20 Tetor 2018

Ministri Rikalo merr pjesë në takimin e ministrave të bujqësisë të EJL-së

Prishtinë, 17 nëntor - Ministri i Bujqësisë, Pylltarisë dhe Zhvillimit Rural, Nenad Rikalo, së bashku me drejtorin e Departamentit të Vreshtarisë dhe Verës, Bekim Hoxha mori pjesë në takimin e rregullt vjetor të ministrave të bujqësisë të Evropës Juglindore (EJL).

Ky është takimi i 11-të me radhë dhe është mbajtur në Jahorinë të Bosnje dhe Hercegovinës, i organizuar nga Ministria e Tregtisë së Jashtme dhe Marrëdhënieve Ekonomike të BeH dhe Grupi Punues Rajonal për Zhvillimin Rural të Evropës Juglindore (SWG).

Vëmendje e veçantë në këtë takim iu kushtua bashkëpunimit të ardhshëm rajonal dhe reformave në fushën e sektorit të bujqësisë dhe zhvillimit rural në procesin e afrimit të rajonit të Evropës Juglindore me Bashkimin Evropian.

Ministrat e bujqësisë dhe delegacionet e shumta, gjithashtu diskutuan për shkeljen e prodhimit bujqësor dhe zhvillimin rural në rajonin e EJL përmes proceseve të bashkëpunimit rajonal në këtë pjesë të Evropës.

Nikoqirë të këtij takimi për këtë vit ishin Ministri i Tregtisë së Jashtme dhe Marrëdhënieve Ekonomike, Mirko Saroviç dhe Sekretari i Përgjithshëm i SWG, Boban Iliç.



Kalendari

Ngjarjet e datës 20 tetor 2018 - Kryeministri Ramush Haradinaj pret në takim ministrin e Punëve të Jashtme të Turqisë, Mevlut Çavusoglu. (Ndërtesa e Qeverisë, ora 9:00)

- Oda e Fizioterapeutëve të Kosovë organizon ditë e dytë të Kongresit e I-rë Ndërkombëtar të  Fizioterapisë në Kosovë. (Hotel Emerald, ora 10:00)

- Aleanca Franceze e Prishtinës mirëpret një ekspozitë me titull "Studio Alix: një shekull fotografi të Pireneve", e propozuar nga shoqata franceze "Écrits de lumière". (Aleanca Franceze në Prishtinë, rruga Lah Nimani, ora 11:00)

- Zëvendëskryeministri i Kosovës, Fatmir Limaj, merr pjesë në vënien e gurthemelit të Qendrës së Banimit Social në Malishevë. (Lagjja Mirëdita në Malishevë, ora 14:00)

- Kryeministri Ramush Haradinaj merr pjesë në përurimin e fillimit të punimeve të sheshit të Obiliqit. (Qendra e qytetit në Obiliq, ora 14:00)

- Kryetari i Nismës Socialdemokrate, Fatmir Limaj, mban nesër (e shtune) takim me strukturat drejtuese të degëve të Nismës në Malishevë, Suharekë dhe Rahovec. (Restaurant Bimi 3 në Malishevë, ora 15:00)

- Kuratori i ekspozitës, fotografi francez Loïc Chauvin, specialist i fotografisë shqiptare, do të organizojë një masterclass rreth historisë së fotografisë shqiptare për studentët dhe fotografët. (Kino Armata, ora 16:00)

- Në edicionin e Festivalit Ballkanik të pjekjes dhe promovimit të rakisë, 'Rakia Fest', mbahet tribunë shkencore 'Rakia si mundësi e rritjes se mireqenjes se ekonomive familjare në viset e pasura me pemë. Investimet në funksion të joshjes së popu tës rurale për prodhimin artizanal të rakisë'. (Etnokompleksit të fshatit Kukaj, ora 12:00)