27 Nëntor 2020

MBPZHR me Strategji të Hortikulturës

Prishtinë, 11 shkurt - Me qëllim të avancimit të rezultateve në sferën e perimkulturës, Ministria e Bujqësisë, Pylltarisë dhe Zhvillimit Rural (MBPZHR) ka hartuar  Strategjinë e Hortikulturës, që ka një rëndësi shumë të madhe për zhvillimin e këtij sektori  bujqësor.  

Dihet se Kosova importon shumë pemë, sidomos mollë dhe dardha dhe dihet se prodhimi i  pemëve është shumë fitimprurës, nëse përdoret teknologji bashkëkohore. Kosova ka potencial të mirë për rritjen e prodhimit të mollëve.

Me këtë Strategji është paraparë që deri më 2013 mund të mbillen 560 ha me mollë. Nëse zbatohet ky trend i rritjes së prodhimtarisë së mollëve, në vitin 2018 parashihet që Kosova, jo vetëm se do të ketë prodhime me bollëk për nevojat e veta, por do të eksportojë  mbi 1.5 milionë kg. mollë në shtetet e ndryshme të rajonit, por edhe më larg.

Po ashtu, mbi bazën e kësaj strategji parashihet të shtohen  sipërfaqet me dardha, vishnje dhe pemë të imëta; si boronicat, manaferrat dhe mjedrat . Me strategji parashihet  të bëhet sigurimi i   fidanëve cilësorë me çmime të arsyeshme, ku do të aplikohej edhe një skemë me pjesëmarrje 1:1 për fidanishtet që funksionojnë me standardet e kërkuara .

Strategjia parasheh hartimin e legjislacionit përkatës dhe zhvillimin e fushatës për çrrënjosjen e djegies bakteriale, sigurimin e përkrahjes financiare (prej 30% investim në të gatshme) për pemishtet e posa hapura dhe për depot ftohëse, sigurimin e këshillave dhe trajnimit rreth çështjeve kritike, siç janë ngritja e pemishteve, krasitja/rrallimi dhe plehërimi.

Kjo Strategji parasheh që gjatë pesë viteve të ardhshme duhet investuar 37 milionë €, kështu që subvencioni prej 30% për investime arrin shumën prej 11 milionë ose 2,2 milionë € në vit.

Këto investime do të gjenerojnë 12 milion € të ardhura shtesë në vit dhe rreth gjysmë milioni ditë pune. Nëse supozohet që një njeri punon 200 ditë/vit, kjo është e barabartë me rreth 2.500 vende pune me orar të plotë ose 5.000 vende pune me gjysmë orari.

Strategjia e tanishme ndërtohet mbi strategjitë e mëhershme të Ministrisë së Bujqësisë, Pylltarisë dhe Zhvillimit Rural (MBPZHR).

Kalendari

Ngjarjet e datës 27 Nëntor 2020

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton shkresën nga Malcolm Simmons, ish kryetar i Asamblese së Gjyqtarëve të EULEX-it, përfaqësuar sipas autorizimit nga dr. Artan Qerkini, avokat. (Ndertesa e Kuvendit, salla N302, ora 9:30)

- Kuvendi i Republikës së Kosovës vazhdon seancën plenare. (Ndërtesa e Kuvendit, ora 10:00)

- Instituti për Politika Zhvillimore mban konferencë për media me temë “Promovimi i efiçiencës së energjisë dhe burimeve të ripërtëritshme në Kosovë”. (Hotel Sirius, ora 10:00)

- Ministri i Infrastrukturës, Arban Abrashi, merr pjesë në nisjen e asfaltimit të zgjerimit të llotit të 4 të rrugës Podujevë - Prishtinë, gjegjësisht në fshatin Llugë. (Rruga Podujevë - Prishtinë, fshati Llugë, ora 11:00)

- Kryeministri Avdullah Hoti merr pjesë në shënimin e Ditës së Forcës së Sigurisë së Kosovës. (Kazerma Adem Jashari në Prishtinë, ora 12:00)

- Ministria e Mbrojtjes organizon ceremoninë e shënimit të Ditës së Forcës. (Ambientet e kazermës “Adem Jashari” në Prishtinë, ora 12:00)

- Aleanca Kosovare e Bizneseve  Kryeministri Avdullah Hoti do e përcjellin realizimin e eksportit të produkteve kosovare në Serbi e që lidhet me marrveshëjen në Shtëpinë e Bardhë në Washington për bashkëpunim ekonomik Kosovë - Serbi e cila pason me një marrëveshje mes dy operatorëve ekonomik. (Objekti i Agrokosova Holiding në zona industriale - Shirokë, Suharekë, ora 14:00)

- Kryeministri Avdullah Hoti në kuadër të Javës së Biznesit Kosovar 2020, viziton Verarinë ‘’Agro Kosova Holding ’’ në Suharekë. (Veraria ‘’Agro Kosova Holding ’’, Suharekë, ora 14:00)

 

- Partia Demokratike e Kosovës, Dega në Podujevë, bën sot përmbylljen e fushatës zgjedhore përmes një konference për media. (Restorant “Artela”, ora 14:00)