06 Prill 2020

Komuna e Rahovecit ka rezerva të mjaftueshme për të kaluar këtë pandemi

Rahovec, 16 mars - Pas rritjes së panikut jo real të qytetarëve mbi mungesën e produkteve të grurit dhe miellit, kryetari i komunës, Smajl Latif, ka vizituar sot ndërmarrjet “M-Sillosi” në Xërxe, “Vetoni” në Rahovec dhe “Burimi” në Çifllak, për t’u informuar me gjendjen reale të kapaciteteve prodhuese në këto ndërmarrje.

Nga menaxhmentet e tri ndërrmarrjeve: “M-Sillosi”, Vetoni” dhe “Burimi”, kryetari Latifi ka marrë konfirmimin dhe garancinë që të tri këto ndërrmarrje kanë kapacitete të mjaftueshme të furnizimit për t’i përmbushur kërkesat e qytetarëve.

“Komuna e Rahovecit ka rezerva të mjaftueshme për të kaluar këtë pandemi që është shfaqur, ndërkaq fermerët e komunës së Rahovecit që kanë dorëzuar grurin në këto ndërrmarrje përpunese, të paktën 50% prej tyre kanë marrë shërbimet e duhura."

"Komuna e Rahovecit falë këtyre ndërrrmarrjeve përpunuese të grurit është duke ofruar shërbimet e nevojshme, konkretisht furnizimin me miell edhe për komunat e tjera të Republikës së Kosovës."

"Bëj apel tek qytetarët që të mos shkaktojnë panik të panevojshëm, por në vend të kësaj të zbatojnë masat për parandalimin e virusit COVID-19, sipas rekomandimeve të Institutit Kombëtar për Shëndetësi Publike”, ka thënë ndër të tjera kryetari Latifi.
 

Kalendari

Ngjarjet e datës 6 Prill 2020

- Bordi i Zyrës së Rregullatorit për Energji (ZRrE) mban seancën e dytë me radhë. (Zyrat e ZRrE-së, ora 10:00)

- Përfaqësues të AAK-së mbajnë konferencë për medie rreth situatës emergjente në ekonomi si pasojë e pandemisë së Coronavirusit. (Selia e AAK-së, ora 13:00)