25 Janar 2022

Oda e Veterinerëve kërkon hapjen e infermierisë veterinere

Prishtinë, 3 janar - Ndërsa për shumë vende nuk është i panjohur infermieria e veterinarisë, një ide e tillë ka dalë edhe nga Oda e Veterinerëve e Kosovës, për të cilën konsiderojnë se hapja e një dege të infermierisë së veterinarisë është e nevojshme për mbështetjen praktike të veterinerëve.

Për nxënësin e klasës së dymbëdhjetë të ShMAT “Abdyl Frashëri”, drejtimi veterinari, Blend Tahiri, një fakultet i tillë është më se i mirë se ardhur.

“Paralelisht me nevojat e tregut duhet të shkojë edhe arsimi profesional. Në Kosovë sektori i blegtorisë i cili po zhvillohet dhe ka premisat për një të ardhme të mirë, ka nevojë për kuadro profesionale dhe në këtë rast për infermierinë. Duhet pasur parasysh që kafshët duhet të kontrollohen në mënyrë të vazhdueshme për këtë duhet paralelisht veterinari i cili kontrollon gjendjen dhe infermieri i cili duhet të kryejë punën e teknikut”, tha ai për odavet.org, duke e konsideruar si një ide të mirë.

Në Odat e Veterinerëve të vendeve të jashtme janë përfshirë edhe kjo kategori ndërsa tek ne ende jo edhe pse konsiderohet si drejtim profesional.

Për Behar Zymberi, teknik veteriner, i cili punon në “Veterina Farm” në Ferizaj, një nismë të tillë, fakulteti i infermierisë veterinere, është një nismë e duhur dhe mjaft produktive.

“Jo që duhet mbështetur, por me dëshirë do të isha ndër të parët studentë. Shpresoj se kjo ide do të shqyrtohet dhe të fillojnë procedurat për hapjen e kësaj dege mjaft produktive për cilësinë e mjekësisë veterinere në vendin tonë”, tha ai për odavet.org.

Anëtari i OVK-së, DMV. MSc. Dardan S. Pozhegu, specialist për kafshët e shoqërimit dhe president i KSAVA, duke arsyetuar idenë e tij të hedhur, e arsyetoi me nevojën e jashtëzakonshme për të qenë në ndihmë të veterinerëve.

“Përgatitja e teknikëve veterinerë dhe avancimi i tyre, për të qenë në krah të veterinerëve në punën ditore me kafshë në klinikat e tyre. Veçanti klinikat e kafshëve të shoqërimit kanë nevojë të jashtëzakonshme për teknik të përgatitur për të qenë ndihmë e veterinerëve”, tha ai për odavet.org.

Sipas tij, fakulteti mund të na ndihmoj me një program arsimor të paktën 2 vjeçar për avancimin e teknikëve veterinerë.

“Kjo nënkupton ata që e kanë krye ose e kryejnë shkollën e mesme të veterinarisë, të vazhdojnë në një program/vazhdim studimeve për infermier veterine, komplet drejtim/përgatitje profesionale, për punë”, tha ai.

Në Ministrin e Arsimit theksojnë se duhet të ketë paraprakisht një ekspertizë për ta vendosur një çështje të tillë.

Prof. dr. Dukagjin Pupovci, zëvendësministër i MAShT, tha se, duke qenë që nuk kanë asnjë lloj ekspertize për të vendosur një çështje të tillë, kjo duhet të vendoset nga universiteti.

“Në shëndetësinë humane, zakonisht fakulteti i mjekësisë dhe i infermierisë janë të ndarë, por ja që te ne janë një”, tha ai për odavet.org, duke sugjeruar që OVK duhet të udhëzojë si të vepron ministria.

Prof. dr. Kurtesh Sherifi, prorektor për kërkime shkencore në UP, njëherësh mësimdhënës në FBV, lidhur me programet e reja që propozohen në UP, në këtë rast për “infermieri veterinare”, tregon se kërkesa vjen nga Departamenti i Mjekësisë Veterinare për Këshillin e Studimeve të Fakultetit të Bujqësisë dhe Veterinarisë dhe vendim merr Këshilli i FBV-së, i cili i cakton bartësit e programit të propozuar dhe komisioni fillon me përgatitë plan programin.

Sipas tij për këtë duhet të merret një model i vendeve të BE-së.

“Kërkesa nga FBV përcjellët në Komision për Cilësi në UP, Senat dhe Agjencionin e Kosovës për Akreditim. Është një rrugë e gjatë dhe e komplikuar”, tha ai, për odavet.org, duke qenë që rektorati nuk merret me këto kërkesa, por departamenti i mjekësisë veterinare.

Njëri nga kuadrot e para i angazhuar në Fakultetin e Bujqësisë dhe Veterinarisë, Prof. Ass. dr. Fatgzim Latifi, e ka mirëpritur një kërkesë të tillë.

“Ne kemi staf të kualifikuar për të përgatitur kuadro të tilla”, tha Latifi për odavet.org.

Ai tha se, shumë shpejt do ta inicioj një kërkesë të tillë në organet kompetente.

Kalendari

Ngjarjet e datës 25 janar 2022 - Komisioni për Punë të Jashtme dhe Diasporë shqyrton Projektligjin për ratifikimin e Marrëveshjes ndërmjet Qeverisë së Republikës së Kosovës dhe Qeverisë së Malit të Zi në kontekstin e Aderimit në Bashkimin Evropian. (Ndërtesa e Kuvendit, salla N302, ora 10:00)

- Komisioni për Mbikëqyrjen e Agjencisë së Kosovës për Inteligjencë, pret në takim Komisionin për Sigurinë Kombëtare të Kuvendit të Republikës së Shqipërisë. (Ndërtesa e Kuvendit, salla C301, kati III, ora 10:00)

- Instituti Demokratik i Kosovës mban konferencën për media, ku do të prezantohen rezultatet e Indeksit të Perceptimit të Korrupsionit për vitin 2021 nga Transparency International. (Zyrat e KDI-së, përballë Bashkësisë Islame, ora 10:00)

- Organizata për Demokraci, Anti-korrupsion dhe Dinjitet, Çohu! organizon tryezë, në të cilën do të publikohet raporti me titull “Online Media Monitor”. (Hotel Sirius, ora 10:00)
 
- Grupi organizativ "Protestojë" mban konferencë për media lidhur me protestën "Asnji cent ma shumë!" kundër shtrejtimit te rrymës, të paraparë të mbahet të merkurën. (Pranë ndërteses së Qeverisë, ora 10:00)

- Mbahet mbledhja e parë e rregullt e Kuvendit Komunal të Rahovecit për vitin 2022. (Salla e mbledhjeve të Kuvendit Komunal, ora 10:00)

-  Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton në parim i Projektligjin pÑ‘r Agjencinë e Kosovës për Akreditim dhe Arkivat Shtetërore. (Ndërtesa e Kuvendit, salla C203, ora 10:00)

- Instituti i Prishtinës për Studime Politike dhe Lëvizja FOL organizon tryezën e diskutimit me temën "Reforma në Sistemin e Drejtësisë gjatë vitit 2021: Sfidat dhe arritjet". (Hotel Swiss Diamond, ora 10:30)

- Bordi i Zyrës së Rregullatorit të Energjisë raporton para Komisionit për Ekonomi, Industri, Ndërmarrësi dhe Tregti lidhur me shqyrtimin e jashtëzakonshëm të tarifave të energjisë elektrike. (Ndërtesa e Kuvendit, salla N506, ora 11:00)

-  Komisioni për Integrime Evropiane shqyrton Projektligjin për ndryshimin dhe plotësimin e Ligjit për shitjen e banesave për të cilat ekziston e drejta banesore, me amendamentet e Komisionit funksional nga aspekti i përputhshmërisë me legjislacionin e BE-së. (Ndërtesa e Kuvendit, salla N303, ora 11:00)

- Kryeministri i Republikës së Kosovës, Albin Kurti, merr pjesë në prezantimin e aktiviteteve të Agjencisë së Kosovës për Akreditim për vitin 2021 dhe Strategjinë e AKA-së 2021-2025. (Hotel Sirius, ora 11:20)

- Kryetari i Kuvendit të Republikës së Kosovës, Glauk Konjufca, pret në takim Komisionin për Sigurinë Kombëtare të Kuvendit të Republikës së Shqipërisë. (Ndërtesa e Kuvendit, salla C 301, ora 13:00 - Mediat mund të marrin pamje në fillim të takimit)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për Sistemin e menaxhimit të performancës së komunave dhe skemën e grantit të bazuar në performancë. (Ndërtesa e Kuvendit, salla 303, ora 14:00)

- Mbahet takimi i radhës së Këshillit Ekonomiko-Social. (Objekti i Qeverisë, salla Nr. P/38, ora 15:00)