11 Dhjetor 2018

Nënproduktet e qumështit dhe drithërat ngrenë çmimet e ushqimeve në shkurt

Romë, 1 mars - Rritja e çmimeve botërore për drithërat kryesore dhe produktet e qumështit nuk ka mundur të kompensojë uljen e çmimeve për vajrat bimore, duke ngritur çmimet globale të mallrave ushqimore në shkurt.

Indeksi i Çmimeve të Ushqimit të FAO-s mesatarisht ka arritur në 170.8 pikë në muajin shkurt, duke u rritur 1.1 përqind nga muaji i kaluar dhe tani vetëm 2.7 përqind më pak se niveli i një viti më parë.

Indeksi i Çmimeve të Ushqimit të FAO-s është një indeks matës i çmimeve të tregut ndërkombëtar për pesë grupe të mëdha ushqimore.

Indeksi i Çmimeve të drithërave, që përfaqëson grurin, orizin dhe drithërat kryesore ku përfshihet dhe misri, u rrit me 2.5 për qind, duke shënuar rritjen e dytë radhazi brenda muajit, gjatë të cilit moti i keq ndikoi negativisht në parashikimin për prodhimin e drithërave gjatë dimrit në Shtetet e Bashkuara të Amerikës dhe misrit në Argjentinë.

FAO gjithashtu uli parashikimet e saj për rezervat e grurit në mbarë botën këtë vit, duke vënë në dukje se nivelet e stokut janë gati të arrijnë një rekord të lartë.

Indeksi i Çmimit të nënprodukteve të qumështit u rrit 6.2 për qind në muajin shkurt, duke rritur çmimet ndërkombëtare të grupit ushqimor që përfshin gjalpin, djathin dhe pluhurat e qumështit të plotë dhe të skremuar. Kërkesa e lartë globale e shoqëruar me uljen e prodhimit të qumështit në Zelandën e Re nxiti këtë ndryshim.

Indeksi i Çmimit të mishit ishte përgjithësisht i pandryshuar, pasi çmimet e mishit të shpendëve u ulën për muajin e katërt radhazi, duke kompensuar rritjen e çmimeve të mishit të gjedhit.

Indeksi i Çmimit të Vajrave në FAO ra 3.1 për qind duke arritur nivelin më të ulët në 19 muaj, mes perspektivave të një suficiti në rritje të prodhimit global në vitin aktual. Çmimet e vajrave të palmës ranë përgjithësisht, duke reflektuar rezervat në rritje në Malajzi dhe Indonezi.

Indeksi i Çmimit të sheqerit në FAO ra 3.4 përqind, duke arritur një nivel të ulët dyvjeçar, pasi prodhuesit kryesorë si Tajlanda dhe India vazhduan të shtojnë prodhimin dhe tregtarët mbështesin rritjen e shpejtë të prodhimit në Bashkimin Evropian për shkak të rritjes së prodhimit të panxharit e shoqëruar me rritjen e mbjelljeve në vitin e kaluar. 

Nivele rekord rezervash ndërsa pritet të ulet prodhimi i drithërave

Gjendja e furnizimit global për drithërat kryesore mbeten të qëndrueshme dhe FAO ka rritur parashikimin e fundvitit për nivelet e stokut me 14 milion ton.

Rezervat globale të grurit dhe drithërave janë gati të arrijnë nivele record këtë vit tregtar, respektivisht 272.7 milion ton dhe 309.8 milion ton, sipas Raportit të Rezervave të Drithërave, të nxjerrë sot.

Me përfundimin e korrjeve të drithërave në vitin e kaluar, FAO ka rritur vlerësimin e prodhimit global të drithërave për 2017 në 2 642 milion ton pas rishikimeve në rritje për drithërat e plota si misri në Australi dhe Afrikën Lindore e Perëndimore. Prodhimi i orizit arriti në 502.2 milion ton në vitin 2017, një nivel i lartë i të gjitha kohërave.

FAO nxorri gjithashtu parashikimin e saj të parë për prodhimin global të grurit në 2018, që tani pritet të jetë 744 milion ton. Ndërsa mbi mesataren, kjo do të përfaqësonte rënien e dytë vjetore, duke reflektuar uljen e rendimentit të parashikuar për Bashkimin Evropian dhe Federatën Ruse.

Moti i pafavorshëm në Amerikën e Jugut dhe Afrikën Jugore, së bashku me një tkurrje të pritshme në mbjellje, tregon një rënie të mundshme të prodhimit të misrit në hemisferën jugore. 

Kalendari

Ngjarjet e datës 11 dhjetor 2018 - Organi Shqyrtues i Prokurimit fillon me transmetim të drejtpërdrejtë “live stream” të sesioneve të tij, një hap ky në drejtim të një qasjeje më transparente nga ana e këtij institucioni. (Zyra e Organit Shqyrtues të Prokurimit, ish-Banka e Lubjanës, kati i 5-të, ora 10:00)
- Koalicioni i OJQ-ve “Java Kundër Korrupsionit 2018” do të mbajë tryezën e diskutimit me temë “Zbatimi i Ligjit për Parandalimin e Konfliktit të Interesit në ushtrimin e funksionit publik në pushtetin legjislativ”. (Hotel Sirius, ora 10:00)

- Shoqata “Miqtë e Amerikës” dhe Komuna e Gjakoves hapin Librin e Zisë, në nderim të Presidentit George H.W. BUSH. (Pallati i Kulturës "Asim Vokshi" në Gjakovë, ora 10:00)

- Në kuadër të Fushatës “Ta Pastrojmë Kosovën” do të organizohet aksion pastrimi në Komunën e Rahovecit. (Rruga kryesore në fshatin Zaqisht të Rahovecit, ora 10:00)

- Shefi i Zyrës së BE-së, Nataliya Apostolova, do të diskutojë me nxënësit e shkollave të mesme me temë "Të mbështesë ndryshimin kulturor: roli i gjeneratave të reja për formësimin e vlerave të së nesërmes".  (Kafiteria Dit' e Nat', ora 10:00)

- Kompania vendore 'Produktet Natyrale të Kosovës' organizon ceremoninë e inaugurimit të linjës së re me teknologji të avancuar për përpunimin e farave të kungullit. (Fabrika 'Produktet Natyrale të Kosovës' në fshatin Loxhë në Pejë, ora 11:00)

- Sindikata e Pavarur e Sektorit Privat të Kosovës të mbajë konferencë për shtyp lidhur me gjendjen e punëtorëve të sektorit privat. (Zyret te BSPK, së ora 11:00)

- Instituti Demokraci për Zhvillim organizon ngjarjen vjetore të shpërblimeve në kuadër të projektit “Leja prindërore për barazi gjinore” që financohet nga Qendra Ndërkombëtare Olof Palme dhe mbështetet nga Qeveria Suedeze. (Libraria Dukagjini, ora 11:00)

- Mbahet tryeza në të cilën do të diskutohet për pakon ligjore kundër korrupsionit, si dhe për punën e institucioneve të drejtësisë në luftën ndaj krimit të organizuar dhe korrupsionit. (Ndërtesa e Kuvendit, salla C-405, ora 11:00)

- Policia e Kosovës mban konferencën zyrtare e cila i dedikohet fushatës kundër korrupsionit, të realizuar nga Drejtoria për Hetimin e Krimeve Ekonomike dhe Korrupsionit në bashkëpunim me ICITAP-in Amerikan. (Stacioni policor “Qendra”, ora 11:00)

- Asociacioni i Arkitektektëve të Kosovës dhe Komunës së Gjilanit bën prezantimin e “Bienales së Arkitekturës 2018”, ku do të marrin pjesë edhe përfaqësuesit e Komunës së Gjilanit dhe arkitektët në nivel Kosove dhe ata regjional. (Gjilan, ora 13:00)

- Instituti për Politika Zhvillimore organizon konferencën për shtyp me temë “Standardizimi i produkteve vendore: Shpërndarja dhe shitja e standardeve. (Resource Center Kosovo, në lagjen Pejton, në zyre të Forumit për Iniciativa Qytetare, ora 13:00)

- Koalicioni i OJQ-ve “Java Kundër Korrupsionit 2018” do të organizoj tryezen e diskutimit me temë “Zbatimi i Ligjit për Parandalimin e Konfliktit të Interesit në ushtrimin e funksionit publik në pushtetin ekzekutiv”. (Hotel Sirius, ora 14:00 - shtyhet, ora 15:00)

- Mbahet mbledhja e rregullt e Qeverisë së Republikës së Kosovës. (Ndërtesa e Qeverisë, ora 14:00)

- Partia Socialdemokrate mban konferencë për media lidhur me çështjen e dialogut me Serbinë, për të cilën do të flasin nënkryetarët Visar Ymeri dhe Dukagjin Gorani. (Zyrat e PSD-së, në lagjen "Arbëria", ora 14:00)

- Ministria e Administrimit të Pushtetit Lokal në prag të përfundimit të vitit 2018, organizon ngjarjen vjetore për shënimin e të arriturave në vetëqeverisjen lokale në Kosovë si dhe të prezantojë orientimet për vitin e ardhshëm. (Sheshi 21, ora 18:00)