03 Mars 2021

Kryetari Latifi kërkom qe fermerëve dhe bujqve mos t’ju kufizohet lëvizja

Rahovec, 27 mars - Shtabi i Posaçëm Emergjent në Komunën e Rahovecit po punon me përkushtim në zbatimin e të gjitha masave preventive dhe në menaxhimin e situatës së krijuar, që vendimi për kufizimin e lëvizjes po del të jetë i padobishëm në orët kur po lejohet lëvizja e lirë, ka turma të qytetarëve të cilët po vrapojnë për të kryer furnizimet apo edhe obligime të tjera.

Nga organet qendrore, edhe me kryetarët e tjerë të komunave, kryetari i komunës, Smajl Latifi ka potencon se kanë kërkuar rishikimin e kësaj mase të ndalimit me këto orare deri në vendimin e Gjykatës Kushtetuese.

Në mbledhjen e mbajtur sot kryetari Latifi, ka kërkuar nga Komandanti i Stacionit Policor në Rahovec që fermerëve dhe bujqve të vyeshëm të komunës sonë mos t’ju kufizohet lëvizja, gjithmonë duke ju përmbajtur rekomandimeve të ISHPK-së dhe Ministrisë së Shëndetësisë.

“Duke uruar që jeni mirë dhe këtë situatë po e tejkaloni pranë më të dashurve tuaj, më lejoni t'ju rikonfirmoj se situata në Komunën e Rahovecit është e qetë dhe stabile. Nga njoftimet e fundit të marrura nga QKMF-ja në Rahovec, nuk kemi asnjë rast të dyshuar me COVID-19.

Po ju njoftoj se inspektorët komunal vazhdojnë inspektimet 24 orë në terren, dhe janë duke e kryer punën në mënyrë të organizuar, e nga sot do të bëhet edhe lirimi i trotuareve nga mallrat, poashtu, furrat që shërbejnë në komunën e Rahovecit janë të obliguar që bukën ta mbështijellin me material mbrojtës.

“Gjithashtu, ditëve të fundit, Komuna jonë ka pranuar pako ushqimore nga shoqata e biznese të ndryshme për rastet sociale. pas situatës së krijuar në vend, sigurisht, për të shmangur pritjet në radhë, rrezikun e përhapjes së virusit".

"Andaj, kërkojmë nga qytetarët në asistencë sociale që të zbatojnë rekomandimet e ISHPK-së dhe të mbajnë distancën sociale, derisa shpërndarja e ndihmave do të bëhet nën shoqërimin e Stacionit Policor në Rahovec".

"Me këtë rast, dua të shpreh edhe njëherë mirënjohje dhe falenderim për mjekët, infermierët, policët, inspektoratin komunal, Kryqin e Kuq dhe gjithë akterët e tjerë institucional për punën dhe kontributin e tyre të vazhdueshem në kuadër të Shtabit të Posaçëm Emergjent Komunal, nënshtabet lokale, si dhe bizneset, në respektimin e masave në parandalimin dhe menaxhimin e kësaj beteje” është shprehur kryetari Latifi.

Kalendari

Ngjarjet e datës 3 Mars 2021 - Kolegji Ndërkombëtar i Biznesit në Mitrovicë inauguron projektin “Fuqizimi i autonomisë universitare dhe rritja e llogaridhënies e transparencës së universiteteve të Ballkanit Perëndimor”. (Selia e Kolegjit IBCM, ora 9:00)

- Mbahet seanca gjyqësore kundër të pandehurit Enis Ramadani për vepren penale 'Mbajtja në pronësi, kontroll ose posedim të paautorizuar të armëve'. (Gjykata Themelore në Ferizaj, ora 9:30)

- Avokati i Popullit, Naim Qelaj viziton ekspozitën për fëmijët e vrarë gjatë luftës “Na ishte një herë që kurrë mos qoftë”. (Biblioteka “Hivzi Sylejmani” në Prishtinë, lagjja Dardania, ora 10:00)

- Parlamenti i dytë rural shqiptar organizon konferencë për të diskutuar sfidat dhe veprimet konkrete për mirëqenien e banorëve të zonave rurale. (Platforma Zoom, ora 10:00)

- Pas rritjes së numrit të rasteve me COVID-19 në Gjilan, kryetari i Komunës, Lutfi Haziri, mban konferencë për media pas takimit të Komitetit për menaxhimin dhe parandalimin e përhapjes së COVID-19. (Zyra e krytarit Haziri, ora 10:30)

- Ministria e Kulturës, Rinisë dhe Sportit organizon ceremoninë e shpërndarjes së librave të botuar dhe të blerë me financimin e Departamentit të Kulturës në MKRS. (Biblioteka Kombëtare e Kosovës, ora 11:00)