12 Gusht 2022

MBPZHR ndan 2.42 milionë euro investime në projektet e ujitjes

Prishtinë, 28 qershor - Ministri i Bujqësisë, Pylltarisë dhe Zhvillimit Rural, Faton Peci nënshkroi marrëveshje bashkëpunimi me shtatë komuna të Republikës së Kosovës për invenstime në sistemet e ujitjes.

Komuna e Mitrovicës, Komuna e Istogut, Komuna e Shtimes, Komuna e Klinës, Komuna e Kamenicës, Komuna e Junikut dhe Komuna e Deçanit janë përituese nga buxheti prej 2.42 milionë euro i destinuar për investime në sistemin e ujitjes.

Ministri Peci në takim me kryetarët e këtyre komunave të cilët edhe nënshkruan marrëveshjet, tha se synimi i tij si Ministër i MBPZhR-së është që të avancoj sistemin e ujitjes në vend, pasi përmes rregullimit të këtij sistemi ndikohet në funksionimin dhe zhvillimin e sektorit të bujqësisë.  

Gjithashtu, me kryetarët e komunave respektive u nënshkrua edhe Memorandum Bashkëpunimi me qëllim të sigurimit të mbarëvajtjes së implementimit të projekteve konkrete.

Vlen të theksojmë se, pas shkresës e cila i është drejtuar të gjitha komunave dhe Drejtorive respektive për Bujqësi të vendit në fund të muajit prill dhe në fillim të majit, në adresë të Ministrisë së Bujqësisë, Pylltarisë dhe Zhvillimit Rural kanë arritur 15 projekte të sistemeve të ujitjes nga 15 komuna të Rep. së Kosovës.

Pas përfundimit të afatit për përcjelljen e projekteve potenciale për ndërtimin, zgjerimin apo rehabilitimin e sistemeve të ujitjes në komunat e Kosovës, është formuar komisioni i cili ka patur për detyrë ta bëjë vlerësimin dhe përzgjedhjen e projekteve, ndërsa nga 15 projektet e pranuara, 8 prej tyre i kanë plotësuar kriteret e kërkuara përmes shkresës zyrtare të datës 29.04.2022 drejtuar komunave dhe drejtorive përkatëse të Bujqësisë.



Kalendari

Ngjarjet e datës 12 gusht 2022

 - Kryeministri i Republikës së Kosovës, Albin Kurti, bashkë me ministrin e Financave, Punës dhe Transfereve, Hekuran Murati, vizitojnë Doganën e Kosovës. (Drejtoria e Doganës, ora 8:30)

- Kuvendi nëpërmjet Grupit të Deputetëve të Rinj shënon Ditën Ndërkombëtare të Rinisë. (Salla plenare, ora 10:00)

- Komuna e Rahovecit organizon takimet B2B në kuadër të aktiviteteve të Muajit të Mërgimtarëve. (Restaurant Ura e Shenjtë, ora 10:00)

- Nisma e të Rinjve për të Drejtat e Njeriut – Kosovë ((YIHR KS) shënon Ditën Ndërkombëtare të Rinisë me një aksion rrugor me slloganin “Kur bohet mirë?!” (Sheshi “Nënë Tereza”, ora 12:00)

- Avokati i familjes Dehari, Tomë Gashi, mban konferencë për medie në lidhje me rastin e vdekjes së aktivistit të VV-së, Astrit Dehari. (Zyrat e Tomë Gashit, mbi Kino ABC, ora 12:00)

- Kryeministri i Republikës së Kosovës, Albin Kurti, bashkë me ministrin e Financave, Punës dhe Transfereve, Hekuran Murati, vizitojnë kompaninë “Rroni Fer” Sh.P.K. (Magjistralja Gjakovë-Prizren_kilometri i dytë, Objekti i ish-ndërmarrjes “Metaliku”, Gjakovë, ora 14:30)

- Qendra për Këshillim, Shërbime Sociale dhe Hulumtime organizon Festivalin e Rinisë për nder të Ditës së Rinisë. (Lagjja Taukbashqe, ora 18:00)

- Mbahet edicioni i parë i festivalit “MAL FEST”, i cili synon të jetë tradicional dhe objektiv e ka rininë dhe mërgatën e Komunës së Malishevës. Festivali organizohet nga Komuna e Malishevës në bashkëpunim me  organizatën “Values for Better Future”.(parku i qytetit në Malishevë, ora 19:00)

- Në kuadër të Akademisë Verore ‘’Arbën Xhaferi"  mbahet panel diskutimi me deputetët e rinjë të Kuvendit të Kosovës lidhur me rolin dhe rëndesin e të rinjëve në politikë. (Akademia për Siguri Publike të Kosovës, ora 19:30)