20 Shtator 2018

Përurohet ferma e dhive me kapacitet prej 160 krerësh në Bresalc të Gjilanit

Gjilan, 15 dhjetor - Kreu i Gjilanit, Lutfi Haziri, pas prerjes së shiritit, ka përgëzuar pronarin Avni Syla për këtë sukses, ndërsa tha se kjo fermë është shembulli më i mirë i punës.

“Ju uroj për këtë sukses pronarëve dhe të gjithë atyre që kanë qenë në angazhuar në zhvillimin e kësaj ferme, e cila është bazë e zhvillimit lokal ekonomik, agrobiznesit dhe zhvillimit të familjeve bujqësore. Definitivisht, më gëzon fakti i zhvillimit të kësaj ferme, e cila është shembulli më i mirë se si duhet të punojmë. Gëzuar!”, tha Haziri.

Me këtë rast, kryetari Haziri e ka dhënë lajmin e gëzueshëm për pronarët, për fillimin e ndërtimit të rrugës që çon në këtë fermë, për operimin sa më të suksesshëm. 

Ndërkaq, pronari i kësaj ferme, Avni Syla, ka falënderuar kryetarin e Komunës së Gjilanit për mbështetjen, sikurse Ministrinë e Bujqësisë për operim të suksesshëm të fermës së tij.

Duke qenë se vëllai i tij, bashkatdhetar nga Zvicra, ka financuar në këtë fermë, Syla ka ftuar edhe bashkatdhetarët tjerë që të investojnë në Gjilan sepse në këtë mënyrë ndikojnë edhe në hapjen e vendeve të reja të punës.

Përndryshe, kjo fermë posedon makinën mjelëse, ndër më moderne, e cila garanton cilësi të lartë të qumështit. 

Kalendari

Ngajrjet e datës 20 shtator 2018

 - Këshilli i Investitorëve Evropianë në bashkëpunim me Zyren e Bashkimit Evropian në Kosovë dhe Bankën Evropiane për Rindertim dhe Zhvillim organizojn konferencën e nivelit të lartë 'Drejt një klime miqësore të biznesit dhe investimeve në Kosovë, “White Book 2018”. (Hotel Emerald, ora 8:30)

- Komuna e Gjilanit organizon aktivitetin "Dita pa Makina", që shënohet në kuadër të aksionit "Ta pastrojmë Kosovës". (Para shtatores se Rexhep Males e Nuhi Berishes, ora 10:00)

- Ministria e Kulturës, Rinisë dhe Sportit organizon konferencën “Siguria Njerëzore, Problemi dhe Reagimi Institucional”. (Salla e konferencave Orion, përballë KINO ABC, ora 10:00)

- Nën patronatin e Presidentit të Republikës së Kosovës bëhet përurimi i shtatoreve të heroit Fehmi Lladrovci dhe heroinës Xhevë Krasniqi-Lladrovci. (Sheshi “Fehmi Lladrovci” në Drenas, ora 12:00)

- Kryeparlamentari Kadri Veseli dhe Kryeministri Ramush Haradinaj merr pjesë në zbulimin e shtatoreve të Heroit Fehmi Lladrovci dhe Heroinës Xhevë Krasniqi - Lladrovci. (Sheshi “Fehmi Lladrovci”, Drenas, ora 12:00)

- Ushtruesi i Detyrës së Ministrit te Mjedisit dhe Planifikimit Hapësinor, Fatmir Matoshi do të vizitojë Komunën e Pejës dhe Kompaninë Rajonale të Ujësjellësit “Hidrodini” në Pejë. (Komuna e Pejës, ora 13:00)

- Mbahet mbledhja e Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi në të cilën do të mbahet shqyrtimi i Projektligjit pÑ‘r Ratifikimin e Marrëveshjes për Pjesëmarrjen e Kosovës në programin Evropa Kreative për Mbështetjen e Sektorëve Kulturorë dhe Kreativë. (Ndërtesa e Kuvendit, salla N 302, ora 13:00)

- Mbahet seanca e jashtëzakonshme e Kuvendit të Republikës së Kosovës. (Kuvendi i Kosovës, ora 14:00)  

- Fillon asfaltimi i rrugëve në oborrin e Qendrës Klinike Universitare të Kosovës. (Oborri i QKUK-së, ora 15:00)

- Kryetari i Odës Ekonomike të Kosovës, Berat Rukiqi takohet me Kryetarin e Odës Ekonomike të Maqedonisë veri-perëndimore, Nebi Hoxha. (Objekti i Odës Ekonomike të Kosovës, ora 15:00)

- Fakulteti Filozofik i Universitetit të Prishtinës dhe forumZFD Programi në Kosovë organizojn konferencën tre ditore 'Rishikimi i ballafaqimit me të kaluarën dhe drejtësia tranzicionale në Ballkan' . (Fakulteti Filozofik, ora 15:30)

-  Kyetari i LDK-së Isa Mustafa mban mbledhje me kryetarë të degëve të LDK-së. (Hotel Sirius, ora 17:00)