03 Dhjetor 2020

Ministri Stavileci mbjellë fidane të reja në Luboten

Prishtinë, 25 korrik - Ministri i MBPZHR-së Blerand Stavileci dje ishte për vizitë në Kampin e Paqës “Green HOME”, i cili po mbahet në Luboten të komunës së Prizrenit.

Ministri Stavileci, pas mbjelljes së fidaneve të reja, tha se për MBPZHR-në janë shumë të rëndësishme aktivitetet e ndryshme për mbrojtjen ekologjike dhe me iniciativa të tilla synohet të rriten përgjegjësitë dhe të ngritet vetëdijesimi në opinionin e gjërë për mbrojtjen e tokës pyjore dhe mosdegradimin e pyjeve.

MBPZHR-ja, vazhdoi më tej ministri Stavileci, nëpërmjet bartjes së kompetencave tek organet e pushtetit lokal e ka më të lehtë të mbajë situatën nën kontrollë dhe kjo bartje e kompetencave veç ka fillu me i tregu rezultatet e para, por gjithsesi, nevojitet një vetëdijesim më i madh për rëndësinë ekologjike të mjedisit në të cilin po jetojmë.

Ndërsa, organizatori i kampit z.Labinot Salihu tha se qëllimi i organizimit të këtij kampi është vetëdijesimi se mbrojtja e mjedisit është përgjegjësi e jona dhe për të bashkëjetuar me natyrën duhet të dijmë edhe t’i përshtatemi tërësisë së kushteve të jetesës në të, për këtë gjë, nëpërmjet këtij organizimi grupet punuese shtjellojnë edhe tema të ndryshme, si: orientimi në natyrë, legjislacioni në Kosovë për mbrojtjen e mjedisit, siguria njerëzore, etj.

Organizator i këtij kampi është KUSA (Kosovo United States Alumni), ndërkaq projekti është mbështetur nga Ministria e Bujqësisë, Pylltarisë dhe Zhvillimit Rural, Ambasada e SHBA-ve në Kosovë dhe Ministria e Kulturës, Rinisë dhe Sportit.
 

Kalendari

Ngjarjet e datës 3 Dhjetor 2020

- Me rastin e Ditës Ndërkombëtare të Personave me Aftësi të Kufizuara, Handikos mban konferencën lansuese të Raportit vlerësues mbi qasshmërinë e fëmijëve me aftësi të kufizuara në ndërtesat shkollore të nivelit fillor dhe të mesëm të ulët në Kosovë. (Qendra e Resurseve të Handikos në Veternik, ora 9:30)

- Gjykata Themelore në Ferizaj mban seancën kundër të pandehurit Ibrahim Mustafa Keqpërdorimi i pozitës apo autoritetit zyrtar. (Gjykata Themelore në Ferizaj, ora 9:30)

- Kuvendi i Kosovës mban seancë te veçantë në të cilën do të mbahet debat parlamentar për gjendjen e të drejtave të personave me aftësi të kufizuara në Republikën e Kosovës. (Kuvendi i Kosovës, ora 10:00)

-  Komisioni për Integrim Evropian shqyrton Projektligjin për rimëkëmbjen ekonomike – COVID-19, me amendamentet e Komisionit funksional nga aspekti i përputhshmërisë me legjislacionin e BE-së. (Ndërtesa e Kuvendit, salla N302, ora 10:00)

-  Komisioni për të Drejtat dhe Interesat e Komuniteteve dhe Kthim shqyrton Projektligjin për Rimëkëmbjen Ekonomike - COVID-19, me raport amendamente të Komisionit funksional për Buxhet dhe Transfere. (Ndërtesa e Kuvendit, salla N303 Koha: 10:00  

- Komisioni Qendror i Zgjedhjeve mban mbledhjen ku shpall rezultatet përfundimtare të jashtëzakoshme për Kryetar të Komunës së Podujevës dhe Mitrovicës së Veriut, të cilat u mbajtën më 29 nëntor 2020. (Ndërtesa e KQZ-së, kati 4, ora 10:00)

- Për nder të Ditës Ndërkombëtarë për Personat me Nevoja të Veçanta, ushtruesja e detyres Presidentja, dr.Vjosa Osmani bashkërisht me ambasadorin Britanik, Nicholas Abbott dhe ministrin e Arsimit, Ramë Likaj  nënshkruajnë panon e zotimit për gjithëpërfshirje. Oborri i Kuvendit të Republikës së Kosovës (hyrja nga sheshi, ora 11:30)

- OJQ EC Ma Ndryshe organizon aktivitetet ndërgjegjësuese që ka qëllim të përcjell porosinë vetëdijësuese për eliminimin e pengesave që janë krijuar për shkak të mungesës së gjithëpërfshirjes. (Parku i Qytet në Prizren, ora 11:00 - Keji përballë xhamisë së “Sinan Pashës”, ora 12:00 - Marash, ora 13:00)