05 Dhjetor 2022

Komisioni për Bujqësi dhe UN-Habitat nënshkruan marrëveshje bashkëpunimi

Prishtinë, 30 qershor - Komisioni për Bujqësi, Pylltari, Zhvillim Rural, Infrastrukturë, Mjedis, Planifikim Hapësinor dhe Infrastrukturë dhe organizata UN-Habitat, kanë nënshkruar sot marrëveshje bashkëpunimi.

Marrëveshja parasheh bashkëpunimin në zhvillimin e politikave dhe legjislacionit të Kosovës, për të siguruar zhvillimin e qëndrueshëm urban në fushat e planifikimit hapësinor, mjedisit urban, klimën, lëvizshmëri urbane dhe strehim social, strehim të përballueshëm në përputhje me angazhimet transformuese të Agjendës së Re Urbane, Agjendës 2030 për Zhvillim të Qëndrueshëm dhe lokalizimit të SDG-ve.

Marrëveshja u nënshkrua nga kryetarja e Komisionit për Bujqësi, Fitore Pacolli Dalipi dhe shefi i Zyrës së UN-Habitat-it në Kosovë, Omar Siddique.

Kryetarja e komisionit, Fitore Pacolli Dalipi, tha pas nënshkrimit se qëllimi kësaj marrëveshjeje është sigurimi i një kornize të bashkëpunimit në zhvillimin e politikave të zhvillimit të qëndrueshëm urban.   

Ajo tha se përgjegjësitë e komisionit lidhen me sigurimin e ofrimit dhe shkëmbimit të njohurive kur është e mundur dhe e përshtatshme.

Përfaqësuesi i UN-Habitat, Omar Siddique, nga ana e tij, tha se kjo marrëveshje është e një rëndësie të veçantë, e cila, sipas tij, do të shtyjë përpara zhvillimin qëndrueshëm urban në fushat e planifikimit hapësinor.

Përfaqësues të tjerë të UN-Habitat-it shpalosën në hollësi aspekte të punës së kësaj organizate në fusha të caktuara, të ndërlidhura me marrëveshjen e bashkëpunimit me komisionin gjegjës të Kuvendit.

 

Kalendari

Ngjarjet e datës 5 dhjetor 2022 - Kryetari i Kryeqytetit, Përparim Rama, do të nënshkruajë marrëveshjen me partneritet publiko privat për ndërtimin e tri shkollave të reja dhe ofrimin e shërbimeve të mirëmbajtjes dhe operimit në Komunën e Prishtinës. (Ndërtesa e Vjetër e Komunës së Prishtinës, ora 9:00)

- Instituti i Kosovës për Drejtësi, Grupi për Studime Juridike dhe Politike, Lëvizja Fol, Iniciativa për Progres, Çohu dhe Colombus organizojnë tryezë të rrumbullakët, ku do të diskutohet lidhur me “Reforma në Drejtësi”. (Hotel Sirius, ora 10:00)

- Ministrja e Drejtësisë, Albulena Haxhiu do të bëjë lansimin e Protokollit Shtetëror për Trajtimin e Rasteve të Dhunës. (Hotel Emerald, ora 11:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022 interviston Njazi Thaçin, Luigj Imerin, Perparim Kabashin, Nagip Krasniqin, Faruk Hajrizin, Rrezarta Pllanën, Hysen Fazliun, Musa Misinin, Skender Hazirin, Ali Hamitin, Izet Rushitin dhe Krenar Bujupin. (Ndërtesa e Kuvendit, salla N204, ora 11:00)

- Presidentja e Republikës së Kosovës, Vjosa Osmani Sadriu pret në takim Ndihmës Administratoren e USAID-it, Erin E. McKee. (Kabineti i Presidentes,ora 12:00)

- Ministria e Kulturës, Rinisë dhe Sportit në bashkëpunim me UNICEF-it dhe UN Volunteers shënojnë Ditën Ndërkombëtare të Vullnetarizmit. (Kino Armata, sheshi “Zahir Pajaziti”, ora 13:00)

- Instituti i Kosovës për Drejtësi organizon tryezë të rrumbullakët, ku do të prezantohet raporti me titull “Parashkrimi i Korrupsionit”, i cili është rezultat i monitorimit sistematik që IKD i bënë sistemit Gjyqësor dhe atij Prokurorial të Republikës së Kosovës. (Hotel Sirius, ora 13:00)

- Zëvendësministri i Drejtësisë, Blerim Sallahu, do të hapë ekspozitën e të burgosurve rreth rasteve të Dhunës në Familje. (Hollin e Ministrisë së Drejtësisë, ish objekti Rilindja, ora 13:00)

- Këshilli Rinor Kosovar në bashkëpunim me Kuvendin e të Rinjëve të Ferizajt dhe Komunën e Ferizajt do të mbajë panelin e diskutimit dhe aktivitetin ‘Dita e Vullnetarizmit’ me qëllim të promovimit dhe diskutimit rreth punës vullnetare, nevojave të vullnetarëve dhe aktiviteti i tyre në këtë komunë. (Salla e Kuvendit Komunal në Ferizaj, ora 14:00)

- Lëvizja FOL në kuadër të  “Javës Kundër Korrupsion 2022” mban konferencë për media me ç’rast do të bëjë publikimin e raportit "Masat disiplinore kundër nëpunësit civil për korrupsion dhe shkelje etike". (Hotel Sirius, ora 15:15)

- Kryeministri i Kosovës, Albin Kurti pret në takim Ndihmës Administratoren e USAID-it, Erin E. McKee. (Zyra e Kryeministrit të Republikës së Kosovës, ora 15:45)            


- Komisioni Qendror i Zgjedhjeve mban mbledhjen e radhës. (Objekti i KQZ-së, ora 16:30)