20 Shkurt 2019

IFC-ja ndihmon Kosovën të përmirësojë financimin e sektorit bujqësor

Prishtinë, 28 janar - International Finance Corporation (IFC), anëtare e Grupit të Bankës Botërore ka njoftuar se po punon për të përmirësuar financimin e sektorit bujqësor në Kosovë përmes bashkëpunimit me bankat, institucionet mikrofinanciare dhe agrobizneset.

Bujqësia është një nga nxitësit kryesorë të ekonomisë dhe punësimit në vend, por mbetet e nën-shërbyer nga institucionet financiare.

Studimi i IFC-së i agrobiznesit në Kosovë u paraqit në konferencën e sotshme në Prishtinë. Studimi identifikon nevojat specifike, sfidat dhe mundësitë që lidhen me financimin e sektorit bujqësor.

Studimi tregon nevojat e financimit të fermerëve dhe kompanive bujqësore, dhe si mund t'i përmbushin bankat dhe institucionet mikrofinanciare duke rritur kreditë për bujqësinë. 

"Ne kemi punuar me fermerët, agrobizneset, qeverinë, organizatat ndërkombëtare të donatorëve dhe institucionet financiare për përgatitjen e këtij studimi të agrobiznesit", tha Visar Perani, Zyrtari i Vendit në Kosovë i IFC-së.

"Studimi paraqet situatën aktuale në treg dhe identifikon mundësi specifike ku IFC-ja mund të mbështesë institucionet financiare dhe agrobizneset përmes investimeve dhe shërbimeve këshillimore".

Tradicionalisht, bujqësia ka luajtur një rol të rëndësishëm në ekonominë e Kosovës. Kontributi i sektorit bujqësor në BPV është rreth 11 për qind; 60 për qind e popullsisë së Kosovës jeton në zonat rurale, ku bujqësia është një nga opsionet kryesore të punësimit pas sektorëve të tregtisë dhe prodhimit.

Vlera e përgjithshme e prodhimit bujqësor, duke përfshirë shërbimet, vlerësohet në 736.8 milionë euro, me prodhimet me bazë bimore që gjenerojnë 56 për qind të totalit me 412.3 milionë euro, prodhimet blegtorale kontribuojnë me 41 për qind me 302.4 milionë euro, dhe shërbimet gjenerojnë 3 për qind me 22.1 milionë euro.

Megjithatë, sektori i bujqësisë në Kosovë ka hapësirë të konsiderueshme për t'u rritur, dhe IFC-ja mbetet e përkushtuar në përkrahjen e këtij sektori. 

Kalendari

Ngjarjet e datës 20 shkurt 2019 - Instituti Kërkimor për Çështje Evropiane dhe të Zhvillimit organizon konferencën 'Zëri i Popullit rreth 'Finales së Madhe' ndërmjet Kosovës dhe Serbise'. (Swiss Diamond Hotel, ora 9:30)

- Presidenti i Republikës së Kosovës, Hashim Thaçi, do të marrë pjesë në konferencën e organizuar nga Instituti Kërkimor për Çështje Evropiane dhe të Zhvillimit me temën “Zëri i Popullit rreth ‘Finales së Madhe’ ndërmjet Kosovës dhe Serbisë”. (Hoteli Swiss Diamond, ora 9:30)

- Kryeshefja ekzekutive e Inspektoratit Policor të Kosovës raporton para Komisionit për Punë të Brendshme, Siguri dhe Mbikëqyrjen e Forcës së Sigurisë së Kosovës lidhur me dyshimin për keqpërdorim të detyrës zyrtare nga ana e zyrtarit policor si dhe për raportin vjetor të vitit 2018. (Ndërtesa e Kuvendit, salla N 302, ora 10:00)

- Forumi i Gruas së Lidhje Demokratike të Kosovës organizon tryezë diskutimi me temën “Ligji (s) na mbron”. (Hotel Sirius, ora 10:00)

- Punëtorët teknik të kompanisë “Beni”  që kryejnë shërbime në Konviketet e Qendrës Studentore të Prishtinës do të protestojnë për kthimin nën menaxhimin e Qendrës Studentore (Para drejtorisë së Qendrës Studentore, ora 11:00)   .

- Komuna e Prishtinës mban konferencë për media. (Objekti i vjetër të Komunës, ora 11:00)

nën organizimin e Grupit të Grave Deputete, mbahet tryeza “Institucionet dhe mekanizmat ekzistues në përgjigje të dhunës në familje”. (Ndërtesa e Kuvendit, salla N 30, ora 11:00)

- Me rastin e ndarjes nga jeta të gazetarit Hivzi Krasniqi, Radio Kosova mban Tubim Përkujtimor. (Kino ABC, ora 12:00)

- Presidenti Thaçi do të marrë pjesë në ngjarjen "Women in Energy Scholarship Program", organizuar nga MCC. (Salla e Kuqe, Pallati i Rinisë dhe Sportit, ora 13:00)

- Kryeministri Ramush Haradinaj merr pjesë në manifestimin e 30-vjetorit të Grevave të Minatorëve. (Miniera Stan Tërg në Mitrovicë, ora 14:00)

- Lëvizja mban konferencë për media. (Zyret qendrore të Vetëvendosjes, ora 14:00)