21 Korrik 2019

Komuna e Mitrovicës dhe IADK-ja vazhdojnë të mbështesin fermerët

Mitrovicë, 27 qershor - Bazuar në marrëveshjen për bashkëpunim në mes Komunës së Mitrovicës dhe Organizatës “Iniciativa për Zhvillimin e Bujqësisë së Kosovës (IADK),  për bashkëfinancimin  e projekteve në investimet direkt në sektorin e bujqësisë, sot janë nënshkruar kontratat në mes të fermerëve të Mitrovicës dhe këtyre dy akterëve.

Përfitues të këtij projekti janë gjithsej 5 fermerë të cilët kanë përfituar pajisje për bletari dhe trajnime profesionale në blegtori. Vlera e përgjithshme e këtij projekti është 10,000 euro, me ç’rast komuna ka participuar me 20 %, IADK-ja 66% ndërsa fermeri 14%.

Me këtë rast, drejtori për Bujqësi dhe Zhvillim Rural, Ekrem Sadiku, tha se projektet e tilla janë shumë të rëndësishme për komunën tonë sepse ndikojnë drejtpërdrejtë në mbështetjen e fermerëve të cilët janë në rritje sa i përket kapaciteteve prodhuese në të gjitha fushat.

Po ashtu ai falënderoi IADK-në për këtë bashkëpunim kaq të rëndësishëm për fermerët e Mitrovicës, me ç’rast theksoj se ky bashkëpunim i  ndërsjellët do të vazhdon edhe  në të ardhmen , pasi që falë IADK-së në komunën e Mitrovicës janë realizuar  shumë projekte të rëndësishme të cilat kanë  ndikuar dukshëm në përmirësimin e kushteve në ekonomit bujqësore dhe  shtimin e interesimit të fermerëve për tu marrë me bujqësi.

Në fund drejtori Sadiku së bashku me përfaqësuesit e IADK-së kanë bërë shpërndarjen e pajisjeve për bletari të fermerëve përfitues.

 

Kalendari

Ngjarjet e datës 21 korrik 2019

- Kryeministri Ramush Haradinaj merr pjesë në Akademinë Përkujtimore dhe në zbulimin e shtatores së atdhetarit, Shejh Myhedin Shehu, organizuar nën patronatin e Zyrës së Kryeministrit. (Afër Teqes së Madhe të Halvetive, Rahovec, ora 11:00)

- Mbahet dita e dytë e Prishtina Gastronomy Festival i cili ka për qëllim promovimin e gastronomisë shqiptare duke promovuar kuzhinën dhe traditat kulturore shqiptare. (Sheshi “Adem Jashari”, ora 12:00)

- Agjencia Kosovare e Privatizimit hap ofertat e shitjes se aseteve përmes likuidimit nr.49. (Hoteli Grand, ora 12:30)

- Kampistët e Kampit Ndërkombëtar vizitojnë Muzeun Etnologjik. (Muzeu Etnologjik i Kosovës, Rruga “Zija Prishtina”, Prishtinë, ora 18:30)

- Festivali Ndërkombëtarë i Filmit të Animuar - Anibar orgsnizon ceremoninë mbyllëse, ku edhe do të bëhen publik fituesit e garave të katër kategorive. (Kinema e hapur në qënder të qytetit të Pejës, Kinemanë “Urban”, ora 20:00)