26 Shkurt 2021

Në Ditën e Tokës promovohen sjelljet e mira mjedisore

Prishtinë, 22 prill - Sot, në Ditën e Tokës, planeti Tokë gjendet përballë dy krizave globale: E para është sfida e përballjes me pandeminë e koronavirusit COVID-19 dhe e dyta ajo e ndryshimeve klimatike.

Organizata joqeveritare Green Art Center (GAC) vlerëson se Pandemia globale e gjeti botën të papërgatitur dhe momentalisht është duke luftuar për ta zgjidhur sa më pare atë, ndërkohë që jemi akoma në kohë për të përmirësuar dhe zvogëluar ndotjen mjedisore që ndikon në ndryshimet klimatike e si rrjedhojë do të ndikojë në jetën tonë në të ardhmen.

"Përderisa shihen qytete të zbrazura, në të njëjtën kohë, dukshëm, kjo periudhë ka pasur ndikim pozitiv në përmirësimin e cilësisë së ajrit në botë.  Kjo kohë e pandemisë le të shërbejë si vetëreflektim!", thekson GAC.

Andaj, me aksione simbolike në kushte të izolimit shtëpiak, në manifestimin e ditës së Tokës,  GAC synon të ftojë komunitetin që të nisë të reflektojë për rolin tonë në mbajtjen pastër të ambjenteve ku jetojmë dhe veprojmë, në zhvillimin e sjelljeve eco-mjedisore përmes krijimit të shprehive të ripërdorimit, zbatimit të programeve për riciklim si dhe të kompostimit të mbeturinave, duke kontribuar në këtë mënyrë në zvogëlimin e ndotjes që ne si individë ja shkaktojmë cdo ditë vendit tonë dhe planetit Tokë.

Sot, GAC i bën thirrje komunitetit të gjerë që përmes mesazheve të ndryshme në formë digitale nën sloganin #EarthDay2020 si dhe duke dhënë shembullin më të mire në botë, të promovojnë rëndësinë e ruajtjes së mjedisit jetik me qëllim të ngritjes së vetëdijes qytetare, vetëreflektimit individual dhe institucional për ndërmarrjen e masave përmirësimin e ambjentit në Kosovë.

Organizata joqeveritare, Green Art Center (GAC) dhe Earth Day Network duke ndarë qëllimet dhe objektivat e përbashkëta përmes kontributit të vazhdueshëm përmes aktiviteteve që synojnë të jetuarit në  një mjedis të qëndrueshëm; kanë nënshkruar marrëveshje bashkëpunimi në kuadër të programit të edukimit mjedisor, për zgjerimin e aktiviteteve vetëdijesuese dhe edukative me focus në zhvillimin e programeve për ruajtjen, forcimin e kapaciteteve dhe mbrojtjen e natyrës dhe burimeve natyrore, duke kontribuar në luftën kundër ndryshimit të klimës dhe ruajtjen e biodiversitetit.

Organizata GAC ndër vite zhvillon aktivitete që promovojnë rëndësinë e ruajtjes së mjedisit përmes programeve për edukim mjedisor në nivel nacional dhe zhvillimit të projekteve me fokus në menaxhimin e mbeturinave në Kosovë.

 
 

Kalendari

Ngjarjet e datës 26 Shkurt 2021

- Mbahet mbledhja e dytë e rregullt e Kuvendit Komunal të Rahovecit. (Salla e mbledhjeve të Kuvendit Komunal në objektin e ri të komunës, ora 10:00)

- Këshilli Organizues ''Pranvera Shqiptare 81'' do të bëj nderime dhe do të vendos lule te varri i varri i Adem Demaçit. (Velani, ora 11:00)

- Organizata Etea, përmbyllë fazën e parë të projektit “Biblioteka Qarkulluese me strategjitë e lexim kuptimit”. (Kino Armata, ora 11:00)

- Ministria e Kulturës, Rinisë dhe Sportit organizon ceremoninë e ndarjes së çmimeve në fushën e trashëgimisë kulturore. (Parku arkeologjik "Ulpiana", ora 12:00)

- Këshilli Organizues ''Pranvera Shqiptare 81'' organizon tryezëm përkujtimore për Adem Demaçin në 85 vjetorin e lindjes. (Instituti Albanologjik në Prishtinë, ora 13:00)

- Qendra për Raste Gjyqësore Strategjike platformë e themeluar nga Grupi për Studime Juridike dhe Politike mban konferencën për media me rastin e dorëzimit të Padisë për Konflikt Administrativ kundër Lejes Ujore për Hidrocentralin Brezovica në Shtërpcë të Lëshuar nga Autoriteti Rajonal i Pellgjeve Lumore në kuadër të Ministrisë së Ekonomisë dhe Ambientit. (Para Pallatit të Drejtësisë, Ndërtesa A, ora 14:00)

- Zëdhënësi i KQZ-së, Valmir Elezi mban konferencë lidhur me progresin në procesin e rinumërimit dhe të aktiviteteve tjera që po zhvillohen në këtë qendër. (Qendra e Numërimit dhe Rezultateve, ora 15:00)