18 Shkurt 2020

Komuna shpërndan 5 gjedhe të racës simental për farmerët e Gjilanit

Gjilan, 7 shkurt - Komuna e Gjilanit ka shpërnda sot pesë gjedhe të racës simental për farmerët e Gjilanit me qëllimin e përmirësimit racor.

Donacioni është dhënë nga shkolla e agroniznesit “Arbëria”, ku këto gjedhe janë kultivuar aty, duke dëshmuar se është plotësisht funksionale.

“Unë i uroj përfituesit të cilët janë kryefamiljar të përgjegjshëm dhe punojnë me djersën e tyre për të zhvilluar bujqësinë si baza kryesor e zhvillimit lokal ekonomik. Objektiv i ynë është shtimi i numrit të gjedheve dhe mbarësimi i tyre. Do të shtojmë mjete buxhetore për të pasur mundësinë që ta shtojmë nurin e gjedheve për farmerët tjerë, në mënyrë që t’iu  dalim në ndihmë atyre.

Ky është vetëm fillimi i këtij programi që do ta zhvillojmë përmes shkollës së bujqësisë. Urime përfituesve”, ka thënë me këtë rast kryetari i Gjilanit, Lutfi Haziri.

“Nga momenti që na është ofruar ky donacion nga shkolla e agrobiznesit “Arbëria” i kemi përzgjedhur aplikuesit më të mirë që i kanë plotësuar kushtet. E falënderoj komisionin për punën shumë të përgjegjshme për përzgjedhjen e përfituesve. Janë përzgjedhur farmerët që merren vec me bujqësi dhe nuk kanë të ardhura të tjera. Kemi bërë kontrata me secilin farmer sepse këto kafshë nuk mund të shiten sepse qëllimi final ka qenë që ta bëjmë përmirësimin racor për shkak se kjo racë është tipike simental”, është shprehur në anën tjerër drejtori i Bujqësisë, Ramiz Ramadani.

Drejtori i shkollës së agrobiznesit “Arbëria”, Xhelal Jetishi, ka konfirmuar se në mesin e pranverës, është gati edhe pjesa tjetër e gjedheve që do t’i dhurohet bujqëve si donacion.

“Qëllimi kryesor është që mbarshtohet kjo racë e cila vërtetë është e njohur si për mish dhe për qumësht. Besoj që Anamorava ka nevojë për këtë racë dhe uroj që të shtohet”, ka thënë Jetishi.

Kalendari

Ngjarjet e datës 19 shkurt 2020

- Shoqata e Kirurgëve Plastik, Rekonstruktiv dhe Estetik të Kosovës, ka organizuar për herë të parë Simpoziumin dhe Workshop-in mbi trajtimin e plagëve. (Hotel Emerald, ora 8:00)

- Klubi i Prodhuesve të Kosovës për të dytën herë me radhë po organizon Konventën e Prodhuesve të Kosovës. (Hotel Emerald, ora 9:00)

- Ministri në Detyrë për Evropën dhe Punët e Jashtme i Republikës së Shqipërisë, Gent Cakaj, vjen për vizitë zyrtare në Prishtinë, ku do të pritet nga homologu i tij, Ministri i Punëve të Jashtme dhe Diasporës i Republikës së Kosovës, Glauk Konjufca. (Ndërtesa e MPJ-së, ora 10:00)

- Instituti Demokratik i Kosovës organizon tryezën ku do të publikohet raporti “Rruga e Dukagjinit, Autostradë apo Zgjerim i Rrugës Ekzistuese”, të përgatitur nga KDI. (Hotel Sirius, ora 10:00)

- Mbahet mbledhja e rregullt e Komitetit për Politikë dhe Financa e Komunës së Mitrovicës. (Objekti i Kuvendit Komunal të Mitrovicës, ora 10:00)

- Biblioteka Kombëtare e Kosovës “Pjetër Bogdani” organizon hapjen e ekspozitës “Kujtesa e Kosovës: Jeta nën qiell e najlon”, pamjet e jetës së shqiptarëve të Kosovës në vitin 1999. (Holli i Bibliotekës, ora 11:00)

- Kryetarja e Kuvendit të Kosovës, dr. Vjosa Osmani, takohet me ministrin në detyrë për Evropën dhe Punët e Jashtme të Republikës së Shqipërisë, Gent Cakaj, me bashkëpunëtorë. (Kabineti i kryetares së Kuvendit, ora 12:00 - vetëm pamje)

- Nisma e të Rinjve për të Drejtat e Njeriut organizon një protestë para zyrës së avokatit Tomë Gashi, për të kundërshtuar sjelljen e tij abuzive që bëri ditë më parë ndaj një lypësari në shesh të Prishtinës. (Para Zyrës së Avokaturës, afër Kino ABC, ora 12:00)

- Agjencia Kosovare e Privatizimit do të mbajë ceremoninë e hapjes së ofertave të shitjeve përmes likuidimit nr.54. (Hotel Grand, ora 12:30)

- Kinema “Jusuf Gërvalla”, në Pejë shfaq filmin "Gjumë dhe Dashuri". (Kinema në Pejë, ora 19:00)