05 Dhjetor 2022

Pastrohet nga mbeturinat edhe hapësira rreth pendës së Përlepnicës

Gjilan, 30 qershor - Aksionit të Komunës së Gjilanit për pastrim të ambientit, iu kanë përgjigjur edhe fshatrat me aktivitet masiv përmes organizimit të Këshillave të fshatrave dhe nxënësve të shkollave në pastrim të ambientit.

Nxënësit e shkollës së Përlepnicës, qytetarë të shumtë dhe aktivist-ekologë për ruajtjen e ambientit, kanë bërë pastrimin e hapësirave publike rreth penda e Përlepnicës që është edhe furnizuesi kryesor i Gjilanit me ujë të pijes.

Kjo pjesë dhe vendbanime të shumta, por edhe aksione të vazhdueshme nëpër lagje në qytet, kanë bërë që ambienti të jetë më i pastër, duke bërë që rrugët, trotuaret, parqet dhe hapësirat brenda fshatrave të mbahen të pastra, falë edhe vetëdijësimit qytetarë që gjithnjë e më shumë është i fokusuar në krijimin e ambientit të pastër dhe të mirëmbajtur, ka thënë Bardhyl Syla, kryesues i grupit punues për pastrim të Gjilanit.

Syla tha se Komuna e Gjilanit është e vendosur që edhe më tutje të vazhdojë aksionin për pastrim nëse është e nevojshme sepse ajri i pastër dhe ambienti i mirëmbajtur është detyrë e të gjithëve barabarsisht.

 “Apelojmë te të gjithë qytetarët e Komunës së Gjilanit, pavarësisht se ku ata jetojnë, që të jenë të vëmendshëm në ruajtjen e ambientit, sepse nëse hasen duke ndotur ambientin, dëmtuar atë do të gjobiten me dënime mandatore në bazë të ligjit”, ka thënë drejtori Syla, njofton kumtesa e Zyrës për Informim të Komunës së Gjilanit.

Ndryshe, këtij aksioni i është bashkangjitur edhe kësaj radhe Agjencia për Zhvillim Rajonal Lindje, nën koordinim të drejtorit ekzekutiv, Agim Zeka.

 

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Ministrja e Drejtësisë, Albulena Haxhiu do të bëjë lansimin e Protokollit Shtetëror për Trajtimin e Rasteve të Dhunës. (Hotel Emerald, ora 11:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Zëvendësministri i Drejtësisë, Blerim Sallahu, do të hapë ekspozitën e të burgosurve rreth rasteve të Dhunës në Familje. (Hollin e Ministrisë së Drejtësisë, ish objekti Rilindja, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)            


- Komisioni Qendror i Zgjedhjeve mban mbledhjen e radhës. (Objekti i KQZ-së, ora 16:30)