07 Prill 2020

Ministri Mustafa premton fuqizimin dhe avancimin e sektorit të bujqësisë

Prishtinë, 25 shkurt - Ministri i Bujqësisë, Pylltarisë dhe Zhvillimit Rural, Besian Mustafa ka pritur sot në takim drejtoreshën menaxhuese të Odës Ekonomike Gjermano - Kosovare, Nora Hasani bashkë me Arten Bajrushin, anëtar i bordit të kësaj ode dhe përfaqësues i kompanisë “Sharrcem”, me të cilët ka biseduar për bashkëpunimin në fushën e bujqësisë, si dhe për zhvillimet e përgjithshme në këtë fushë.

Ministri i njoftoi ata me politikat bujqësore të ministrisë për këtë mandat, me c’rast theksoi se në fokus do të jetë fuqizimi dhe avancimi i mëtejmë i sektorit të bujqësisë, duke përfshirë këtu mbështetjen edhe për agrobizneset vendore.

Ai shprehu gatishmërinë për bashkëpunim të mëtutjeshëm me Odën Ekonomike Gjermano – Kosovare, me qëllim të rritjes së shkëmbimeve tregtare mes dy vendeve.

Nga ana e saj, drejtoresha e OEGJK-së, Nora Hasani, e njoftoi ministrin me bashkëpunimin që kanë me organizatat ekonomike në Kosovë, si dhe bizneset e ndryshme dhe njëkohësisht shprehi gatishmërinë e saj që bashkëpunimi të thellohet në nisma konkrete.
 

Kalendari

Ngjarjet e datës 7 Prill 2020

- Kryetari i Komunës së Gjilanit, Lutfi Haziri pret kryeministrin në detyrë, Albin Kurti. (Qendra Operative Emergjente tek kampusi i shkollave të mesme, ora 9:00)

- Kryetari i Partisë Demokratike të Kosovës, Kadri Veseli viziton Qendrën Kryesore të Mjekësisë Familjare në komunën e Ferizajt. (Ferizaj, ora 11:00)

- Kryetari i Partisë Demokratike të Kosovës, Kadri Veseli takohet me një grup biznesmenësh nga Ferizaj. (Ndërtesa e re e Komunës se Ferizajt, ora 12:00)

- Sindikata e Pavaur e Sektorit Privat të Kosovës mban takimi me ministrin e financave Besnik Bislimi. (Ndërtesa e Ministrisë së Financave, ora 13:30)

- Partia Demokratike e Kosovës, mban konferencë për media. (Selia e PDK-së, ora 16:00)

 

- Kryeministri në detyrë Albin Kurti, bashkë me Ministren në detyrë të MEPTINIS, znj. Rozeta Hajdari, do të mbajnë konferencë për medie. (Oborri i Qeverisë, ora 17:00)