01 Dhjetor 2020

Lajme të mira për bujqit

Prishtinë, 21 prill - Ministri i Bujqësisë Pylltarisë dhe Zhvillimit Rural (MBPZHR) ka thënë se lajmi më i mirë për të gjithë fermerët e shtetit të Kosovës është futja me prioritet e bujqësisë në planin e ri të zhvillimit ekonomik të Qeverisë së Kosovës hartuar këto ditë.


Ai ka treguar se që nga viti i ardhshëm bujqësia do të ketë 3 për qind të buxhetit total të shtetit. “Për vitin e ardhshëm, përveç kulturës së grurit, do ta përkrahim edhe kulturën e misrit, pra edhe drithërave të tjera. Do të japim ndihmë financiare edhe për pataten, si dhe do t’i përkrahim edhe të mbjellat pranverore.  “Gjithashtu, risi kryesore për këtë vit do të jenë: nisja e ndërtimit të depove (qendrave grumbulluese për përpunimin dhe ruajtjen e produkteve bujqësore), si dhe do ta fillojmë funksionimin e zinxhirit të shërbimit këshillimor në tërë territorin e Kosovës”.

Ai ka bërë me dije se objektivi i Ministrisë së Bujqësisë është që fermerët të kenë më shumë kredi të disponueshme, por edhe të leverdishme. Ndryshe nga vitet e tjera, sipas tij, edhe shpezëtarët këtë vit do të jenë përfitues të subvencioneve dhe grandeve nga Ministria e Bujqësisë. Ka treguar se për sipërfaqet e mbjella me grurë pagesat do të bëhen gjatë muajit të ardhshëm.

“Për vitin e ardhshëm, përveç kulturës së grurit, do ta përkrahim edhe kulturën e misrit, pra edhe drithërat e tjera. Do të japim ndihmë financiare edhe për pataten, si dhe do t’i përkrahim edhe të mbjellat pranverore”.

Sipas tij bujqësia është njëra nga dhjetë prioritetet kryesore të planit të zhvillimit ekonomik. Në këtë plan është paraparë që, pas një periudhe disavjeçare, të kemi një bujqësi të strukturuar, konkurruese me vendet e rajonit dhe shtetet e tjera, të cilat janë më të orientuara në kërkesat e tregut. Lajmi më i mirë për të gjithë fermerët e shtetit të Kosovës është futja me prioritet e bujqësisë në këtë plan.

Që nga viti i ardhshëm bujqësia do të ketë 3 për qind të buxhetit total të shtetit. Ne si ministri kemi planet tona strategjike se si këto burime financiare të distribuohen në mënyrë që t’i realizojmë qëllimet tona finale për bujqësinë në vend. Qëllimet tona finale si ministri janë: ngritja e cilësisë dhe standardit të jetesës të banorëve të zonave rurale, shtimi i të ardhurave të fermerëve dhe zëvendësimi i produktit të importit me produktet tona.

Strategjia jonë si ministri është që ta ngrehim nivelin e prodhimit vendor dhe t’i shohim mundësitë e eksportimit të disa nga produktet bujqësore të cilat kanë përparësi konkurruese krahasuar me vendet e regjionit. Pra, me këtë plan të zhvillimit ekonomik, bujqësia e Kosovës do të këndellet. Në kuadër të planit që kemi për vitin e ardhshëm, do ta kemi një masë të veçantë, ku do t’i përkrahim ata bujq që kanë nevojë për pajisje bujqësore.

Pra, për mekanizëm bujqësor. Gjatë këtyre muajve do ta detajojmë si program për të parë se çfarë mund të përfitojnë bujqit në kuadër të kësaj mase, e cila është shumë e rëndësishme. Mekanizmi apo teknologjia bujqësore është një nga faktorët që ndikon pothuajse në masën më të madhe në ngritjen e produktivitetit dhe rendimenteve bujqësore.

/Epoka e Re/

Kalendari

Ngjarjet e datës 1 Dhjetor 2020 - Komisioni Hetimor Parlamentar lidhur me procesin e privatizimit në Kosovë në të cilën do të behët plotësimi i listës së dëshmitarëve. (Ndërtesa e Kuvendit, salla N10, ora 9:00)

- Drejtorit të AKI-së raporton para Komisionit për Mbikëqyrjen e Agjencisë së Kosovës për Inteligjencë lidhur me gjendjen e sigurisë në vend. (Ndërtesa e Kuvendit, salla N204, ora 9:30)

- Campus France, Ambasada Frnceze në Kosovë, Aleanca Franceze e Prishtinës dhe Universiteti i Prishtinës organizojnë Panairin e tretë Universitar Francez në Kosovë. (online -https://tourneebalkanskosovo.com, ora 10:00)

- Mbahet edicioni i 5-të virtual i Green Business Expo. (Businessexpo.greenkosovo.com, ora 10:30)

- Ministri i Shëndetësisë Armend Zemaj raporton para Komisionit për Mbikëqyrjen e Financave Publike lidhur me raportin e auditimit për Pasqyrat Vjetore Financiare të vitit 2019, për Ministrinë e Shëndetësisë. (Ndërtesa e Kuvendit, salla N302, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike diskuton lidhur me rekomandimet e dala nga “Raporti për vendin për vitin 2020, i Komisionit Evropian” me të ftuar ministrat dhe përfaqësuesit e agjencive të pavarura. (Ndërtesa e Kuvendit, salla N506, ora 11:00)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston drejtorin e Departamentit të mjedisit dhe ujërave Muhamet Malësiu dhe drejtorin e Autoritetit të Rajonit të Pellgjeve Lumore, nga Ministria e Ekonomisë dhe Ambientit, Gani Berisha lidhur me lejet e lëshuara për operimin e dy hidrocentraleve nga kompania “Kelkos Energy”. (Ndërtesa e Kuvendit, salla N225, ora 11:00)

- Nënkryetari i Partisë Demokratike të Kosovës, njëkohësisht, kryetari i Degës së PDK-së në Prizren, Shaqir Totaj, i shoqëruar nga deputetja Eliza Hoxha, mbajnë konferencë për media në të cilën do të flasin për shtatoren e re të Skënderbeut, punën e dobët artistike dhe lokacionin jo adekuat. (Zyret e PDK-së në Prizren, ora 11:00)  

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston kryetarin e Komunës së Deçanit, Bashkim Ramosaj. (Ndërtesa e Kuvendit, salla N225, ora 13:00)

- Partia Demokratike e Kosovës, Dega në Prishtinë, do të mbajë konferencë për medie. (Te stacioni i autobusëve urbanë “Katedralja”, ora 13:00)

- Zyrtarët e Agjencisë së Ushqimit dhe Veterinarisë raportojn para Komisionit për Bujqësi, Pylltari, zhvillim Rural, Infrastrukturë dhe Mjedis rreth importimit të vajit të palmës. (Ndërtesa e Kuvendit, salla N204, ora 13:00)

- Instituti Demokraci për Zhvillim (D4D) mban diskutimin “Rimëkëmbja nga viti 2020: Si të rindërtojmë ekonominë dhe politikat sociale në vitin 2021?”. (Hotel Sirius, ora 17:00)