15 Tetor 2019

Pastrohen tetë deponi të mbeturinave në Llozicë, Glarevë dhe Dollc

Klinë, 1 dhjetor - Let’s Do It ka bërë të ditur se në kuadër të Fushatës “Ta Pastrojmë Kosovën” vetëm sot do të pastrohen tetë deponi të mbeturinave.

Deponitë që do të pastrohen gjenden në brezin rrugor Prishtinë - Gjakovë, përkatësisht në Llozicë, Glarevë dhe Dollc.

Aksioni fillon në ora 09:00 në Llozicë, për të vazhduar pastaj në lokacionet tjera.

Në ora 10:00, aksionit të Let’s Do It do të bashkohet edhe kryeministri i Republikës së Kosovës, Ramush Haradinaj dhe kryetari i Komunës së Klinës, Zenun Elezaj, te lokacioni afër rrugës kryesore në Klinë, përkatësisht te Kodra e Dollcit.

Po ashtu, sot do të mbahet edhe trajnimi me mësimdhënës në Komunën e Vitisë. 

Kalendari

Ngjarjet e datës 15 tetor 2019

-  Oda Ekonomike e Kosovës do të mbajë konferencë për media lidhur me zhvillimet në sektorin privat. (Objekti i Odës Ekonomike të Kosovës, ora 10:00)

- Ministria e Mjedisit dhe Planifikimit Hapësinor në bashkëorganizim me MASHT-in dhe OJQ – të mjedisore do të shënojë Ditën Ndërkombëtare të Ecjes së Lirë në Natyrë. (Parku “Germia”, ora 10:00)

- Shoqata Down Syndrome Kosova në bashkëpunim me GIZ-in gjerman organizon “Panairi i karrierës: takimi i punëdhënësve me punëkërkuesit” i cili zhvillohet në kuadër të fushatës ndërgjegjësuese për punësimin e personave me aftësi të kufizuar. (Hotel Sirius, ora 10:00)

- Fakulteti Ekonomik i Universitetit Publik të Gjilanit “Kadri Zeka” organizon takimin Fakultet-Biznese, ku do të diskutohet për të ardhmen e Fakultetit dhe mundësitë e bashkëpunimit dhe praktikes per studentet. (Objekti i Universitetit të Gjilanit, ora 12:00)

- Hapet edicioni i dytë i Metamorphosis. Flirting with leftovers e cila është një  intervenim artistik, specifik për lokacionin,  konceptuar nga artistja Koja. (Ish Restorant Marsi, rr. Bedri Gjini - Kodra e Trimave, ora 18:30)