04 Dhjetor 2020

Ministri Stavileci synon t'i motivoj fermerët përmes vizitave

Prishtinë , 30 gusht - Në vazhdën e vizitave në terren, ministri i MBPZHR-së Blerand Stavileci, për t’u njohur nga afër me problemet e fermerëve, sot ishte për vizitë në fshatrat Bllagajë dhe Qyshk të komunës së Pejës.

Gjatë qëndrimit në pronat e fermerëve Hivzia Medunjanin, Husnia Beshkoviç dhe antarëve tjerë të Shoqatës së Pemtarëve “UVB” në Bllagajë, ministri Stavileci tha se nëpërmjet këtij vargu të vizitave në terren synojmë t’i motivojmë fermerët që të vazhdojnë edhe më tej t’u përkushtohen gjithë nënsektorëve të bujqësisë dhe t’i inkurajojmë që të aplikojnë në projektet që MBPZHR është duke i realizuar.

“Neve na intereson që së bashku me fermerët të mund të realizojmë projekte të përbashkëta prandaj edhe secilën iniciativë të tyre, sipas mundësive, do të mundohemi ta mbështesim”.

Pemtaria, shtoi më tej ministri Stavileci, është sektor mjaft profitabil dhe ka hapësirë të mjaftueshme që të zhvillohet edhe më shumë ngase prodhimi vendor përmbush shumë pak nevojat e konsumatorëve.

“Kosova ka një potencial të fuqishëm në bujqësi, veçanërisht në prodhimtarinë e pemëve dhe kjo mund të zgjerohet vetëm nëpërmjet pemishteve intensive, këto parcela me pemishte që po i shohim këtu, janë modeli më i mirë për këtë”.

Gjithashtu, shtoi ministri Stavileci, është e identifikuar edhe nevoja për të investuar në mekanizma dhe infrastrukturën përcjellëse të prodhimit të tyre për të rritur periudhen e konsumimit.

Ndërkaq, Husnia Beshkoviç, Kryetar i Shoqatës së Pemtarëve “UVG” në Bllagajë tha se, kultivimin e pemishteve e kanë traditë ngaqë me këtë veprimtari janë marrur edhe më herët dhe përmes kësaj pune edhe jetojnë.

“Rendimenti mesatar i prodhimtarisë së mollëve për hektarë sillet prej 30-35 tonë dhe në të ardhmen, duke e modernizuar prodhimtarinë për t’i evituar humbjet në kualitet dhe kuantitet pas vjeljes, synojmë të merremi edhe me prodhim lëngjesh dhe kompoti”. Problemet me të cilat ballafaqohemi janë të natyrave të ndryshme, shtoi z.Beshkoviç, duke u nisur që nga pajisjet teknike, depot ruajtëse, problemet e shitjes, pastaj sëmundjet e ndryshme të mollëve dhe fidanet jocilësore për mbjellje, etj.

”Vizita e ministrit Stavileci është vizita e parë që po na bëhet nga institucionet qendrore të vendit dhe për neve është një përkrahje që na motivon në punën e mëtutjeshme”, tha z.Beshkoviç, duke shtuar më tej se i vlerësojnë lartë politikat e Ministrisë së Bujqësisë në intensifikimin e veprimeve për të ju bërë krah i punës fermerëve.

Ndërsa, përgjatë vizitës në pronën e fermerit Selman Shala në fshatin Qyshk të komunës së Pejës (përfitues i grantit për ngritjen e serrave të reja), ministri Stavileci tha se,  prodhimtaria e perimeve nëpër serra është një nga prodhimtaritë më në rritje dhe Ministria e Bujqësisë vetëm në këtë komunë, në të cilën vjet kanë qenë dy përfitues të granteve për ngritjen e serrave të reja, për të përkrahur financiarisht investimet në këtë sektor ka aprovuar mbi 20 projekte”.

Duke vazhduar më tej se, në mënyrë permanente po kërkohen shtigje të reja për të zhvilluar potencialin e sektorit bujqësor dhe për të krijuar nivel të konsiderueshëm autputesh dhe punësimi.

 

Kalendari

Ngjarjet e datës 4 Dhjetor 2020 - Mbahet seanca fillestare për rastin e vrasjes së politikanit serb Oliver Ivanoviq pranë Gjykatës Themelore në Prishtinë, departamenti Special - krimet e rënda me c'rast avokati mbrojtës do te jep deklaratë për mediet pas seancës. (Gjykata Themelore në Prishtinë, ora 9:30)

- Guvernatori i Bankës Qendrore të Republikës së Kosovës, Fehmi Mehmeti do të mbaj një takim virtual me presidentin e Gjykatës Ndërkombëtare të Arbitrazhit Alexis Mourre dhe Drejtoreshën e Komisionit të Arbitrazhit për Evropë, Laetitia de Montalivet. (Takim virtual, ora 10:00)

- Kryetari i Komunës së Prizrenit, Mytaher Haskuka dhe drejtoresha e Drejtorisë së Kulturës, Rinisë dhe Sportit, Emilja Redzepi, do të bëjnë nënshkrimin e kontratave me përfituesit e thirrjes për përkrahjen e OJQ-ve dhe individëve në fushën e kulturës, rinisë dhe sportit. (Shtëpia e Bardhë në Prizren, ora 10:00)

- Qendra për Këshillim, Shërbime Sociale, dhe Hulumtime organizon aktivitetin “Tuneli i Fundit” në përkujtim të grave të vrara si pasojë e dhunës në familje në pesë vitet e fundit në Kosovë, dita e dytë. (Përballë ndërtesës së Kuvendit të Kosovës, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton shkresën e Artan Qerkinit përfaqësues i Malcolm Simmons, ish kryetar i Asamblesë së Gjyqtarëve të EULEX-it, “Përgjigje në ftesën për të dëshmuar para Komisionit për Legjislacion” si dhe njoftohet me shkresën e Përfaqësuesit Special të Bashkimit Evropian, Tomas Szunyong, për emërimin e Karin Hernmark Ahliny, Ambasador i Suedisë, anëtar i Bordit  Mbikëqyrës  të Agjencisë Kosovare për Verifikim dhe Krahasim të Pronës. (Ndërtesa e Kuvendit, salla N506, ora 10:15)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston Ministrin e Ministrisë së Infrastrukturës Arban Abrashin. (Ndërtesa e Kuvendit, salla N204, ora 11:00)

- Mbahet seanca e jashtëzakonshme e Kuvendit te Kosovës në të cilën do të behët shqyrtimi i dytë i Projektligjit për Rimëkëmbjen Ekonomike - COVID-19. (Ndërtesa e Kuvendit, ora 11:00)

- Organizata Etea dhe Aleanca Franceze në Prishtinë me mbështetjen e Ambasadës Franceze do të mbajnë takimin e parë të huazimit të librave. (Tek objekti i Aleancës Franceze, ora 11:00)

- Autoriteti Kosovar i Konkurrencës (AKK) mban konferencë për medie lidhur me një hetim ndaj ndërmarrjeve që operojnë në tregun e energjisë elektrike. (Ish-objekti i Bankës së Lubjanës, ora 11:15)

- Kryetari i Delegacionit të Kosovës, Ibrahim Makolli dhe ai i delegacionit të Serbisë Veljko Odalovic do të mbajnë konferencë për media lidhur me varrezën masive në Kizhevak të Serbisë. (Lokacioni i varrezës masive në Kizhevak  të Serbisë, ora 12:00)

- Shpallet aktgjykimi ndaj të akuzuarit N. M., i cili akuzohet nga Prokuroria Themelore e Gjilanit, për veprën penale “vrasje e rëndë” pasi qe në  fshatin Berivojcë, komuna e Kamenicës, i pandehuri dyshohet që pas mosmarrëveshjeve familjare, me një mjet të fortë - shufër metalike, godet bashkëshorten e tij në kokë dhe pjesë të tjera të trupit, me ç’rast të ndjerës i ka shkaktuar plagë të cilat kanë qenë vdekjeprurëse. (Gjykata Themelore Gjilan, ora 13:00)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston drejtoren e Insitutit Hidrometeorologjik të Kosovës Letafete Latifi. (Ndërtesa e Kuvendit, salla N204, ora 13:00)

- Komisioni Hetimor Parlamentar lidhur me procesin e privatizimit në Kosovë plotëson listën e dëshmitarëve. (Ndërtesa e Kuvendit, salla N10, ora 13:00)

- Qendra për Raste Gjyqësore Strategjike mban konferencë për media me rastin e dorëzimit të padisë për konflikt administrativ kundër vendimeve të Ministrisë së Ekonomisë dhe Ambientit dhe Zyrës së Rregullatorit për Energji”. (Para Pallatit të Drejtësisë, ndërtesa A, ora 14:00)

- Ministrja e Punëve të Jashtme dhe Diasporës e Republikës së Kosovës, Meliza Haradinaj-Stublla pret në takim ministrin në detyrë për Evropën dhe Punët e Jashtme i Republikës së Shqipërisë, Gent Cakaj ku pjesë e takimit do të jenë edhe përfaqësuesit e shqiptarëve të Luginës së Preshevës. (Objekti i MPJD-së, ora 14:00)