16 Tetor 2019

Investitorët frikësohen nga zjarret e shpeshta në Kosovë

Gjakovë, 14 mars - Një delegacion i Aleancës Kosovare të Bizneseve i kryesuar nga kryetari Agim Shahini dhe nga kryetari i Zyrës regjionale të Dukagjinit në Gjakovë Argjend Fetahu dhe Dafina Kazazi , kanë vizituar qendrën tregtare Viva fresh  në Gjakovë, e cila është përfshirë nga një zjarr ditë më parë, duke i shkaktuar dëme të mëdha.

Gjatë vizitës përfaqësuesit  e AKB-së i kanë dhënë mbështetje që kjo qendër sa më shpejt të kthehet në funksion, pasi që humbjet çdo ditë nga mos funksionimi rriten.

Kryetari i AKB-së, tha se ndihen të shqetësuar nga kjo fatkeqësi e cila i ka ndodhur kësaj qendre tregtare, e cila tash disa ditë nuk po funksion dhe e cila ka shumë të punësuar dhe po ashtu shumë prodhues e tregtarë që  përfitojnë nga këtu.

Sipas tij kjo është një humbje e madhe milionëshe  për pronarët e kësaj kompanie gjigante ekonomike e cila çdo ditë e më shumë po zgjerohet.

“AKB-ja, inkurajon këtë biznes që të mos ndalet, por të vazhdoi rritjen e saj, sepse tashmë ky gjigant ekonomik, ndikon në imazhin dhe rritjen ekonomike të Kosovës”, tha Shahini.

Ai i kërkoi nga institucionet përkatëse që të gjejnë shkaktarët  e zjarrit sa më shpejt dhe se qendra tregtare të rifunksionalizohet në një afat sa më të shkurtër kohor, me qëllim që të mos ketë humbje  nga mos funksionimi.

“Humbjet nga mos puna e kësaj kompanie  do të jenë edhe më të mëdha, jo vetëm për Vivën, por edhe për punëtorët, prodhuesit e tregtarët”, tha Shahini.

Kryetari i AKB-së, shtoi se zjarri po i mbyt dhe falimenton shumë biznese në Kosovë. Qendrat tregtare duhet të gjejnë alternativa për të shtuar masat e sigurisë, por duke i siguruar objektet mallrat dhe të gjitha asetet të cilat në rast të këtyre ta fatkeqësive do të mbulon nga kompanitë e sigurimeve.

“Zjarret në Kosovë, janë bërë fenomen dhe kjo po i frikëson  edhe investitorët e huaj që të vijnë në vendin tonë për të investuar. Kemi raste ku shumë biznese nuk kanë mundur që të përballen me humbjet e shkaktuar nga zjarret dhe kanë falimentuar’, tha Agim Shahini.

 

Kalendari

Ngjarjet e datës 17 tetor 2019  - Komisioni Qendror i Zgjedhjeve mban mbledhjen e radhës. (Selia e KQZ-se, ora 9:30)

- Dogana e Kosoves organizon ceremoninë e shprendarjes se certifikatave për dy kompanitë kosovare të certifikuara si Operator Ekonomik të Autorizuar. (Objekti i Drejtorise se Doganes në Emshir, ora 10:00)

- Ambasada Britanike dhe Qendra e Rehabilitimit të Kosovës për Viktimat e Torturës po mbajnë një konferencë për të filluar rezultatet e hulumtimit paraprak në traumën transgjeneruese në lidhje me Dhunën Seksuale të Lidhur me Konfliktin. (Hotel Swos Diamond, ora 10:30)

- Mbahet punëtoria “Shkolla e Mozaikut”. (Muzeu Kombëtar e Kosovës, ora 11:00)

- Mbahet protestë pasi Akademia Suedeze e Shkencave shpërbleu me çmimin Nobel për Letërsi, autorin austriak Peter Handke, një mbështetës i gjenocidit dhe luftërave në ish-Jugosllavi nën regjimin e Sllobodan Millosheviqit. (Para Ambasadës së Suedisë, ora 11:00)

- Lëvizja FOL, Çohu, INPO, Instituti Columbus dhe Open Data Kosovo organizojnc konferencën e përbashkët të cilën do të prezantohet Raporti i monitorimit të aktivitetit të prokurimit rreth rrotulimit Rreth rrotullimi Lakrishtë - Rreth rrotullimi Arbëri. (Zyrat e Lëvizjes FOL, ora 11:00)

-  Organizata për Rritjen e Cilësisë në Arsim organizon debat me studentët e Fakultetit të Ndërtimtarisë dhe Arkitekturës për identifikimin e problemeve në këto fakultete dhe zgjidhjen e tyre përmes formave të ndryshme të mbështetjes së studentëve. (Fakulteti i Ndërtimtarisë dhe Arkitekturës, ora 15:00)

- Ambasadorja e Francës, Marie-Christine Butel do të ketë nderin të dekorojë znj Nerimane Kamberi me Urdhrin e Palmave Akademike. (Rezidenca e Francës, ora 18:30)

- Galeria e Ministrisë së Kulturës organizon hapjen e ekspozites "Post-Avangarda Lindore" te autorëve Adrian Çene, Brikena Bërdo dhe Albana Shoshi. (Galeria e Ministrisë së Kulturës, ora 19:00)