09 Mars 2021

Let’s Do It fillon pastrimin e deponive ilegale në Rugovë

Prishtinë, 25 tetor - Mbi 50 thasë me mbeturina u larguan nga deponia në rrugën në drejtim të Ishtedimit, Rugovë.

Kjo ishte e gjithë ajo që mund të bënin vullnetarët, pasiqë terreni ishte jo i përshtatshëm për të eleminuar deponinë në tërësi dhe mund të paraqiste rrezik për shëndetin e tyre.

Megjithatë Let’s Do It ka marrë përsipër eliminimin e plotë të kësaj deponie, që do të bëhet me eskavator gjatë ditëve në vijim, sepse kushtet atmosferik e bëjnë të pamundur që një gjë e tillë të ndodhë sot.

Kosova ka bukuri natyrore të jashtëzakonshme të cilat po degradohen çdo ditë e më tepër nga qytetarë të papërgjegjëm dhe fatkeqësia tjetër më e madhe është se këto hapësira po lihen anash nga ana e institucioneve të cilat e kanë obligim t’i mbrojnë ato.

Sipas banorëve të kësaj zone një pjesë e madhe e fshatrave të Rugovës nuk është e mbuluar fare nga Kompania e Pastrimit të mbeturinave, fakt ky që po e bënë fare të lehtë krijimin e deponive ilegale të mbeturinave që fatkeqësiht janë të shumta në këtë zone.

Komuna e Pejës duhet urgjentisht të merr masa për zgjidhjen e kësaj problematike, pavarësisht kësaj Let’s Do It u bënë thirrje edhe banorëve të kësaj zone si dhe vizitorëve që të jenë më të kujdesshëm dhe t’i trajtojnë shumë më miqësisht këto hapësira.

Let’s Do It do të vazhdojë edhe më tutje që si pjesë përbërëse të fushatës së saj ta ketë eliminimin e sa më shumë deponive ilegale gjithandej bjeshkëve të Kosovës, adresimin e problemeve të tilla te institucionet përgjegjëse dhe ngritjen e vetëdijes qytetare.

Kalendari

Ngjarjet e datës 9 Mars 2021 - Institucioni i Avokatit të Popullit organizon një tryezë diskutimi në lidhje me publikimin e dy raporteve me rekomandime në të cilën do të merr pjesë edhe Presidentja Vjosa Osmani. (Hotel International Prishtina në Veternik, ora 9:30)

- Oda e Mjekëve ndan mirënjohje përkujtimore për mjekët që janë ndarë nga jeta gjatë vitit 2020 dhe  institucionet shëndetësore mbështetëse të rajonit të Prishtinës, për kontributin e dhënë në luftën kundër pandemisë. (Qendra e Telemjekësisë në QKUK, ora 10:00)

- Programi për Drejtësi Komerciale në bashkëpunim me Innovation Centre Kosovo, organizojnë diskutim rreth ngritjes të vetëdijes për bizneset fillestare të sapo themeluara dhe sipërmarrësit e rinj me fokus në drejtësinë komerciale, pjesa e sistemit të drejtësisë që siguron çasjen e bizneseve në drejtësi. (Innovation Centre Kosovo -https://www.facebook.com/ickosovo, ora 10:00)

- Mbahet ceremonia e zbarkimit të kontingjentit të Forcës së Sigurisë të Kosovës në misionin e parë paqësorë jashtë vendit në të cilën do të merr pjesë Presidentja Vjosa Osmani dhe Kryeministri në detyrë, Avdullah Hoti. (Salla e sporteve në kazermën ''Adem Jashari'', ora 10:45)   

- Partia Liberale Egjiptiane dorëzon ankesë në Gjykatën Supreme për anulimin edhe të pesë vendvotimeve tjera. (Gjykata Supreme e Kosovës, ora 11:00)