11 Gusht 2020

Në Gjilan pati ulje drastike të zjarreve në sezonin veror

Gjilan, 14 janar - Komuna e Gjilanit, gjatë sezonit veror të vitit 2019 ka pasur ulje drastike të zjarreve fushore e malore, ka thënë një një konferencë për media drejtori për Mbrojtje dhe Shpëtim, Sami Spahiu.

“Kemi bërë një fushatë vetëdijësuese për qytetarët përmes njoftimeve të përgjithshme, si: komunikimi i drejtpërdrejt me qytetarët, këshillat e lagjeve dhe fshatrave, pastaj përmes posterave, mediave elektronike dhe rrjeteve sociale, me qëllim të njoftimit dhe të vetëdijesimit të qytetarëve në parandalimin e zjarreve fushore dhe pyjore. Si rezultat i këtyre masave, gjatë sezonit të nxehtë veror, përkundër temperaturave shumë të larta, ne kemi pasur rënie të zjarreve malore dhe atyre fushore”, ka deklaruar Spahiu, të martën.

Gjatë vitit 2019, kjo Drejtori është furnizuar me një automjet teknik për intervenime rrugore, donacion nga klubi rotarian “Gjilani”, pastaj me tri pompa ajri për fikjen e zjarre, ndërkaq është lidh kontrata për furnizim me pajisje profesionale për zjarrfikësit.

Gajtë vitit 2019, drejtori për Mbrojtje dhe Shpëtim ka thënë se në bashkëpunim me KRU “Hidromorava”, janë funksionalizuar edhe shtatë pika të hidrantëve emergjentë publik.

“Ndërkohë, në bashkëpunim me Agjencionin për Menaxhimin e Emergjencave të Kosovës, është mbajtur trajnimi simulues një ditor për tërmetet. Trajnimi është mbajtur në hapësirat e oborrit të shkollës fillore “Selami Hallaqi”, ku e kanë marrë përvojën e duhur për tërmete mbi 400 nxënës të shkollave në komunën tone”, është shprehur Spahiu.

Spahiu, me këtë rast, e ka falënderuar kryetarin e Komunës, Lutfi Haziri, për mbështetjen dhe bashkëpunimin e mirë, sikurse edhe institucionet tjera të sigurisë dhe qytetarët.   

Kalendari

Ngjarjet e datës 11 Gusht 2020 - Ministri i Infrastrukturës, Arban Abrashi, do t’i vizitojë punimet në hekurudhën e Kosovës, linjën 10, në stacionin hekurudhor në Miradi. (Miradi, ora 10:00 - nisja për medie nga parkingu i Ministrisë së Infrastrukturës, ora 9:30)

- Kryetarja e Kuvendit, dr. Vjosa Osmani viziton Komunën e Mitrovicës së Jugut. (Ndërtesa e komunës, ora 10:00)

-  Komisioni për Mbikëqyrjen e Financave Publike shqyrton Raportin e Auditimit për Ministrinë e Diasporës dhe Investimeve Strategjike, për vitin e përfunduar më 31 dhjetor 2019. (Salla e seancave plenare, ora 10:00)

- Ministrja e Kulturës, Rinisë dhe Sportit, Vlora Dumoshi, do të vizitojë Komunën e Malishevës ku do te takohet me kryetarin Ragip Begaj. (Objekti i Komunës, ora 10:00)

- Ministria e Punëve të Brendshme do të pranojë donacion nga kompania “Sezin” nga Turqia me ndihmën e Ambasadës së Republikës së Turqisë në Kosovë, ku do të dhurohen maska dhe pajisje tjera mjekësore. (Para objektit qendror të MPB-së, ora 10:00)

- Kryetarja e Kuvendit, dr. Vjosa Osmani viziton mban ashkëbisedim me të rinjët lidhur me çështje të ambientit. (Te Liqeni  Hapësira pranë urës nga ana e Suhodollit, Mitrovicë e Jugut, ora 10:30)

- Zëvendëskryeministri Besnik Tahiri viziton Fondin e Kursimeve Pensionale të Kosovës për të diskutuar rreth rimëkëmbjes ekonomike. (Ndërtesa e TRUST-it, Rruga "Agim Ramadani", ora 11:00)

- Instituti Demokratik i Kosovës organizon konferencën për media ku do të shpalosen gjetjet nga analiza e burimit të problemeve në mos zbatimin e rekomandimeve të Auditorit të Përgjithshëm nga komunat. (Zyrat e KDI-së, ora 11:00)

 - Kryetarja e Kuvendit, dr. Vjosa Osmani viziton FAFOS​ në Mitrovicë të Jugut. (Mitrovicë e Jugut, ora 11:30)

- Ministri i Drejtësisë, Selim Selimi raporton para Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit diskuton lidhur me programin legjislativ për vitin 2020 respektivisht të Projektligjeve të Ministrisë së Drejtësisë si dhe për gjendjen në Institucionet Korrektuese në Republikën e Kosovës për shkak të Pandemisë me Covid-19. (Salla e seancave plenare, ora 13:00)

-  Komisioni për të Drejtat e Njeriut, Barazi Gjinore, për Persona të Pagjetur dhe Peticione shqyrton raportin e panelit përzgjedhës për shqyrtimin e aplikacioneve, intervistim dhe listën e ngushtë të kandidatëve për Avokat të Popullit. (Ndërtesa e Kuvendit, salla N302, ora 13:00)

-  Komisioni Hetimor Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës dëgon dëshmitë e dëshmitarëve. (Ndërtesa e Kuvendit, salla N10, ora 14:30)

- Organizata ETEA dhe Biblioteka “Hivzi Sulejmani” organizojn takim me shkrimtarin dhe kryetarin e Akademisë së Shkencave dhe Arteve, Mehmet Kraja. (Qendra për Edukim dhe Kulturë “Libart” në objektin e bibliotekës “Hivzi Sulejmani” në lagjen “Dardania”, ora 18:00)  .