04 Dhjetor 2020

PD: Qeveria të bëjë kompensimin ligjor të prodhuesve të rrushit

Prishtinë, 19 shtator - Duke shprehë keqardhje për qytetarët dhe policët e lënduar dhe duke dënuar aktet e dhunës që ndodhën me rastin e protestës së vreshtarëve të Rahovecit, Partia e Drejtësisë vlerëson se kjo situatë është dashtë që domosdo të evitohet, duke pasur parasysh se bëhet fjalë për sektor të prodhimtarisë bujqësore me rëndësi strategjike për vendin.

Abdullah Klinaku, Sekretar i Përgjithshëm i Partisë së Drejtësisë (PD) ka thene se partia e tij propozon që situata e tanishme të trajtohet si situatë emergjente e shkaktuar me faktorë të ndryshëm ndër të cilët edhe politik, dhe që në bazë të këtij vlerësimi Qeveria e Kosovës të bëjë kompensimin ligjor të prodhuesve të rrushit për prodhimin që cenon të dëmtohet pa kthim.

Njëkohësisht sipas tij qeveria e duhet që me prioritet të kërkojë ndihmë jashtë vendit për situatën e krijuar nëpërmjet shfrytëzimit të të gjitha kanaleve të komunikimit ndërkombëtar në sektorin e tregtisë.

\"Krahas përkrahjes së plotë të parimeve të ekonomisë së tregut Partia e Drejtësisë thekson se është kategorikisht kundër zbatimit selektiv të këtyre parimeve siç është rasti me situatën konkrete me prodhuesit e rrushit që janë viktima të drejtpërdrejta të diskriminimit politik të Kosovës dhe të prodhuesve të saj bujqësor me moszbatimin e Marrëveshjes për Tregti të Lirë në Evropën Qendrore, CEFTA, nga ana e disa shteteve anëtare të kësaj Marrëveshje\", ka deklaruar Klinaku.

Në këtë kontekst sipas tij duhet shqyrtuar edhe përgjegjësia politike e faktorëve ndërkombëtar në Kosovë dhe në Bashkësinë Evropiane për situatën e krijuar, që ndërmjet të tjerave është edhe rezultat i tolerimit të palejueshëm shumëvjeçar të këtij diskriminimi politik.

Vazhdimi i tolerimit të këtij diskriminimi të hapur që është në kundërshtim të plotë me parimet e ekonomisë së tregut dhe njëkohësisht mosndjeshmëria ndaj problemeve të prodhuesve bujqësor nën arsyetimin e respektimit të parimeve të ekonomisë së tregut sipas Klinakut cenon në mënyrën më serioze besimin e prodhuesve vendor në politikat e Qeverisë për stimulimin e prodhimit vendor, me pasoja të paparashikueshme për zhvillimin e sektorit të bujqësisë.

Kalendari

Ngjarjet e datës 4 Dhjetor 2020 - Mbahet seanca fillestare për rastin e vrasjes së politikanit serb Oliver Ivanoviq pranë Gjykatës Themelore në Prishtinë, departamenti Special - krimet e rënda me c'rast avokati mbrojtës do te jep deklaratë për mediet pas seancës. (Gjykata Themelore në Prishtinë, ora 9:30)

- Guvernatori i Bankës Qendrore të Republikës së Kosovës, Fehmi Mehmeti do të mbaj një takim virtual me presidentin e Gjykatës Ndërkombëtare të Arbitrazhit Alexis Mourre dhe Drejtoreshën e Komisionit të Arbitrazhit për Evropë, Laetitia de Montalivet. (Takim virtual, ora 10:00)

- Kryetari i Komunës së Prizrenit, Mytaher Haskuka dhe drejtoresha e Drejtorisë së Kulturës, Rinisë dhe Sportit, Emilja Redzepi, do të bëjnë nënshkrimin e kontratave me përfituesit e thirrjes për përkrahjen e OJQ-ve dhe individëve në fushën e kulturës, rinisë dhe sportit. (Shtëpia e Bardhë në Prizren, ora 10:00)

- Qendra për Këshillim, Shërbime Sociale, dhe Hulumtime organizon aktivitetin “Tuneli i Fundit” në përkujtim të grave të vrara si pasojë e dhunës në familje në pesë vitet e fundit në Kosovë, dita e dytë. (Përballë ndërtesës së Kuvendit të Kosovës, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton shkresën e Artan Qerkinit përfaqësues i Malcolm Simmons, ish kryetar i Asamblesë së Gjyqtarëve të EULEX-it, “Përgjigje në ftesën për të dëshmuar para Komisionit për Legjislacion” si dhe njoftohet me shkresën e Përfaqësuesit Special të Bashkimit Evropian, Tomas Szunyong, për emërimin e Karin Hernmark Ahliny, Ambasador i Suedisë, anëtar i Bordit  Mbikëqyrës  të Agjencisë Kosovare për Verifikim dhe Krahasim të Pronës. (Ndërtesa e Kuvendit, salla N506, ora 10:15)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston Ministrin e Ministrisë së Infrastrukturës Arban Abrashin. (Ndërtesa e Kuvendit, salla N204, ora 11:00)

- Mbahet seanca e jashtëzakonshme e Kuvendit te Kosovës në të cilën do të behët shqyrtimi i dytë i Projektligjit për Rimëkëmbjen Ekonomike - COVID-19. (Ndërtesa e Kuvendit, ora 11:00)

- Organizata Etea dhe Aleanca Franceze në Prishtinë me mbështetjen e Ambasadës Franceze do të mbajnë takimin e parë të huazimit të librave. (Tek objekti i Aleancës Franceze, ora 11:00)

- Autoriteti Kosovar i Konkurrencës (AKK) mban konferencë për medie lidhur me një hetim ndaj ndërmarrjeve që operojnë në tregun e energjisë elektrike. (Ish-objekti i Bankës së Lubjanës, ora 11:15)

- Kryetari i Delegacionit të Kosovës, Ibrahim Makolli dhe ai i delegacionit të Serbisë Veljko Odalovic do të mbajnë konferencë për media lidhur me varrezën masive në Kizhevak të Serbisë. (Lokacioni i varrezës masive në Kizhevak  të Serbisë, ora 12:00)

- Shpallet aktgjykimi ndaj të akuzuarit N. M., i cili akuzohet nga Prokuroria Themelore e Gjilanit, për veprën penale “vrasje e rëndë” pasi qe në  fshatin Berivojcë, komuna e Kamenicës, i pandehuri dyshohet që pas mosmarrëveshjeve familjare, me një mjet të fortë - shufër metalike, godet bashkëshorten e tij në kokë dhe pjesë të tjera të trupit, me ç’rast të ndjerës i ka shkaktuar plagë të cilat kanë qenë vdekjeprurëse. (Gjykata Themelore Gjilan, ora 13:00)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston drejtoren e Insitutit Hidrometeorologjik të Kosovës Letafete Latifi. (Ndërtesa e Kuvendit, salla N204, ora 13:00)

- Komisioni Hetimor Parlamentar lidhur me procesin e privatizimit në Kosovë plotëson listën e dëshmitarëve. (Ndërtesa e Kuvendit, salla N10, ora 13:00)

- Qendra për Raste Gjyqësore Strategjike mban konferencë për media me rastin e dorëzimit të padisë për konflikt administrativ kundër vendimeve të Ministrisë së Ekonomisë dhe Ambientit dhe Zyrës së Rregullatorit për Energji”. (Para Pallatit të Drejtësisë, ndërtesa A, ora 14:00)

- Ministrja e Punëve të Jashtme dhe Diasporës e Republikës së Kosovës, Meliza Haradinaj-Stublla pret në takim ministrin në detyrë për Evropën dhe Punët e Jashtme i Republikës së Shqipërisë, Gent Cakaj ku pjesë e takimit do të jenë edhe përfaqësuesit e shqiptarëve të Luginës së Preshevës. (Objekti i MPJD-së, ora 14:00)