09 Mars 2021

Ministri Mustafa zotohet ta forcojë më shumë përkrahjen ndaj fermerëve

Prishtinë, 28 tetor - Ministri i Bujqësisë, Pylltarisë dhe Zhvillimit Rural, Besian Mustafa zhvilloi vizitë pune në Mramor, ku takoi fermerët e kësaj ane.

Ministri Mustafa bashkëbisedoi me blegtorët, fermerët dhe bletarët e Mramorit, nga të cilët u informua për veprimtarinë e tyre bujqësore. Kërkesat e fermerëve ishin kryesisht rreth ballafaqimit me sfidat e shkaktuara nga pandemia Covid-19, e cila sipas tyre i ka ndikuar së fundi.

Nga ana tjetër, ministri Mustafa njoftoi fermerët se Ministria e Bujqësisë, Pylltarisë dhe Zhvillimit Rural ka filluar me pjesën e parë të pagesës së subvencioneve. Ministri i MBPZhR-së theksoi se, Ministria e Bujqësisë ka punuar pa pushim që t’i eliminojë ndikimet e padrejta në aplikimet për grante dhe subvencione, për të siguruar një fushë të barabartë të lojës, që secili fermer të jetë i barabartë.

Ndërsa, sa i përket pagesës së subvencioneve, Ministri Mustafa tha se ajo është kundërpërgjigja më e mirë e Qeverisë që ka për qëllim lehtësimin e ballafaqimit të fermerëve me situatën e krijuar nga Covid-19.

Ministri Mustafa u zotua se në kuadër të mundësive, do të vazhdojë ta forcojë edhe më shumë përkrahjen e deritanishme ndaj fermerëve, si atyre të Mramorit edhe të gjithë Kosovës.

Fermerët falënderuan ministrin Musatafa, vizitën e të cilit e cilësuan si shtysë dhe përkrahje për punën e tyre.

Kalendari

Ngjarjet e datës 9 Mars 2021 - Institucioni i Avokatit të Popullit organizon një tryezë diskutimi në lidhje me publikimin e dy raporteve me rekomandime në të cilën do të merr pjesë edhe Presidentja Vjosa Osmani. (Hotel International Prishtina në Veternik, ora 9:30)

- Oda e Mjekëve ndan mirënjohje përkujtimore për mjekët që janë ndarë nga jeta gjatë vitit 2020 dhe  institucionet shëndetësore mbështetëse të rajonit të Prishtinës, për kontributin e dhënë në luftën kundër pandemisë. (Qendra e Telemjekësisë në QKUK, ora 10:00)

- Programi për Drejtësi Komerciale në bashkëpunim me Innovation Centre Kosovo, organizojnë diskutim rreth ngritjes të vetëdijes për bizneset fillestare të sapo themeluara dhe sipërmarrësit e rinj me fokus në drejtësinë komerciale, pjesa e sistemit të drejtësisë që siguron çasjen e bizneseve në drejtësi. (Innovation Centre Kosovo -https://www.facebook.com/ickosovo, ora 10:00)

- Mbahet ceremonia e zbarkimit të kontingjentit të Forcës së Sigurisë të Kosovës në misionin e parë paqësorë jashtë vendit në të cilën do të merr pjesë Presidentja Vjosa Osmani dhe Kryeministri në detyrë, Avdullah Hoti. (Salla e sporteve në kazermën ''Adem Jashari'', ora 10:45)   

- Partia Liberale Egjiptiane dorëzon ankesë në Gjykatën Supreme për anulimin edhe të pesë vendvotimeve tjera. (Gjykata Supreme e Kosovës, ora 11:00)