04 Korrik 2022

Ministri Peci vizitoi prodhuesit bujqësor në fshatin Polac

Prishtinë, 17 maj - Ministri i Bujqësisë, Pylltarisë dhe Zhvillimit Rural, Faton Peci u ka bërë vizitë sot prodhuesve bujqësor në fshatin Polac të Skenderajt, ku ka parë për së afërmi kushtet në të cilat punojnë këta fermerë dhe është njoftuar edhe me sfidat me të cilat përballen ata në zhvillimin e veprimtarive bujqësore.

Me këtë rast, Ministri Peci vizitoi sipërfaqet e mbjella me kulturën e grurit dhe të misrit, si dhe fermën blegtorale tek fermeri Selim Gucati në këtë fshat dhe konfirmoi edhe njëherë mbështetjen për prodhuesit bujqësor në të gjithë vendin, duke theksuar se do të vazhdoj të jetë pranë tyre për të parë ecurinë e veprimtarive të tyre.

“Aktivitetet bujqësore e blegtorale të fermerëve punëtor siç është Selimi do ta kenë mbështetjen e vazhdueshme të Ministrisë së Bujqësisë, si përmes subvencioneve ashtu edhe përmes granteve investive”, ka thënë Ministri Peci.

Gjatë kësaj vizite, ai është njoftuar nga fermerët e këtij rajoni se aplikimin në kuadër të Programit të Pagesave Direkte/Subvencioneve e kanë pasur më të lehtë, falë procedurave që kanë përfshirë në kuadër të këtij programi.

Ndryshe, fermeri Selim Gucati kultivon 3 hektarë me grurë, 3 me misër, si dhe mbarështon 500 pata, ku prej tyre shfrytëzon përpos mishit edhe vezët dhe dhjamin.

Për këtë arsye ai mban edhe disa koshere bletë dhe përpunon dhjamin e patave me mjaltë, si një ilaç popullor për mushkëritë. Për këtë arsye ai mban edhe disa koshere bletë dhe përpunon dhjamin e patave me mjaltë.

 

Kalendari

Ngjarjet e datës 4 korrik 2022

- Zëvendëskryeministri i Parë për Integrim Evropian, Zhvillim dhe Dialog, Besnik Bislimi pret në takim delegacione nga shtetet e Finlandës dhe Irlandës, të kryesuara nga ministrja e Finlandës për Çështje Evropiane dhe Drejtimin e Pronësisë, znj.Tytti Tuppurainen dhe ministri i Shtetit për Çështjet Evropiane të Irlandës, Thomas Byrne. (Ndërtesa e Qeverisë, ora 8:45)

 - Për nderë të 4 korrik 246 vjetori i Pavarsisë së SHBA zjarrfikësat e Prishtinës e pastrojnë platonë tek shtatorja e Presidentit Bill Clinton. (Sheshi Bill Clinton në Prishtinë, ora 9:00)

- Kryeministri i Republikës së Kosovës, Albin Kurti, pret në takim delegacione nga shtetet e Finlandës dhe Irlandës, të kryesuara nga ministrja e Finlandës për Çështje Evropiane dhe Drejtimin e Pronësisë, znj.Tytti Tuppurainen dhe ministri i Shtetit për Çështjet Evropiane të Irlandës, Thomas Byrne. (Ndërtesa e Qeverisë, ora 9:55

- Kryetarja e Dhomave të Specializuara Ekaterina Trendafilova do të mbajë takim me përfaqësues të shoqërisë civile në Gjilan, ku do të ndajë informacion rreth mandatit, punës dhe zhvillimeve aktuale në Dhomat e Specializuara të Kosovës si dhe do t’u përgjigjet pyetjeve të tyre. (Hotel  Astoria në Gjilan, ora 10:00)

- Shoqata 'Miqtë e Amerikës' e mbështetur nga FSK, Zjarrfikësat dhe Policia e Kosovës organzon aktivitetin e radhës tashmë tradicional për nderë të 4 korrik 246 vjetori i Pavarsisë së SHBA. (Të shtatorja e Presidentit Bill Clinton, ora 11:00)

- Mbahet mbledhja e Qeverisë së Kosovës. (Ndërtesa e Qeverisë, ora 13:00‪)
   
- UBT oganizon festivalin ndërkombëtar të dijes “Global UBT Fest 2022”, përmes së cilit në Kosovë po sjell profesionistë dhe ekspertë vendorë dhe ndërkombëtarë, duke organizuar samite, forume, gara, ligjërata tematike, vizita studimore, e ngjarje të ndryshme interesante për studentët dhe palët e tjera. (Parku Shkencor Inovativ të UBT-së në Lipjan, ora 18:00)