03 Mars 2021

Mustafa zhvilloi videokonferencë me ministrat e Ballkanit dhe Komisionin Evropian

Prishtinë, 22 prill - Ministri i Bujqësisë, Pylltarisë dhe Zhvillimit Rural, Besian Mustafa ka zhvilluar sot një video konferencë me ministrat e bujqësisë të shteteve të Ballkanit Perëndimor dhe përfaqësuesit e Komisionit Evropian / DG Agri dhe DG Near, për të diskutuar mbi ndikimin e pandemisë COVID-19 në sektorin e bujqësisë dhe zhvillimin rural në rajon, si dhe për masat që po ndërmerren për të përkrahur bujqit në rajon.

Me këtë rast, Ministri Mustafa ka theksuar se do të vazhdoj bashkëpunimin rajonal, i cili theksoi se është i domosdoshëm veçanërisht në situatën e krijuar, duke koordinuar edhe më tej veprimet me shtetet e rajonit dhe institucionet e Bashkimit Evropian.

Kalendari

Ngjarjet e datës 3 Mars 2021 - Kolegji Ndërkombëtar i Biznesit në Mitrovicë inauguron projektin “Fuqizimi i autonomisë universitare dhe rritja e llogaridhënies e transparencës së universiteteve të Ballkanit Perëndimor”. (Selia e Kolegjit IBCM, ora 9:00)

- Mbahet seanca gjyqësore kundër të pandehurit Enis Ramadani për vepren penale 'Mbajtja në pronësi, kontroll ose posedim të paautorizuar të armëve'. (Gjykata Themelore në Ferizaj, ora 9:30)

- Avokati i Popullit, Naim Qelaj viziton ekspozitën për fëmijët e vrarë gjatë luftës “Na ishte një herë që kurrë mos qoftë”. (Biblioteka “Hivzi Sylejmani” në Prishtinë, lagjja Dardania, ora 10:00)

- Parlamenti i dytë rural shqiptar organizon konferencë për të diskutuar sfidat dhe veprimet konkrete për mirëqenien e banorëve të zonave rurale. (Platforma Zoom, ora 10:00)

- Pas rritjes së numrit të rasteve me COVID-19 në Gjilan, kryetari i Komunës, Lutfi Haziri, mban konferencë për media pas takimit të Komitetit për menaxhimin dhe parandalimin e përhapjes së COVID-19. (Zyra e krytarit Haziri, ora 10:30)

- Ministria e Kulturës, Rinisë dhe Sportit organizon ceremoninë e shpërndarjes së librave të botuar dhe të blerë me financimin e Departamentit të Kulturës në MKRS. (Biblioteka Kombëtare e Kosovës, ora 11:00)