04 Dhjetor 2020

Kryeministri Thaqi i dhuron një traktor familjes Jorgić

Prishtinë, 19 shkurt - Sot këshilltari i Kryeministrit dhe njëherazi edhe drejtor i Zyrës për Çështje të Komuniteteve në Zyrën e Kryeministrit, Srdjan Sentić, ia dorëzoi çelësat e traktorit familjes së Dušan Jorgić, pjesëtar i komunitetit serb nga Lipjani, dhuratë kjo e premtuar më parë nga Kryeministri, respektivisht nga Qeveria e Kosovës.

Në ceremoninë modeste të dorëzim-pranimit të çelësave të traktorit përveç Srdjan Sentić, morën pjesë edhe nënkryetari i Komunës së Lipjanit, Florent Hoxha si dhe familjarë të familjes Jorgić.

z. Sentić gjatë dorëzimi të çelësave theksoi: “Kryeministri i Kosovës së bashku me Ambasadorin e Amerikës në Kosovë pas vizitës në familjen tuaj, më ka njoftuar se keni shprehur nevojën për mjete teknike për punimin e tokës, respektivisht se keni nevojë për një traktor. Meqë Kryeministri Thaçi si rezultat të agjendës së caktuar më parë, nuk pati mundësi të jetë sot këtu personalisht, në emër të tij jam këtu që t’ju dorëzoj çelësat e traktorit, si ndihmë e Qeverisë, me dëshirë që i njëjti t’ju shërbejë për përmirësimin e kushteve të jetës”.

Më tutje, Sentić  veçoi gatishmërinë e përkrahjes së Zyrës së Kryeministrit, në zbatimin e projekteve prioritare në Komunën e Lipjanit, të cilat do të orientohen në forcimin komuniteteve dhe promovimin e multietnicitetit dhe tolerancës.

Ai më tej bëri të ditur se ndër nevojat urgjente që janë parashtruar nga qytetarët dhe komuna e Lipjanit, është edhe investimi në ndërtimin e kanalizimit në lagjen ku përveç familjes Jorgić, jetojnë edhe familje tjera të komunitetit serb dhe komunitetit shqiptar.

“Zyra për Çështje të Komuniteteve së bashku me Komunën e Lipjanit do të shqyrtojë mundësinë e bashkëfinancimit të këtij projekti”, tha Sentić.

Ndërsa, zëvendëskryetari i komunës së Lipjanit, Florent Hoxha në fjalimin e tij tha se “Komuna e Lipjanit është e përkushtuar që të gjithë qytetarëve të kësaj komune t’ju sigurojë një jetë sa më të mirë, dhe te gjitha shqetësimet tuaja dhe problemet infrastrukturore t’i realizojë në një të ardhme të afërt”.

Meqenëse, me 4 nëntor të vitit 2009, gjatë një vizite që Kryeministri Thaçi i bëri Komunës së Lipjanit dhe familjes Jorgić që jeton në këtë komunë, Kryeministri Thaçi i kishte premtuar z. Jorgic që do ta  ndihmojët me pajisje për bujqësi, në mënyrë që t’i përmirësojë kushtet e jetesës dhe të mirëqenies sociale, gjë që edhe u realizua.

Kalendari

Ngjarjet e datës 4 Dhjetor 2020

- Mbahet seanca fillestare për rastin e vrasjes së politikanit serb Oliver Ivanoviq pranë Gjykatës Themelore në Prishtinë, departamenti Special - krimet e rënda me c'rast avokati mbrojtës do te jep deklaratë për mediet pas seancës. (Gjykata Themelore në Prishtinë, ora 9:30)

- Guvernatori i Bankës Qendrore të Republikës së Kosovës, Fehmi Mehmeti do të mbaj një takim virtual me presidentin e Gjykatës Ndërkombëtare të Arbitrazhit Alexis Mourre dhe Drejtoreshën e Komisionit të Arbitrazhit për Evropë, Laetitia de Montalivet. (Takim virtual, ora 10:00)

- Kryetari i Komunës së Prizrenit, Mytaher Haskuka dhe drejtoresha e Drejtorisë së Kulturës, Rinisë dhe Sportit, Emilja Redzepi, do të bëjnë nënshkrimin e kontratave me përfituesit e thirrjes për përkrahjen e OJQ-ve dhe individëve në fushën e kulturës, rinisë dhe sportit. (Shtëpia e Bardhë në Prizren, ora 10:00)

- Qendra për Këshillim, Shërbime Sociale, dhe Hulumtime organizon aktivitetin “Tuneli i Fundit” në përkujtim të grave të vrara si pasojë e dhunës në familje në pesë vitet e fundit në Kosovë, dita e dytë. (Përballë ndërtesës së Kuvendit të Kosovës, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton shkresën e Artan Qerkinit përfaqësues i Malcolm Simmons, ish kryetar i Asamblesë së Gjyqtarëve të EULEX-it, “Përgjigje në ftesën për të dëshmuar para Komisionit për Legjislacion” si dhe njoftohet me shkresën e Përfaqësuesit Special të Bashkimit Evropian, Tomas Szunyong, për emërimin e Karin Hernmark Ahliny, Ambasador i Suedisë, anëtar i Bordit  Mbikëqyrës  të Agjencisë Kosovare për Verifikim dhe Krahasim të Pronës. (Ndërtesa e Kuvendit, salla N506, ora 10:15)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston Ministrin e Ministrisë së Infrastrukturës Arban Abrashin. (Ndërtesa e Kuvendit, salla N204, ora 11:00)

- Mbahet seanca e jashtëzakonshme e Kuvendit te Kosovës në të cilën do të behët shqyrtimi i dytë i Projektligjit për Rimëkëmbjen Ekonomike - COVID-19. (Ndërtesa e Kuvendit, ora 11:00)

- Organizata Etea dhe Aleanca Franceze në Prishtinë me mbështetjen e Ambasadës Franceze do të mbajnë takimin e parë të huazimit të librave. (Tek objekti i Aleancës Franceze, ora 11:00)

- Autoriteti Kosovar i Konkurrencës (AKK) mban konferencë për medie lidhur me një hetim ndaj ndërmarrjeve që operojnë në tregun e energjisë elektrike. (Ish-objekti i Bankës së Lubjanës, ora 11:15)

- Kryetari i Delegacionit të Kosovës, Ibrahim Makolli dhe ai i delegacionit të Serbisë Veljko Odalovic do të mbajnë konferencë për media lidhur me varrezën masive në Kizhevak të Serbisë. (Lokacioni i varrezës masive në Kizhevak  të Serbisë, ora 12:00)

- Shpallet aktgjykimi ndaj të akuzuarit N. M., i cili akuzohet nga Prokuroria Themelore e Gjilanit, për veprën penale “vrasje e rëndë” pasi qe në  fshatin Berivojcë, komuna e Kamenicës, i pandehuri dyshohet që pas mosmarrëveshjeve familjare, me një mjet të fortë - shufër metalike, godet bashkëshorten e tij në kokë dhe pjesë të tjera të trupit, me ç’rast të ndjerës i ka shkaktuar plagë të cilat kanë qenë vdekjeprurëse. (Gjykata Themelore Gjilan, ora 13:00)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston drejtoren e Insitutit Hidrometeorologjik të Kosovës Letafete Latifi. (Ndërtesa e Kuvendit, salla N204, ora 13:00)

- Komisioni Hetimor Parlamentar lidhur me procesin e privatizimit në Kosovë plotëson listën e dëshmitarëve. (Ndërtesa e Kuvendit, salla N10, ora 13:00)

 

- Kryetari i Grupit Parlamentar të Partisë Demokratike të Kosovës, Bedri Hamza, mban sot konferencë për media. (Oborri i Kuvendit hyrja nga sheshi, ora 14:00)

- Qendra për Raste Gjyqësore Strategjike mban konferencë për media me rastin e dorëzimit të padisë për konflikt administrativ kundër vendimeve të Ministrisë së Ekonomisë dhe Ambientit dhe Zyrës së Rregullatorit për Energji”. (Para Pallatit të Drejtësisë, ndërtesa A, ora 14:00)

- Ministrja e Punëve të Jashtme dhe Diasporës e Republikës së Kosovës, Meliza Haradinaj-Stublla pret në takim ministrin në detyrë për Evropën dhe Punët e Jashtme i Republikës së Shqipërisë, Gent Cakaj ku pjesë e takimit do të jenë edhe përfaqësuesit e shqiptarëve të Luginës së Preshevës. (Objekti i MPJD-së, ora 14:00)

 

- Kryeministri Avdullah Hoti dhe ministrja e Financave Hykmete Bajrami, mbajnë konferencë për media. (Ndërtesa e Qeverisë, ora 16:00)