27 Nëntor 2020

Mbështetet Strategjia për Zhvillimin e Pylltarisë

Prishtinë, 2 mars - Në takimin që u mbajt sot në  selinë e MBPZHR, e ku ishin të ftuar përfaqësuesit e  Ambasadave   në Prishtinë, si Svere Johan Kvale – Ambasador i Norvegjisë në Kosovë, Tarja Fernandez – Charge a’Affaries “ u.d. Shefe e Zyrës,  Ambasada e Finlandës ; Kaisa Rouvinen – shefe e Çështjeve Zhvillimore nga Ambasada e Finlandës, Anders Ohrstrom – drejtor i SIDA-s  në Kosovë, Iva Stamenova nga Komisoni Evropian dhe Nedzad Ajanovic – FAO Budapest etj., u debatua rreth  Strategjisë për Zhvillimin e Pylltarisë në Kosovë (2010-2020).
Strategjia është hartuar nga Ministria e Bujqësisë, Pylltarisë dhe Zhvillimit Rural dhe në të është bërë përcaktimi i politikave  dhe strategjive që do të qeverisin zhvillimin e ardhshëm të sektorit pyjor në Kosovë.

 

Në vërejtjet hyrëse që i dha Idriz Vehapi, Ministër në MBPZHR, ndër të tjera u tha se  ky dokument strategjik tashmë është miratuar nga Qeveria e Republikës së Kosovës  dhe do të jetë udhërrëfyes për të gjitha vendimet e mëdha që  janë të lidhura me zhvillimin e Sektorit Pyjor në 10 vitet e ardhshme. 


Synim i kësaj strategjie është ngritja e kontributit të sektorit të pylltarisë në ekonominë kombëtare, përmes shfrytëzimit të qëndrueshëm të resurseve pyjore, duke e marrë parasysh rolin shumëfunksional të pyjeve. Hartimi i Strategjisë për Zhvillimin e Pylltarisë në Kosovë 2010 – 2020 është bërë nga një grup punues ndërministor i cili është mbështetur dhe financuar nga SIDA dhe është zbatuar nga FAO.


Ministri Vehapi ka falënderuar të gjithë aktorët që kanë kontribuar në hartimin e strategjisë dhe ka shtuar tutje se Strategjia është konsistente me legjislacionin ekzistues për pyjet dhe është kompatibile me dokumente tjera vendore dhe ndërkombëtare që kanë ndikim në zhvillimin e sektorit pyjor. Në këtë aspekt me rëndësi të veçantë janë Plani për Zhvillimin Rural dhe Bujqësor i Kosovës 2009 - 2013 dhe strategjitë e BE-së së bashku me Planet e tyre të Veprimit për zhvillimin e sektorit pyjor. 


Strategjia rekomandon që të krijohet Bordi Menaxhues në kuadër të Zyrës së Kryeministrit i cili do të ketë përgjegjësi për mbikëqyrjen e zbatimit të saj.  Me këtë rast bëjmë me dije se Kuvendi i Kosovës me datën 25 shkurt 2010 ka miratuar amandamentimin e ligjit aktual për pyje në të cilin është dhënë mundësia për fillimin e procesit të decentralizimit të pyjeve. MBPZHR beson se Qeveria e Kosovës së bashku me donatorët, të cilët kanë shpreh interesim për të ndihmuar sektorin pyjor, do të sigurojnë  mjete për arritjen e objektivave të strategjisë për zhvillimin e qëndrueshëm të këtij sektori, zhvillim i cili është i nevojshëm për shoqërinë, mjedisin dhe shtetin e Kosovës, ka thënë në fund z. Idriz Vehapi, ministër  i Mnistrisë së Bujqësisë, Pylltarisë dhe Zhvillimit Rural. 


Duke u angazhuar në diskutim, ambasadori i Norvegjisë z. Svere Johan Kvale,  pasi  ka potencuar nevojën se duhet të shënohen të arritura në fushën e pylltarisë në harmoni me Strategjinë  e saj  për periudhën 2010-2020 , ai ka ritheksuar kërkesën që MBPZHR të mbështetet akoma më shumë nga të gjithë faktorët relevantë, në mënyrë që të ndikojë drejtpërdrejtë në rritjen e donacioneve edhe në periudhën vijuese.
 

Kalendari

Ngjarjet e datës 27 Nëntor 2020

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton shkresën nga Malcolm Simmons, ish kryetar i Asamblese së Gjyqtarëve të EULEX-it, përfaqësuar sipas autorizimit nga dr. Artan Qerkini, avokat. (Ndertesa e Kuvendit, salla N302, ora 9:30)

- Kuvendi i Republikës së Kosovës vazhdon seancën plenare. (Ndërtesa e Kuvendit, ora 10:00)

- Instituti për Politika Zhvillimore mban konferencë për media me temë “Promovimi i efiçiencës së energjisë dhe burimeve të ripërtëritshme në Kosovë”. (Hotel Sirius, ora 10:00)

- Ministri i Infrastrukturës, Arban Abrashi, merr pjesë në nisjen e asfaltimit të zgjerimit të llotit të 4 të rrugës Podujevë - Prishtinë, gjegjësisht në fshatin Llugë. (Rruga Podujevë - Prishtinë, fshati Llugë, ora 11:00)

- Kryeministri Avdullah Hoti merr pjesë në shënimin e Ditës së Forcës së Sigurisë së Kosovës. (Kazerma Adem Jashari në Prishtinë, ora 12:00)

- Ministria e Mbrojtjes organizon ceremoninë e shënimit të Ditës së Forcës. (Ambientet e kazermës “Adem Jashari” në Prishtinë, ora 12:00)

- Aleanca Kosovare e Bizneseve  Kryeministri Avdullah Hoti do e përcjellin realizimin e eksportit të produkteve kosovare në Serbi e që lidhet me marrveshëjen në Shtëpinë e Bardhë në Washington për bashkëpunim ekonomik Kosovë - Serbi e cila pason me një marrëveshje mes dy operatorëve ekonomik. (Objekti i Agrokosova Holiding në zona industriale - Shirokë, Suharekë, ora 14:00)

- Kryeministri Avdullah Hoti në kuadër të Javës së Biznesit Kosovar 2020, viziton Verarinë ‘’Agro Kosova Holding ’’ në Suharekë. (Veraria ‘’Agro Kosova Holding ’’, Suharekë, ora 14:00)

 

- Partia Demokratike e Kosovës, Dega në Podujevë, bën sot përmbylljen e fushatës zgjedhore përmes një konference për media. (Restorant “Artela”, ora 14:00)