02 Dhjetor 2022

Kosova dhe Shqipëria përafrojnë politikat bujqësore

Prishtinë, 20 qershor - Në mbledhjen e përbashkët mes Qeverisë së Kosovës dhe asaj të Shqipërisë e cila po mbahet në Prishtinë, në kuadër të avancimit të politikave të përbashkëta bujqësore mes dy vendeve u nënshkruan edhe dy marrëveshje bashkëpunimi mes Ministrit të Bujqësisë, Pylltarisë dhe Zhvillimit Rural, Faton Peci dhe homologes së tij, Ministres së Bujqësisë dhe Zhvillimit Rural të Republikës së Shqipërisë, Frida Krifca.

Në fjalimin e tij hyrës, Ministri Peci theksoi se siguria ushqimore është sot kryetemë jo vetëm në rajon por edhe në mbarë globin, duke shtuar se “Shkëputja e zinxhirëve të furnizimeve me inpute bujqësore qoftë nga pandemia apo nga zhvillimet aktuale të luftës mes Rusisë dhe Ukrainës po e vështirësojnë punën e fermerëve tanë, mirëpo është edhe një mundësi e mirë që vendet tona, të kyçen në zinxhirin e shkëputur dhe të krijojnë rrugë të reja për eksport”.

Sa i përket marrëveshjeve të bashkëpunimit, si një vazhdimësi e një bashkëpunimi mes dy institucioneve, marrëveshja e parë “MARRËVESHJE BASHKËPUNIMI NË FUSHËN E ZBATIMIT TË PROGRAMEVE TË MBËSHTETJES PËR BUJQËSINË DHE ZHVILLIMIN RURAL” lidhet me përafrimin e politikave të dy vendeve me politikat e përbashkëta bujqësore, aktivitetet e agjencive të pagesave respektivisht AZHB - AZHBR, për përgatitjen për paketën e akreditimit për fondet IPARD e gjithashtu edhe shkëmbimin e eksperiencave të ndërsjella për skemat e pagesave direkte, skemat e cilësisë, LPIS, AICS, organizimin e grupeve të prodhuesve, politikat për trajtimin e dëmeve nga fatkeqësitë natyrore, politikat e sigurimeve bujqësore e të ngjashme.

Nga ana tjetër marrëveshja e dytë “MARRËVESHJE BASHKËPUNIMI PËR SHKËMBIM PËRVOJASH NË PROCESET TEKNIKE” lidhet me shkëmbimin e përvojave në proceset teknike në fushën e statistikave dhe shërbimeve këshillimore ku përfshihet rrjeti i kontabilitetit në fermë apo FADN, Zhvillimi i Sistemit të Integruar Informativ Bujqësor, raportimet vjetore për bujqësinë dhe peshkimin në Komisionin Evropian, raportimi për çmimet e produkteve bujqësore në DG-AGRI, shkëmbimin e përvojave për zhvillimin e zonave rurale përmes avancimit të Shërbimeve Këshillimore dhe ngritjes së kapaciteteve të këshilluesve publiko – privat.
 
 

Kalendari

Ngjarjet e datës 2 dhjetor 2022

- Grupi i Miqësisë me Mbretërinë e Bashkuar takohet me delegacionin nga Parlamenti i Mbretërisë së Bashkuar. (Ndërtesa e Kuvendit, salla C301,ora 9:15)

- Ministrja e Drejtësisë, Albulena Haxhiu, nesër në kuadër të fushatës globale "16 Ditët e Aktivizmit Kundër Dhunës me Bazë Gjinore" do të lansoj Kurrikulën për Programet e Trajtimit të Dhunës. (Hotel Sirius, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyron Projektligjin për Zyrtarët Publik dhe Projektligjin për Pagat në Sektorin Publik. (Ndërtesa e Kuvendit, salla N506, ora 10:00)

- Ministria e Bujqësisë, Pylltarisë dhe Zhvillimit Rural organizon konferencën me donatorët për sektorin e bujqësisë me titull "Orientimet Strategjike për Zhvillimin e Sektorit të Bujqësisë, Pylltarisë dhe Zhvillimit Rural”. (Hotel “Swiss Diamond”, ora 10:00)

- UNFPA Zyra në Kosovë organizon trajnim me gazetarë që do të trajtoj temën e menaxhimit të krizave të komunikimit, si dhe raportimin medial lidhur me Regjistrimin e popullsisë. (Prishtinë, ora 10:00)

- Komisioni për Punë të Jashtme dhe Diasporë takohet me delegacionin nga Parlamenti i Mbretërisë së Bashkuar. (Ndërtesa e Kuvendit, salla C301, ora 10:30)

- Në kuadër të Festivalit Ndërkombëtar të Filmit “Art Without Limit International Film Festival” mbahet programi i për fëmijë, ku do të shfaqen filmat e animuar me pjesmarrës nxënësit e disa shkollave të Prishtinës dhe Lipjanit ku dhe do të ketë performancë me titull “Terapia muzikore” nga qendra burimore “Përparimi” në Prishtinë dhe një performancë nga një këngëtare e re Tirana e cila është anëtare e Down Syndrome në Tiranë! (Kino Armata, ora 11:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike interviston Alpin Dogan, Kryeshef Ekzekutiv në KEDS; Serhat Mesut Dinc, Kryeshef Ekzekutiv në KESCO dhe  Alper Erbas, Kryeshef Ekzekutiv në KEDS për periudhën 2019-2021. (Ndërtesa e Kuvendit, salla N204, ora 13:00)
 
- Shefi i misionit përcjellës të zgjedhjeve të Bashkimit Evropian, Lukas Mandl, së bashku me ambasadorin e BE-së, Tomáš Szunyog, do të mbajnë një konferencë për shtyp për të prezantuar gjetjet preliminare dhe konkluzione mbi gjendjen e zbatimit të rekomandimeve të Misionit të BE-së për Vëzhgimin e Zgjedhjeve 2021. (Hotel Sirius, ora 14:15)

- Organizata jo-qeveritare "You Can Do" organizon ngjarjen "Darka e Erret" ku zyrtar lokal edhe ndërkombëtar , profesorë e aktivistë do të darkojnë në erresirë totale dhe te diskutojnë rreth pozites se personave me aftesi te kufizuar në shoqëri dhe hapat konkret qe duhet te ndermeren për ketë komunitet. (Restaurant LUXOR në magjistralen Prishtinë - Obiliq, ora 17:00)