24 Shkurt 2021

MBPZhR-ja do të vazhdojë mbështetjen e vreshtarisë dhe verëtarisë

Prishtinë, 16 qershor - Ministri i Bujqësisë, Pylltarisë dhe Zhvillimit Rural, Besian Mustafa sot gjatë ditës ka takuar drejtuesit e Shoqatës së Prodhuesve të Verërave në Kosovë "Enologjia", ku kanë diskutuar për zhvillimet e përgjithshme në sektorin e vreshtarisë dhe verëtarisë.

Gjatë këtij takimi, Ministri Mustafa ka diskutuar për bashkërendimin e politikave, projektet dhe aktivitetet që janë të lidhura ngushtë me fushën e vreshtarisë dhe verëtarisë.

Gjithashtu, ministri ka theksuar se MBPZhR-ja do të vazhdojë mbështetjen në këtë sektor, e sidomos në promovimin e verës dhe në rritjen e cilësisë së saj.

Në anën tjetër, Kryetari i Shoqatës, Ruzhdi Haxhijaha ka falënderuar ministrin Mustafa për bashkëpunimin dhe mbështetjen e tij, si dhe ka prezantuar disa nga zhvillimet dhe prioritetet e shoqatës.

Kalendari

Ngjarjet e datës 24 Shkurt 2021

- Mbahet ceremonia e shpërndarjes së çertifikatave të auditorëve të energjisë. (Ministria e Ekonomisë dhe Ambientit, ora 10:00)

- Agjencia e Kosovës për Akreditim dhe Projekti për Arsim të Lartë, Hulumtim dhe Shkencat e Aplikuara Plus bën prezentimin e Manualit për Ekspert të mbështetur nga HERAS Plus. (Hotel Sirius, ora 10:00)

- Mbahet seanca për shqyrtimin e ankeses per rritjen e denimit për rastin e vrasjes së Kujtim Veselit. (Gjykata e Apelit, ora 10:15)

- Pasi që në SHBA u shënua një moment historik i zymtë dhe i matur, ku u përkujtuan më shumë se 500.000 vdekje nga COVID-19 në këtë shtet, shoqata "Miqtë e Amerikës", me qëllim të solidarizimit me popullin e institucionet amerikane  do ta ulë në gjysëm shtizë flamurin amerikan dhe do të ndez qirinjë në nderim të të vdekurve. (Tek shtatorja e Presidentit Bill Clinton në Prishtinë, ora 11:00)

- Mbahet konferenca e radhës për ecurinë e çështjes së rastit ndaj krerëve të veteranëve të luftës së UÇK-së Hysni Gucati dhe Nasim Haradinaj. (Gjykata Speciale në Hagë,ora  11:00)

 

- Ministri në detyrë të Bujqësisë, Pylltarisë dhe Zhvillimit Rural, Besian Mustafa mban konferencë për shtyp. (Ambientet e Ministrisë së Bujqësisë, ora 15:30)