18 Janar 2018

Kosova dhe Shqipëria pajtohen për heqjen e barrierave për produktet bujqësore

Tiranë, 8 nëntor - Republika e Kosovës dhe Republika e Shqipërisë do të krijojnë një strategji kombëtare për lehtësimin e barrierave doganore për produktet e dy vendeve.

Për krijimin e saj u pajtuan zëvendësministri i Bujqësisë, Pylltarisë dhe Zhvillimit Rural, Vesel Krasniqi dhe Ministri i Tregtisë dhe Industrisë, Bajram Hasani me Ministrinë e Bujqësisë, Zhvillimit Rural dhe Administrimit të Ujërave të Republikës së Shqipërisë, Niko Peleshi, në një takim që realizuan sot në Tiranë.

Krahas kësaj, ata janë zotuar edhe për zbatimin në tërësi të marrëveshjeve të bashkëpunimit, të cilat janë nënshkruar më herët, si në fushën e bujqësisë ashtu edhe në fusha tjera të ekonomisë.

Ky takim në Shqipëri u bë me qëllim të vazhdimit të bashkëpunimit të mëtejmë mes dy vendeve me qëllim edhe të hapjes edhe më të madhe të tregut, pas paralajmërimeve të Serbisë se do të ndalojnë eksportin e disa produkteve, për në Kosovë, në këtë rast edhe kulturën e grurit.

Zëvendësministri Krasniqi falënderoi ministrin Peleshi për bashkëpunimin e deritanishëm dhe shprehi vullnetin e MBPZHR-së që bashkëpunimi të thellohet dhe të jetë një angazhim i përbashkët për qëllime e projekte të përbashkëta.

Me këtë rast, ai ka theksuar se me zbatimin e marrëveshjeve konkrete që kanë të dyja vendet dhe me një komunikim të rregullt mes dy vendeve do të eliminohen edhe të gjitha barrierat që mund të kenë qenë në të kaluarën.

Gjatë kësaj vizite në Shqipëri, zëvendësministri Krasniqi është takuar edhe me ministrin e Mjedisit dhe Turizmit Blendi Klosi, me të cilin kanë diskutuar për thellimin e bashkëpunimit edhe në fushën e turizmit, përmes nënshkrimit të memorandumeve të bashkëpunimit në mes të dyja vendeve.

Kalendari

Ngjarjet e datës 18 Janar 2018 - Ministri i Arsimit,Shkencës dhe Teknologjisë, Shyqiri Bytyqi do të zhvilloi një takim me kryetarin e komunës Gazmend Muhaxheri. (Rezidenca e kryetarit Muhaxheri në Pejë, ora 9:30)

- Mbahet mbledhja e Kuvendit Komunal të Prishtinës, ku do të formohet Komiteti për Politikë dhe Financa si dhe do të caktohen anëtarët e komisioneve të aksionarëve nëpër ndërmarrjet publike komunale. (Objekti i Komunës, ora 10:00)

- Demokracia Plus në bashkëpunim me CoDe organizon tryezën me temë “Roli i Grupeve Jo formale të Grave në Politik Bërje – Shkëmbimi i përvojave në mes të grupeve jo formale të grave në nivel lokal dhe institucioneve qendrore”. (Hotel Sirius, ora 10:00)

- Koalicioni i OJQ–ve për Mbrojtjen e Fëmijëve në Kosovë - KOMF organizon konferencën e lançimit kombëtar të Indeksit për Mbrojtjen e Fëmijës 2.0. (Hotel Sirius, ora 10:00)

- Hapen punimet e punëtorisë me temë  “ Profilizimi i mësimdhënësve të klasave  I -V ”,  të organizuar nga MAShT dhe ku do të jenë të pranishëm drejtorët e Drejtorive Komunale të Arsimit në rajonin e Pejës  si dhe të gjithë drejtorët e Sh.F.M.U-ve së bashku me dy mësimdhënës të klasave  I –V dhe nga një mësimdhënës i shkollave të fshatrave. (Shkolla fillore “Shaban Spahija “ në Pejë, ora 10:00)

- Ministri i Infsrastrukturës, Pal Lekaj, do të zhvillojë vizitë inspektuese në Autostradën “Arbën Xhaferi”. (Autostrada në fshatin Doganaj, ora 10:30)

- Në kuadër të lansimit të programit Zhvillim Rajonal, Ministria për Zhvillim Rajonal,  nesër më 18 janar, 2018,  nga ora 13:30, organizon takimin me kryetarët e Komunave të Republikës së Kosovës me qëllim të informimit të komunave lidhur me këtë programin për Zhvillim Rajonal dhe mundësit e zhvillimit socio- ekonomik rajonal. (Ndërtesa e Qeverisë, salla e takimeve P-38 në, ora 13:30) 

- Mbahet mbledhja për themelimin e komisionit për bashkëpunim ndërkombëtar dhe kordinim vendor në fushën e Shkencës së Astronomisë në kuadër të Asociacionit për Mbështetjen e Arsimit dhe Aftësimit Profesional të Republikës së Kosovës. (Ministria e Arsimit, Shkencës dhe Teknologjisë, ora 15:00)