04 Qershor 2020

Përurohet prodhuesi i parë i specializuar për fidanë në Kosovë

Skenderaj, 21 qershor - Projekti 'Promovimi i Punësimit në Sektorin Privat' (PPSE) organizon sot  ceremoninë e përurimit të prodhuesit të parë të specializuar për fidanë në Kosovë 'Agrobora' nga fshati Tërnovc i Komunës së Skenderajt.

Kjo ceremoni shenon një hap me rëndësi për zhvillimin e mëtejshëm të sistemit të bujqësisë së kontraktuar në Kosovë si dhe për zhvillimin në tërësi të agrobiznesit.

Sera e specializuar për prodhimin e fidanëve është bashkë investim i AGROBORA-s dhe Agjencisë Zvicerane për Zhvillim dhe Bashkëpunim përmes projektit Promovimi i Punësimit në Sektorin Privat.
 

Kalendari

Ngjarjet e datës 4 Qershor 2020

- Mbahet ceremonia e marrjes së detyrës nga Kryeministri i zgjedhur, Avdullah Hoti. (Ndërtesa e Qeverisë, ora 9:00)
   
- Kompanitë e auto-shkollave protestojnë për rifillimin e punës. (Para Ministrise se Infrastruktures, ish-pallati i Rilindjes, ora 10:00)

- Instituti i Kosovës për Drejtësi publikon raportin “Dështimi i gjykatave në mbushjen e Programit për Kompensimin e Viktimave të Krimit”. (Hotel “Sirius”, ora 10:30)
   
-  Mbahet seancë e Kuvendit në të cilën pritet të formohet Komisioni Hetimor Parlamentar për menaxhimin e pandemisë së virusit “COVID-19” nga ana e Qeverisë së Kosovës. (Kuvendi i Kosovës, ora 11:00)

- Në kuadër të Javës së Gjelbër, Komuna e Prishtinës do të organizojë mbjelljen e drunjëve në lagjen Lakrishte. (Lagja Lakrishte në Prishtinë, ora 11:00)

- Këshilli iniciues i punëtorëve të Korporatës Energjetike të Kosovës organizon protestë para mensës së Termocentralit Kosova B. (Termocentrali Kosova B, Obiliq, ora 12:00)