27 Nëntor 2020

KE vazhdon të jetë ndihmëse e madhe e sektorit të bujqësisë

Prishtinë, 5 korrik - Në sesionin e parë informues  për grantet e Komisionit Evropian që është mbajtur sot në “Villa Gërmi” në Prishtinë për Rajonin e Prishtinës, e ku mori pjesë edhe ministri i Bujqësisë, Pylltarisë dhe Zhvillimit Rural Blerand Stavileci dhe Iva Stamenova, përfaqësuese për sektorin agrorural të KE-së, është debatuar për  skemat e  ndarjes së këtyre granteve sipas kritereve të BE-së, me ç’rast janë dhënë edhe udhëzime konkrete për mënyrën e aplikimit dhe për  trajnimet që do të bëhen për fermerë që aplikojnë për këto grante.


Në fjalën hyrësi, ministri Blerand Stavileci ka thënë se  Komisioni Evropian ka qenë dhe vazhdon të jetë edhe më tutje ndihmëse e madhe e sektorit të bujqësisë. Fillimi i këtij sesioni informativ për skemën e ndarjes së granteve dhe subvencioneve, ka nënvizuar tutje ministri Stavileci, po hap një epokë të re për zhvillimin e bujqësisë në vend.

 Më pas ministri Blerand  Stavileci ka theksuar se projekti synon përkrahjen e zhvillimit dhe modernizimit të tre nënsektorëve të bujqësisë,  siç është përpunimi i qumështit, mishit dhe pemëve e perimeve.

Programi do të përkrah shfrytëzimin e mes produkteve, prezantimin e prodhimeve me vlerë më të lartë të shtuar, ngritjen e depove ftohëse, prezantimin e sistemeve HACCP për menaxhimin e sigurisë së ushqimit, tregtimin e përmirësuar dhe etiketimin e prodhimeve të përpunuara ushqimore dhe freskimin e linjave të prodhimit dhe pajisjeve për të plotësuar standardet e BE-së, përfshirë modernizimin e pajisjeve për kontroll të cilësisë.

E gjithë kjo, është në pajtim me Planin për Zhvillim Rural dhe Bujqësor 2009 – 2013, saktësisht me  masën 4 të kësaj strategjie, ka thënë ndër të tjera ministri Stavileci.

Në takim është potencuar edhe qëllimi specifik i përmirësimit të standardeve të përpunimit dhe tregtimit, higjienës, cilësisë dhe sigurisë së ushqimit dhe mbrojtjes së mjedisit në industrinë e përpunimit të qumështit, mishit, pemëve dhe perimeve për të përforcuar aftësitë konkurruese të sektorit të bujqësisë dhe zhvillimit rural, duke shtuar hisen e tregut dhe besimin e konsumatorëve në prodhimet vendore.

Shuma e përgjithshme  treguese për këtë Thirrje për Aplikim është propozuar të jetë 5.000.000 €, kurse shuma minimale  e shfrytëzuesve nga Autoriteti Kontraktues rezervon të drejtën për të mos dhënë të gjitha fondet në dispozicion. Mirëpo, madhësia e granteve për cilindo grant të dhënë në bazë të kësaj Thirrjeje do të jetë në mes  200.000  deri në 500.000€.


Afati i fundit për aplikim është  data 15 gusht 2010,  deri në orën 16,00 në të gjitha zyrat rajonale të MBPZHR, ashtu siç është theksuar  në shpalljet publike.

 

Kalendari

Ngjarjet e datës 27 Nëntor 2020

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton shkresën nga Malcolm Simmons, ish kryetar i Asamblese së Gjyqtarëve të EULEX-it, përfaqësuar sipas autorizimit nga dr. Artan Qerkini, avokat. (Ndertesa e Kuvendit, salla N302, ora 9:30)

- Kuvendi i Republikës së Kosovës vazhdon seancën plenare. (Ndërtesa e Kuvendit, ora 10:00)

- Instituti për Politika Zhvillimore mban konferencë për media me temë “Promovimi i efiçiencës së energjisë dhe burimeve të ripërtëritshme në Kosovë”. (Hotel Sirius, ora 10:00)

- Ministri i Infrastrukturës, Arban Abrashi, merr pjesë në nisjen e asfaltimit të zgjerimit të llotit të 4 të rrugës Podujevë - Prishtinë, gjegjësisht në fshatin Llugë. (Rruga Podujevë - Prishtinë, fshati Llugë, ora 11:00)

- Kryeministri Avdullah Hoti merr pjesë në shënimin e Ditës së Forcës së Sigurisë së Kosovës. (Kazerma Adem Jashari në Prishtinë, ora 12:00)

- Ministria e Mbrojtjes organizon ceremoninë e shënimit të Ditës së Forcës. (Ambientet e kazermës “Adem Jashari” në Prishtinë, ora 12:00)

- Aleanca Kosovare e Bizneseve  Kryeministri Avdullah Hoti do e përcjellin realizimin e eksportit të produkteve kosovare në Serbi e që lidhet me marrveshëjen në Shtëpinë e Bardhë në Washington për bashkëpunim ekonomik Kosovë - Serbi e cila pason me një marrëveshje mes dy operatorëve ekonomik. (Objekti i Agrokosova Holiding në zona industriale - Shirokë, Suharekë, ora 14:00)

- Kryeministri Avdullah Hoti në kuadër të Javës së Biznesit Kosovar 2020, viziton Verarinë ‘’Agro Kosova Holding ’’ në Suharekë. (Veraria ‘’Agro Kosova Holding ’’, Suharekë, ora 14:00)

 

- Partia Demokratike e Kosovës, Dega në Podujevë, bën sot përmbylljen e fushatës zgjedhore përmes një konference për media. (Restorant “Artela”, ora 14:00)