07 Korrik 2020

MMPH mbështet pastrimin e shtratit të lumit Marevc - Prishtinë

Prishtinë, 6 nëntor - Ministri i Mjedisit dhe Planifikimit Hapësinor, Fatmir Matoshi së bashku me zëvendëskryeministrin e parë dhe ministrin e Punëve të Jashtme, Behgjet Pacolli,  deputetin e Kuvendit të Kosovës, Islam Pacolli, dhe këshilltarët politik, sot kanë marrë pjesë në fillimin e punimeve të Projektit “ Pastrimi i shtratit të lumit Marevc- Prishtinë”, i financuar nga MMPH, në vlerë prej 90 mijë e 388 euro.

Ministri Matoshi dhe zëvendëskryeministri Pacolli, kanë mirëpritur fillimin e punimeve, duke vlerësuar këtë projekt të rëndësishëm për mbrojtjen e mjedisit, ruajtjen e biodiversitetit, krijimin e mundësive për zhvillim të qëndrueshëm dhe  zhvillim të turizmit malor në fshatin Marevc.

Të pranishmit vlerësuan se ky projekt është i domosdoshëm edhe për zhvillimin e mirëqenies së banorëve të fshatit Marevc, duke parandaluar kështu shpërnguljen dhe migrimin nga kjo zonë.

Zëvendëskryeministri Pacolli dhe ministri Matoshi u zotuan që në fshatin Marevc do të ketë edhe investime të tjera me qëllim të përmirësimit të jetës së banorëve të kësaj ane.

Punime për projektin “Pastrimi i shtratit të lumit Marevc- Prishtinë”, do të zgjasin 90 ditë.

Kalendari

Ngjarjet e datës 7 Korrik 2020 - Dr. Basri Sejdiu do të mbajë konferencë për media lidhur me vendimin e Bordit Drejtues për shkarkimin nga detyra e drejtorit të përgjithshëm të SHSKUK. (QKUK, ora 11:00)

- Ministri i Drejtësisë Selim Selimi do të vizitoje Komunën e Prishtinës. (Ndërtesa e Komunës së Prishtinës, ora 11:00)

- Kryetari i Sindikatës së Pavarur të Sektorit Privat të Kosovës, Jusuf Azemi do të mbaj takim me Ministren e financave, znj. Hikmete Bajrami me të cilën do të bisedoj lidhur me pagesën e pagave të  punëtorëve nga pakoja emergjente, tërheqjen e mjeteve për punëtorë nga fondi i kursimeve si dhe eliminimin e gabimeve teknikeve gjatë  aplikimit për pakon fiskale emergjente. (Kabineti i ministres Bajrami, ora 11:00)

- Kryetari i Sindikatës së Pavarur të Sektorit Privat të Kosovës, Jusuf Azemi pas takimit me Ministren e financave, znj. Hikmete Bajrami do të mbaj konferencë për shtyp, ku do të ju njoftojë lidhur me këtë takim. (Zyret e Sindikatës në objektin e ish Gërmisë, ora 11:45)

- Lëvizja Vetëvendosje! mban konferencë për media në të cilën flet nënkryetari Besnik Bislimi. (Zyret e LV-së në Arbëri, ora 12:00)

- Ministri i Drejtësisë, Selim Selimi, do të  mbajë konferencë për media për Kodin Civil. (Holli i Ministrisë së Drejtësisë, ora 14:00)

- Organizatat e dala nga Lufta e UÇK-së dhe Shoqata e ish të Burgosurve Politik, që janë Këshill Organizues i Protestave mbajnë sot konferencë për medie. (Selia qendrore e Organizatës së Veteranëve të Luftës së UÇK-së në Prishtinë, ora 14:00)

- Me hapjen e ekspozitës multimediale në hapësirat e SENSE Qendrës në Pulë, Qendra për Drejtësi Tranzicionale në bashkëpunim me Fondin për të Drejtën Humanitare Kosovë nisin kampanjën me titull: Srebrenica 25: Së bashku kundër virusit të mohimit në ditën kur në vitin 1995 ka rënë Srebrenica. (Transmetim direkt livestream http://srebrenica.sensecentar.org, ora 17:00)

- Komuna e Rahovecit mban dëgjim publik me banorët të fshatrave Malësi e Vogël dhe Gexhë. (Objekti i Shkollës Fillore të Mesme të Ulët “Skender Kastrati” në fshatin Malësi e Vogël, ora 19:00)

- Komuna e Rahovecit mban dëgjim publik me banorët të fshatrave Ratkoc, Dejnë, Vrajak dhe Bratotin. (Objekti i Shkollës  Fillore të Mesme të Ulët “4 Dëshmorët” në fshatin Ratkoc, ora 20:00)