna e Klinës, ora 11:00)

-  Ministrja e Financave znj.Hykmete Bajrami dhe Auditori i Pergjithshëm i ZKA-së, Besnik Osmani raportojn para Komisioni për Mbikëqyrjen e Financave Publike Raportin lidhur me raportin Vjetor te Auditimit. (Ndërtesa e Kuvendit, salla C203, ora 11:00)

- Bëhet përurimi i ujësjellësit, investim nga CDI-Zvicerrane, Hidroregjioni Jugor dhe Komuna e Suharekës. (Fshati Nëpërbisht të Suharekës, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike shqyrton projektligjin për identifikimin elektronik dhe shërbimet e besuara në transaksionet elektronike, Projektligjin për Inspektoratin e punës, etj. (Ndërtesa e Kuvendit, salla N225, ora 11:00)

- Ministri i Bujqësisë Besian Mustafa dhe kryetari i Komunës së Gjilanit Lutfi Haziri vizitojnë Industrin e Mishit “Malësia” në Gjilan. (Gjilan, ora 11:10)

- Ministri i Bujqësisë Besian Mustafa dhe kryetari i Komunës së Gjilanit Lutfi Haziri vizitojnë feremrët e fshatrave të Karadakut. (Fshatrat e Karadakut, ora 11:30)

- Komisioni Hetimor Parlamentar lidhur me procesin e privatizimit në Kosovë interviston ish-Ministrin e Zhvillimit Ekonomik, Besim Beqaj. (Ndërtesa e Kuvendit, salla N225, ora 13:00

- Asociacioni i Gazetarëve të Kosovës në bashkëpunim me agjencitë, fondet, programet dhe entitetet e OKB-së në Kosovë - Ekipin e OKB-së së Kosovës nën koordinimin e Zyrës e Koordinatores për Zhvillim, do të shënojë Ditën Ndërkombëtare për Zhdukjen e Varfërisë ku do të do të ndahet edhe Çmimi i Gazetarëve për Çrrënjosjen e Varfërisë. (Amfiteatri i Muzeut Kombëtar, ora 13:00)

- Komisioni për Bujqësi, Pylltari, zhvillim Rural, Infrastrukturë dhe Mjedis njoftohet për problemet me grumbullimin e qumeshtit nga ana e fermereve të Kosovës, i  ftuar Kryetari i Këshillit koordinues të fermerëve të qumështit. (Ndërtesa e Kuvendit, salla N204, ora 13:00)

- Punëtorët teknik që operojnë në Ministrinë e Mjedisit, Ministrinë e Administratës se Pushtetit Lokal, Ministrinë e Zhvillimit Rajonal, Ministrinë e Drejtësisë dhe Administratës Publike do të protestojnë për ngritjen e pagave te tyre. (Objekti ish Rilindjes, ora 13:00)

- Komisioni për të Drejtat dhe Interesat e Komuniteteve dhe Kthim shqyrton nismen legjislative e Komisionit për plotësimin dhe ndryshimin e Ligjit për Festat Zyrtare në Republikën e Kosovës. (Ndërtesa e Kuvendit, salla N10, ora 13:00)