21 Mars 2019

Mbi 500 vullnetarë bëhen bashkë për ta pastruar Vushtrrinë

Vushtrri, 31 tetor - Mbi katër mijë thasë me mbeturina dhe rreth 50 kamionë me mbetje inerte janë larguar nga pesë deponi ilegale të mbeturinave në Vushtrri, ku u zhvillua sot një aksion i madh pastrimi, të cilit iu bashkuan mbi 500 vullnetarë.

Aksioni i sotëm u realizua në kuadër të Fushatës “Ta Pastrojmë Kosovën”, ndërsa filloi në orën 11:00 nga Varrezat e Qytetit, për të vazhduar pastaj edhe në lokacionet tjera.

Drejtori Ekzekutiv i Let’s Do It, Luan Hasanaj ka thënë se është kënaqësi të jesh pjesë e një organizimi të tillë, ku janë bërë bashkë të gjithë për të përçuar një mesazh se Kosova po pastrohet dhe se për këtë po angazhohen akterë të ndryshëm.

“Është ndjenjë e mirë të shohim se si janë bashkuar niveli qendror, lokal dhe kompani që vullnetarisht janë angazhuar për eliminimin e këtyre deponive.  Kjo na bën të kuptojmë se ne po ndahemi nga bërlloku. Zotohemi se do të vazhdojmë me këtë dinamikë derisa të arrijmë ta kemi Kosovën e pastër”, ka thënë Hasanaj.

Ndërsa, Ministri i Ministrisë së Mjedisit dhe Planifikimit Hapësinor, Fatmir Matoshi tha se qytetarët tashmë e kanë ndarë mendjen që të jetojnë pa mbeturina, teksa u zotua se Ministria që ai udhëheq do të vazhdojë investimet nëpër komuna për menaxhimin e mbeturinave.

“I falendëroj të gjithë për organizimin e sotëm. Sot patëm vullnetarë edhe klubet e gjelbëra të shkollave, dhe kjo përveç pastrimit, ndikon edhe në vetëdijësimin e qytetarëve që të jetojnë në një ambient pa mbeturina. I kemi përcjellur vazhdimisht të gjitha aktivitetet që janë organizuar në Komunë e Vushtrrisë në kuadër të Fushatës “Ta Pastrojmë Kosovën”, dhe jemi të lumtur që tashmë qytetarët e kanë ndarë mendjen që të jetojnë në ambiente pa mbeturina. Ne zotohemi se do të investojmë sërish në menaxhimin e mbeturinave për çka do të ndajmë grante për komunat”, ka thënë Matoshi.

Aksionit iu bashkua edhe kryetari i Komunës së Vushtrrisë, Xhafer Tahiri, i cili premtoi shpërndarjen e kontejnerëve për ekonomitë familjare në këtë komunë.

“Ne kemi bërë reforma sa i përket menaxjhimit të mbeturinave. Këtë vit për herë të parë shërbimi i ndërmarrjeve shkon në çdo shtëpi. Në shkolla bëhet ndarja e mbeturinave dhe sot prapë jemi bashkë këtu për t’i dhënë një shtytje edhe më të madhe vetëdijësimit për mbrojtje të ambientit. Shumë shpejt do të shpërndajmë edhe 4500 kontejner për ekonomi familjare në Vushtrri. Me këto aktivitete, duke pastruar deponitë më të madhe, ne kemi bërë një sërë aktivitesh që ndikojnë në përmirësimin e gjendjes. Do të punojmë bashkë që të arrijmë rezultat”, ka thënë Tahiri.

Aksionit të sotëm iu bashkuan edhe udhëheqës komunal të kësaj komune, klube të gjelbëra të të gjitha shkollave si dhe Kryqi i Kuq.

Aksioni i sotëm në Vushtrri u ndihmua nga kompanitë “Wenda” dhe KRM “Uniteti”.

Let’s Do It ju njofton se në kuadër të fushatës “Ta Pastrojmë Kosovën” do të vazhdojnë aksionet e pastrimit dhe aktivitetet tjera në të gjitha komunat e Kosovës deri më 15 dhjetor.

 

Kalendari

Ngjarjet e datës 21 mars 2019  
- Ministri i Punëve të Jashtme i Republikës së Kosovës, Behgjet Pacolli, do të jetë nikoqir i homologut të tij nga Mali i Zi, Srdjan Darmanoviq. (Ambientet e Ministrisë së Punëve të Jashtme, ora 8:50)

- Përurohem hapësirat e reja të Shoqatës Down Syndrome Kosova qendra në Prishtinë. (Qyteza Pejton Lokalet e NPB-së, ora 9:00)

- Institucioni i Avokatit të Popullit organizon tryezën me temë"Përgjegjësia juridike e shtetit për shkeljet e të drejtave të njeriut". (Institucioni i Avokatit të Popullit, ora 9:30)

- Instituti Demokraci për Zhvillim  organizon diskutim me rastin e publikimit të dokumentit të politikave “Matja dhe vlerësimi i politikave të riintegrimit”, (Hotel Sirius, ora 9:45)

- Ministri i Mjedisit dhe Planifikimit Hapësinor, Fatmir Matoshi do të takohet me kryetarin e Komunës së Prishtinës, Shpend Ahmeti ku do të diskutojë për hartat zonale, krijimin e zonave të gjelbra, veturat elektrike, policia mjedisore si dhe tema të tjera mes dy institucioneve. (Kabineti i Ministrit Matoshi, ora 10:00)

- Mbahet konferenca e përbashkët për media e Ministrit të Jashtëm, Behgjet Pacolli, dhe ministrit të jashtëm të Malit të Zi, Srdjan Darmanoviq. (Ambientet e Ministrisë së Punëve të Jashtme, ora 10:00)

Shoqata Down Syndrome Kosova organizon konferencen “Aftësia e Kufizuar Intelektuale në Kosovë”. (Hotel Sirius, ora 10:30)

- Qendra Mediale në Çagllavicë organizon debatin publik me temë "Platforma e Kosovës për dialog - realiteti apo fundi i dialogut?". (Qendra Mediale në Çagllavicë, ora 10:30)

- SHL-Kosova themelon Rjetin e Qendrave Rinore të Kosovës ku edhe mban Kuvendin për zgjedhjen e Bordeve të këtij Rjeti. (Zyra e KDI-së, ora 11:00)

- Lëvizja Vetëvendosje mban konferencë për media në të cilën flasin deputetët Glauk Konjufca dhe Arbërie Nagavci. (Holli i Kuvendit, ora 12:00)

- Ministri Mjedisit dhe Planifikimit Hapësinor, Fatmir Matoshi, do të vizitoi Termocentralin Kosova B lidhur me prezantimin e fillimit të investimeve madhore mjedisore në Termocentralin Kosova B, nga ana e menaxhmentit të KEK-ut. (Termocentrali Kosova B në Obiliq, ora 13:00)

- Partia Socialdemokrate mbanë koferencë për media. (Selia Qendrore e PSD-së, në lagjen Arbëria.  ora 14:00)