25 Nëntor 2020

Nga 464.800 hektarë tokë pyjore, 278.880 tokë publike

Prishtinë, 10 maj - Për tu njoftuar mbi gjendjen e pyjeve në Kosovë, Komisioni për Bujqësi, Pylltari, Zhvillim Rural dhe Mjedis e Planifikim Hapësinor, në takimin e sotëm ka ftuar kryeshefin e Agjencisë së Pyjeve të Kosovës (APK), Ahmet Zejnullahun, drejtorin e Departamentit të Pylltarisë, në MBPZHR, Hysen Abazin dhe drejtorët e departamenteve të pylltarisë të disa komunave.

Fillimisht, kryetari i Komisionit Hasani, i falënderoi të pranishmit për gatishmërinë e tyre që të njoftojnë nga afër anëtarët e Komisionit për gjendjen e pyjeve.

Ruajtja e pyjeve paraqet  problem shqetësues jo vetëm për Komision, andaj në kërkim të zgjidhjes sa më të mirë të kësaj çështje dhe koordinimit më efikas, diskutimet e këtij takimi do të jenë të mirëseardhura, tha kryetari i Komisionit, Nait Hasani.

Ai, po ashtu shprehu bindjen e tij se nga ky takim do të dalin rekomandime të rëndësishme për draftimin e Ligjit për pyje.

Ndërkaq, kryeshefi i APK-së, Ahmet Zejnullahu, duke dhënë një pasqyrë mbi punën e këtij Agjencioni, sukseset dhe sfidat e tij tha se APK-ja gjatë vitit 2003-2004 ka bërë Inventarizimin e pyjeve në Kosovë.

Me këtë rast, tha ai, ka rezultuar se Kosova ka 464.800 hektarë(ha) toka pyjore, nga të cilat 278.800 ha janë klasifikuar si toka pyjore publike (shtetërore) dhe 185.920 ha tokë pyjore private. 

Duke paraqitur Planin Vjetor operacional të Agjencionit për vitin 2011, të miratuar më 27 janar të këtij viti, ai tha se ndër çështjet më të rëndësishme është mbrojtja e pyjeve nga prerjet ilegale dhe mbrojtja e pyjeve nga zjarret. 

Lidhur me këtë, ai foli në hollësi për planet që ka hartuar Agjencioni për punë sa më efikase.

“Për mbrojtjen e pyjeve nga prerjet ilegale, janë vendosur pika permanente të kontrollit. Në bashkëpunim me Policinë e Kosovës dhe komunat këto pika janë vendosur në: Grykën e Deqanit, Grykën e Rugovës, Grykën e  Lloqanit dhe në Kaqanik”, tha Zejnullahu, dhe shtoi se së shpejti do të vendosen pikat e kontrollit edhe në Komunën e Podujevës dhe Mitrovicës.

Ndërkaq, drejtorët e departamenteve të pylltarisë nga komunat: Prishtinë, Kamenicë, Gjilan, Shtërpcë, Deqan, Pejë dhe Podujevë, vunë në pah gjithë sfidat që i përcjellin komunat për ruajtjen dhe menaxhimin e pyjeve.

Ata, unanimisht konstatuan se me kalimin e kompetencave komunave (nga korriku i vitit të kaluar), ruajtja e pyjeve është shumë më e mirë, duke ulur dëmet deri në 70 për qind në disa Komuna, thanë ata.

Duke folur për problemet që i përcjellin komunat gjatë ruajtjes dhe menaxhimit të pyjeve, përfaqësuesit nga këto komuna vunë theksin mbi mungesën e Ligjit adekuat që mbulon këtë problematikë.

Po ashtu, ata folën për gjendjen e keqe të rojeve të pyllit, për siç thanë ata, paga që nuk ua mbulojnë shpenzimet elementare të familjes. Ata theksuan nevojën që rojet e pyjeve edhe të armatosen.

Përfaqësuesit e këtyre komunave bënë një varg kritikash në adresë të gjykatave kompetente të cilët thanë ata, lëndët e kësaj natyre nuk i procedojnë me kohë.

Pas diskutimeve, anëtarët e Komisionit sygjeruan të pranishmit që rekomandimet, t’ua dërgojnë edhe me shkrim në Komision për t’i proceduar dhe futur si amendamente në Projektligjin për pyjet.
 

Kalendari

Ngjarjet e datës 25 Nëntor 2020 - Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit njofton me ftesën e Gjykatës Kushtetuese adresuar Kryetarit të Komisionit për Legjislacion, etj. (Ndërtesa e Kuvendit, salla N303, ora 9:00)

- Hapet edicioni i pestë të Panairit Nacional të Punës dhe të Karrierës, i cili për herë të parë do të organizohet online. (Përmes platformës virtuale: virtual.kosovafair.com, ora 9:00)

- Kryeministri Avdullah Hoti merr pjesë në shënimin e 25 Nëntorit - Fushatës Ndërkombëtare për Eliminimin e Dhunës ndaj Gruas. (Ndërtesa e Qeverisë, ora 10:00)

-  Komisioni për Buxhet dhe Transfere shqyrton raportet vjetore financiar të Operatorit të Sistemit, Transmisionit dhe Tregut, Zyrës Rregullative për Energji dhe Autoritetit Rregullativ për Komunikimeve Elektronike dhe Postare. (Ndërtesa e Kuvendit, salla C203, ora 10:00)

- Ministria e Arsimit dhe Shkencës në bashkëpunim me Agjencinë Austriake për Zhvillim, nën përkujdesje të Ambasadorit Austriak, Christoph Weidinger dhe Ministrit Ramë Likaj, do të bëjë lansimin zyrtar të Projektit “Heras Plus”. (https://zoom.us/j/91960516678?pwd=cFRXZXVodTR1Q1ZnQVNIaWtwWTd2QT09, - Meeting ID: 919 6051 6678 dhe Passcode: 167271, ora 10:00)

- Drejtësia Sot, platformë e Grupit për Studime Juridike dhe Politike organizon konferencën për media me temë “Si dështuan institucionet në trajtimin e rasteve të mosdeklarimit dhe deklarimit të rrejshëm të pasurisë”. (Hotel Sirius, ora 10:00)

- Sindikata e Pavarur e Sektorit Privat të Kosovës mbanë konferencë për shtyp, me qëllim të informimit për keqpërdorimin e punëtorëve në sektorin privat nga pronarët e kompanive dhe vet shteti. (Zyret e kësaj sindikate në objektin Ish Gërmia, ora 11:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport interviston kandidatët për Anëtarë të Këshillit të Kosovës për Trashëgimi Kulturore. (Ndërtesa e Kuvendit, salla N10, ora 11:00)

- Komuna e Prizrenit organizon debat publik me temën “Gjendja e përgjithshme e komuniteteve jo shumicë në Komunën e Prizrenit dhe bashkëpunimi”. (Shtëpia e Kulturës “Xhemajli Berisha”, ora 11:00)

- Instituti i Prishtinës për Studime Politike organizon diskutimin “Reforma për Racionalizimin e Agjencive: Faza e Dytë”. (https://us02web.zoom.us/j/89564823471?pwd=VmcwY2J5TVpWZWhZUGl2SVIrTFJ5QT09 - Meeting ID: 895 6482 3471 dhe Passcode: 192988, ora 11:00)

- Shënohet 76 vjetori i themelimit të Bibliotekës Kombëtare të Kosovës dhe në hapësirat e Bibliotekës do të hapen dy ekspozita për nder dhe kujtim të profesor Anton Çettës, ku do të merr pjesë edhe Ministrja e Kulturës, Rinisë dhe Sportit, Vlora Dumoshi. (Biblioteka Kombëtare, ora 12:00)

- Zëvendëskryeministrja e Kosovës, Albulena Balaj- Halimaj pret në takim zëvendëskryeministrin e parë të Maqedonisë së Veriut, Artan Grubi. (Ndërtesa e Qeverisë, ora 12:00)

- Hapet ekspozita “Anton Çetta : 100-Vjetori i lindjes” me libra dhe artikuj të/për Anton Çettën në koleksionet e BKK-së si dhe ekspozita e fotografisë: “Anton Çetta: 30-Vjetori i pajtimit të gjaqeve” ku do të paraqiten fotografi të publikuara për herë të parë. ((Biblioteka Kombëtare, ora 12:40)

- Komisioni Hetimor Parlamentar lidhur me procesin e privatizimit në Kosovë plotëson listën e dëshmitarëve dhe diskuton planin e punës për periudhën e mbetur. (Ndërtesa e Kuvendit, salla N303, ora 13:00)

- Qendra për Informim, Kritikë dhe Aksion organizon konferencë për media në të cilën do të publikohet analiza për rastin e Suzana Zogëjani Sekiraqa, e cila është shpallur fajtore për vrasje të rëndë të bashkëshortit të saj dhe është dënuar me 25 vjet burgim. (Zyret e organizatës QIKA, në rrugën Hajdar Dushi, C2, Hy2/6, Prishtinë, ora 13:00)

- Komisioni Hetimor Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës dëgjon dëshmin e drejtorit te prokurimit në SHSKUK-së, Selami Krasniqi. (Ndërtesa e Kuvendit, salla N302, ora 14:00)

- Kryeministri Avdullah Hoti i shoqëruar nga përfaqesues të Aleancës Kosovare e Bizneseve  viziton fabrikën Silcapor në Kaçanik ku do të përcjell eksportin e një kontigjenti të prodhimeve vendore në katër shtete regjionale e që kjo është edhe promovim i prodhimeve Made in Kosova në Ballkanin Perendimor. (Fabrika Silcapor, Kaçanik, ora 14:30)
 
- Kryeministri Avdullah Hoti merr pjesë në ceremoninë e ndriçimit të Ndërtesës së Qeverisë me ngjyrë portokalli, pjesë e aktiviteteve të Fushatës Ndërkombëtare për Eliminimin e Dhunës ndaj Gruas. (Ndërtesa e Qeverisë, ora 17:30)