02 Dhjetor 2020

Nga 1 mijë euro për vreshtarët

Prishtinë, 21shtator- Qeveria e Kosovës ka vendosur tu japë Vreshtarëve të Rahovecit nga 1 mijë euro për hektarë subvencion. 50 për qind e pagesës do të bëhet këtë vit dhe 50 për qind në fillim të vitit të ardhshëm. Këtë e ka konfirmuar zëvendëskryeministri i Qeverisë së Kosovës, Hajredin Kuçi në një takim që priti përfaqësuesit e vreshtarëve.

Kuçi tha se Qeveria e Kosovës ka marrë vendim që për tokën e rrushit të përpunuar ti ndaj nga njëmijë euro për hektar subvencion nga qeveria e Kosovës .

“Nuk dëshirojmë të shohim asnjë qytetarë duke protestuar dhe aq më pak njerëzit që janë të përkushtuar ta punojnë tokën e tyre”, tha ai.

Ndërsa përfaqësuesi i vreshtarëve të Rahovecit, Labinot Shulina thotë se kjo shumë do t’i nxjerr nga kriza vreshtarët dhe do t’i motivoi për punë. “Vendimi është shumë i drejtë dhe i domosdoshëm i cili u ka dalë në ndihmë vreshtarëve që ato investime që kanë bërë në njëfarë mënyre t’i kthejnë dhe t’i paguajnë ato subvencione e të mos dëmtohen në këtë drejtim”.

Nga ana tjetër Kryetari i Komunës së Rahovecit, Qazim Qeska, thotë se vreshtarët si dhe familjarët e tyre janë krenar për arsye se kërkesat e tyre janë realizuara qind për qind ashtu siç kanë kërkuar zgjidhje nga Qeveria e Republikës së Kosovës. “Qeveria e Republikës së Kosovës ka bërë zgjidhjen më të mirë të mundshme dhe kjo ofertë është mirëpritur nga përfaqësuesit e vreshtarëve të Komunës së Rahovecit” tha Qeska.
 

Kalendari

Ngjarjet e datës 2 Dhjetor 2020

- Sindikata e Infermierëve të Kosovës do të zhvilloj një takim me Minsitrin e Shëndetësisë, Armend Zemaj lidhur me kërkesat për rritje të pagesës së ndërrimeve të natës për infermier, pagesë të orëve shtesë dhe punës gjatë vikendeve si dhe për pagesë të rrezikshmerisë në punë. (Ndërtesa e Ministrisë, ora 8:30)

-  Komisioni Hetimor Parlamentar lidhur me procesin e privatizimit në Kosovë cakton datat e intervistave për dëshmitarë. (Ndërtesa e Kuvendit, salla N303, ora 9:00)

- Kryetari i Komunës së Prizrenit, Mytaher Haskuka dhe drejtoresha e Drejtorisë Komunale e Arsimit, Xhemile Thaçi - Vezgishi, do të marrin pjesë në përurimin e fillimit të punimeve për ndërtimin e aneksit të objektit shkollor “Naim Frashëri” në fshatin Vlashnje. (Vlashnje, ora 10:00 - Nisja nga Shtëpia e Bardhë, ora 9:30)

- Gjykata Kushtetuese e Republikës së Kosovës do të mbajë seancë dëgjimore publike në të cilën do të shqyrtohet kërkesa KO95/20, që për objekt të shqyrtimit ka: “Vlerësimin e kushtetutshmërisë së Vendimit të Kuvendit të Republikës së Kosovës Nr.  07/V-15, të miratuar më 3 qershor 2020, përkitazi me zgjedhjen e Qeverisë së Kosovës”. (http://gjk-ks.org/live-streaming/, ora 10:00)

- Lëvizja FOL organizon diskutim online ku do të publikohet raporti “Dështimet e Kuvendit në Funksionalizimin e Agjencisë për Informim dhe Privatësi”. (Diskutimi mbahet online përmes platformës ZOOM, ora 10:00)

- Komisioni për Buxhet dhe Transfere shqyrton raportin vjetor financiar i Këshillit Gjyqësor të Kosovës, Këshillit Prokurorial të Kosovës, Komisionit Qendror të Zgjedhjeve dhe Komisionit për Ndihmë Shtetërore si dhe Raportit të Ndihmës Shtetërore. (Ndërtesa e Kuvendit, salla C203, ora 10:00)

- Me rastin e 76 vjetorit të lindjes së ish-Presidentit Historik të Kosovës Dr. Ibrahim Rugova, kryesia e LDK-së bën homazhe te varri i tij. (Velani, ora 10:30)

- Organizata për Rritjen e Cilësisë në Arsim publikon raportin "Integriteti akademik, publikimi shkencor dhe justifikimi i titujve akademikë në Universitetin e Gjakovës". (Zyra e ORCA-s afër Librarisë Buzuku, ora 11:00)

- Kryeministri Avdullah Hoti merr pjesë në ceremoninë e inaugurimit të Kompleksit Memorial ‘’Dr. Ibrahim Rugova’’. (Istog, ora 12:00)

- Baleti Kombëtar i Kosovës mban konferencë për media me rastin e Premierës së shfaqjes “Sisters”. (Teatri Kombëtar i Kosovës, ora 13:00)

- Partia Demokratike e Kosovës mban konferencë për media në të cilen do të flasë shefi i Grupit Parlamentar, njëkohësisht, anëtari i Kryesisë, Bedri Hamza. (Zyret e Selisë Qendrore, ora 13:30)  

-  Komisioni Hetimor Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës interviston drejtoreshën e Barnatores Qëndrore në SHSKUK-së, Gezime Pllana. (Ndertesa e Kuvendit, salla N303, ora 14:00)

- Mbahet ceremonia e nënshkrimit të marrëveshjeve të bashkëfinancimit në lidhje me “Thirrjen publike për subvencionim të NMVM-ve me pronësi të grave ndërmarrëse”, ku prezent do të jetë edhe ministri Vesel Krasniqi. (objekti i MTI-së, ora 14:00)

- Me rastin e fushatës "16 ditë aktivizëm për dhunën ndaj gruas", në bashkëpunim me UNDP-në do të bëhet ndriçimi i Shtëpisë së Bardhë ku do të jetë i pranishëm edhe kryetari i Komunës, Mytaher Haskuka dhe përfaqësuesja e Përhershme e UNDP-së në Kosovë, Maria Suokko. (Shtëpia e Bardhë në Pirzren, ora 16:00)