20 Shkurt 2019

Nënshkruhet Programi për Bujqësi dhe Zhvillim Rural për vitin 2018

Prishtinë, 8 mars - Ministri i Bujqësisë, Pylltarisë dhe Zhvillimit Rural, Nenad Rikalo, ka nënshkruar Programin për Bujqësi dhe Zhvillim Rural për vitin 2018, përmes të cilit do të investohet në shumë sektor dhe nënsektor të bujqësisë.

Ndërsa, thirrjet për aplikim për masat mbështetëse të këtij programi do të shpallen me 19 mars të këtij viti dhe periudha për aplikim do të zgjasë deri më 30 prill.

Përmes Programit për Bujqësi dhe Zhvillim Rural 2018, synohet rritja e konkurrueshmërisë së sektorit të bujqësisë, përmirësimi i jetës së banorëve të zonave rurale, krijimi i vendeve të reja të punës dhe zhvillimi i përgjithshëm ekonomik i vendit.

Investimet e ministrisë përmes këtij programi, për të cilin këtë vit janë planifikuar 26 milionë euro, do të orientohen në të gjithë nënsektorët e bujqësisë.

Në programin e sivjetshëm, do të ketë edhe shumë risi në masat mbështetëse për sektor të ndryshëm bujqësor.

  

Kalendari

Ngjarjet e datës 20 shkurt 2019 - Instituti Kërkimor për Çështje Evropiane dhe të Zhvillimit organizon konferencën 'Zëri i Popullit rreth 'Finales së Madhe' ndërmjet Kosovës dhe Serbise'. (Swiss Diamond Hotel, ora 9:30)

- Presidenti i Republikës së Kosovës, Hashim Thaçi, do të marrë pjesë në konferencën e organizuar nga Instituti Kërkimor për Çështje Evropiane dhe të Zhvillimit me temën “Zëri i Popullit rreth ‘Finales së Madhe’ ndërmjet Kosovës dhe Serbisë”. (Hoteli Swiss Diamond, ora 9:30)

- Kryeshefja ekzekutive e Inspektoratit Policor të Kosovës raporton para Komisionit për Punë të Brendshme, Siguri dhe Mbikëqyrjen e Forcës së Sigurisë së Kosovës lidhur me dyshimin për keqpërdorim të detyrës zyrtare nga ana e zyrtarit policor si dhe për raportin vjetor të vitit 2018. (Ndërtesa e Kuvendit, salla N 302, ora 10:00)

- Forumi i Gruas së Lidhje Demokratike të Kosovës organizon tryezë diskutimi me temën “Ligji (s) na mbron”. (Hotel Sirius, ora 10:00)

- Punëtorët teknik të kompanisë “Beni”  që kryejnë shërbime në Konviketet e Qendrës Studentore të Prishtinës do të protestojnë për kthimin nën menaxhimin e Qendrës Studentore (Para drejtorisë së Qendrës Studentore, ora 11:00)   .

- Komuna e Prishtinës mban konferencë për media. (Objekti i vjetër të Komunës, ora 11:00)

nën organizimin e Grupit të Grave Deputete, mbahet tryeza “Institucionet dhe mekanizmat ekzistues në përgjigje të dhunës në familje”. (Ndërtesa e Kuvendit, salla N 30, ora 11:00)

- Presidenti Thaçi do të marrë pjesë në ngjarjen "Women in Energy Scholarship Program", organizuar nga MCC. (Salla e Kuqe, Pallati i Rinisë dhe Sportit, ora 13:00)

- Kryeministri Ramush Haradinaj merr pjesë në manifestimin e 30-vjetorit të Grevave të Minatorëve. (Miniera Stan Tërg në Mitrovicë, ora 14:00)