20 Mars 2019

Në Mushtisht Inaugurohet projekti për ruajtjen e biodiversitetit Satoyama

Suharekë, 19 tetor - Komuna e Suharekës dhe Ministria e Mjedisit dhe Planifikimit Hapësinor (MMPH) do të organizojnë sot ceremoninë e inaugurimit të Projektit Përcjellës - Promovimi i Iniciativës Satoyama për Ruajtjen e Biodiversitetit dhe Zhvillimin Rural nëpërmjet Menaxhimit të Qëndrueshëm të Burimeve Natyrore, nga Agjencia Japoneze për Bashkëpunim Ndërkombëtar (JICA).  
 
Iniciativa Satoyama synon të zhvillojë dhe të propozojë një model të menaxhimit të qëndrueshëm të burimeve natyrore duke mbledhur dhe analizuar njohuritë dhe rastet në Japoni dhe në pjesë të tjera të botës në lidhje me menaxhimin e burimeve natyrore dhe zhvillimin e qëndrueshëm të mirëqenies njerëzore në komunitetet rurale.

Satoyama është bashkëjetesa mes ruajtjes së natyrës dhe aktiviteteve njerëzore në lidhje me zhvillimin ekonomik.

Komuna e Suharekës dhe pjesëmarrësi i trajnimit Satoyama në Japoni, Ismail Hetemaj, Udhëheqësi i Divizionit për Mbrojtjen e Natyrës në MMPH ndanë të njëjtin mendim për: 1) potencialin e madh për zhvillim ekonomik rural në rajon; dhe 2) shqetësimi në rritje për shkatërrimin e sistemit natyror të zonës, i cili duhet të mbrohet dhe të përdoret me mençuri.

Dhe për këtë arsye prezantuan iniciativën e projektit përcjellës Satoyama dhe aktivitetet relevante për palët e përfshira (qytetarët, sektorët privatë, shoqëria civile, komuna, etj.) përmes aktivitetit përcjellës të bashkëpunimit të pjesëmarrësit në trajnim.   

Në vitin 2017, nga Projekti janë realizuar aktivitetet e mëposhtme: 1) Analiza dhe Rekomandimi nga eksperti japonez bazuar në iniciativën Satoyama të Japonisë që si aktivitete kryesore ka: Bujqësinë bio-organike, Eko-turizmin dhe Edukimin Mjedisor; 2) Analiza dhe Rekomandimi për Zhvillimin e Agro dhe Eko-turizmit nga eksperti izraelit.  
 
Këtë vit janë kryer punët e mëposhtme ndërtimore për ruajtjen e burimeve dhe zhvillimin e zonës si rehabilitimi i burimeve ujore në fshatrat Delloc dhe Gradac, vendosja e tabelave informative turistike dhe shenjave të rrugës, vendosja e shportave të mbeturinave dhe vendosja e dritave solare rrugore në zonë.

Kalendari

Ngjarjet e datës 20 mars 2019 - Ministria e Tregtisë dhe Industrisë përmes Agjencisë për Investime dhe Përkrahjen e Ndërmarrjeve në Kosovë, do të organizojë konferencë informuese për lansimin e “Programi për Grantet e Përputhshme”, që është i financuar nga Banka Botërore. (Hotel Emerald, ora 8:30)

- Ministri i Drejtësisë, Abelard Tahiri raporton para komisionit për Integrime Evropiane për zbatimin e Programit Kombëtar për zbatimin e Marrëveshjes së Stabilizim- Asociimit dhe Agjendës për Reforma Evropiane. (Ndërtesa e Kuvendit, salla N 302, ora 10:00)

- Ministria e Tregtisë dhe Industrisë prezanton Programin për Mbështetjen e Konkurrueshmërisë së NVM-ve  bashkëfinancuar nga BE-ja dhe BERZH-i.  (Hotel Swiss Diamond, ora 10:00)

- Mbahet mbledhja e komisionit për Mbikëqyrjen e Financave Publike në të cilën do të diskutohet rreth organizimit të një konference rajonale me Kryetarët e Komisioneve homologe dhe Kryetarët e Gjykatave të Auditimit të Shteteve të rajonit. (Ndërtesa e Kuvendit, salla N 225, ora 10:00) 

- Jahjaga Foundation organizojnë tryezën e rrumbullakët me temë “Roli i medias në përmirësimin dhe raportimin e drejtë për gratë në qeverisje”. (Hotel Sirius, ora 10:30)

- Ministri i Kulturës, Rinisë dhe Sportit, Kujtim Gashi do të vizitojë Federatën e Basketbollit të Kosovës me ç’rast do të nënshkruhet edhe një memorandum bashkëpunimi. (Federata e Basketbollit, ora 11:00)

- Mbahet mbledhja e komisionit për Zhvillim Ekonomik, Infrastrukturë, Tregti, Industri dhe Zhvillim Rajonal Publike në të cilën do të diskutohet lidhur me shqetësimet e bizneseve për furnizimin me energji elektrike. (Ndërtesa e Kuvendit, salla C 405, ora 11:00)

- Me rastin e Ditës Ndërkombëtare të Frankofonisë, dhe në kuadër të javëve të Frankofonisë në Kosovë, Ambasada e Francës feston ditën ndërkombëtare të frankofonis. (Sheshi Zahir Pajaziti, ora 11:00)

- Mbahet mbledhja e komisionit për Shëndetësi, Punë dhe Mirëqenie Sociale në të cilën do të diskutohet informata e drejtorti të Shërbimit Spitalor dhe Klinik Universitar të Kosovës, lidhur me gripin sezonal në Kosovë. (Ndërtesa e Kuvendit, salla N 303, ora 11:00)

- Komisioni për Buxhet dhe Financa voton raportin vjetor të shpenzimeve të Kuvendit të Kosovës për vitin 2018, voton për Projektligjin për Qasje në Dokumente Publike dhe amendamentet e Komisionit për Administratë Publike, Qeverisje Lokale dhe Media. (Ndërtesa e Kuvendit, salla C 203, ora 11:00) 

- Nën kryesimin e kryetarit Mustafa, mbahet mbledhja e kryesisë me kryetarët e degëve të Lidhjes Demokratike të Kosovës. (Hotel Sirius, ora 14:00)

- Kuvendi i Republikës së Kosovës, me iniciativën e Forumit për Transparencë Parlamentare, vazhdon aktivitetin "Ditët e Kuvendit" në Skenderaj. (Salla e mbledhjeve të Kuvendit Komunal në Skenderaj, ora 14:00)

 - Kryeparlamentari Kadri Veseli, i shoqëruar nga Ministri i Drejtësisë, Abelard Tahiri, do të vizitojnë Agjencinë Kundër Korrupsionit, ku do të takohet me Drejtorin e kësaj Agjencie, Shaip Havolli. (Agjencia Kundër Korrupsionit, Rr. "Nazim Gafurri" Nr. 31, ora 14:00)

- Kryetari i Lidhjes Demokratike të Kosovës, Isa Mustafa, u drejtohet gazetarëve në një konferencë për media pas mbledhjes së kryesisë. (Hotel Sirius, ora 16:00)

- Fondi për të Drejtën Humanitare Kosovë mban ligjëratën publike “Sot, 20 vite më parë: Rasti ‘Te Pishat’ në Skënderaj”. (Qendra e Dokumentimit Kosovë në bibliotekën Hivzi Sulejmani, ora 16:30)