26 Shkurt 2021

Haziri konfirmon mbështetjen ndaj fermerëve që janë prekur nga pandemia

Gjilan, 28 prill - Kryetari i Komunës së Gjilanit, Lutfi Haziri, së bashku më nënkryetarin Arbër Ismajli dhe drejtorin e Bujqësisë, Ramiz Ramadani, kanë vizituar serrat e familjes Rahimi në Malishevë, të cilët janë kultivues të fidaneve të ndryshme.

Haziri tha se është krenar me punën dhe angazhimin e kësaj familje, të cilët me duart e tyre, kanë arritur ta zhvillojnë këtë veprimtari.

“Kjo familje punon 12 muaj dhe në katër sezonet, prodhimet janë të gashtme për treg, duke furnizuar edhe prodhuesit e vegjël, por edhe të tjerët. Pandemia i ka prekur, sespse një pjesë e produkteve të marullës e sallatës. Do ta shikojmë mundësinë e zhdëmtimit, në mënyrë që të mos lejohet të preket interesi i kësaj familje bujqësore, që janë shembulli më i mirë”, ka thënë Haziri.

Kurse, në emër të familjes Rrahimi ka folur Nexhmedin Rrahimi, i cili e ka falënderuar kreun e Gjilanit për vizitën dhe ofrimin e mbështetjes për ta përballuar pandeminë Covid-19.

Ndërkohë, kryetari i Këshillit të fshatit atje, Latif Maliqi, ka shprehur mirënjohje për Hazirin dhe ekipin e tij për angazhimin për t’i dalë në ndihmë fermerëve.

Në kuadër të vizitave në terren, kreu i Gjilanit, Lutfi Haziri ka vizituar edhe fermerët të cilët po i shesin fidanet e marullës, kastravecave e specave, në lagjen Arbëria dhe në Iliria, të cilët u është mundësuar përmes shtandeve që u ka ofruar Drejtoria e Bujqësisë.

 

Kalendari

Ngjarjet e datës 26 Shkurt 2021

- Mbahet mbledhja e dytë e rregullt e Kuvendit Komunal të Rahovecit. (Salla e mbledhjeve të Kuvendit Komunal në objektin e ri të komunës, ora 10:00)

- Këshilli Organizues ''Pranvera Shqiptare 81'' do të bëj nderime dhe do të vendos lule te varri i varri i Adem Demaçit. (Velani, ora 11:00)

- Organizata Etea, përmbyllë fazën e parë të projektit “Biblioteka Qarkulluese me strategjitë e lexim kuptimit”. (Kino Armata, ora 11:00)

- Ministria e Kulturës, Rinisë dhe Sportit organizon ceremoninë e ndarjes së çmimeve në fushën e trashëgimisë kulturore. (Parku arkeologjik "Ulpiana", ora 12:00)

- Këshilli Organizues ''Pranvera Shqiptare 81'' organizon tryezëm përkujtimore për Adem Demaçin në 85 vjetorin e lindjes. (Instituti Albanologjik në Prishtinë, ora 13:00)

- Partia Socialdemokrate do të mbaj një aktivitet pranë objektit të Komunës së Prishtinës. (Objekti i Komunës së Prishtinës, ora 13:00)

- Qendra për Raste Gjyqësore Strategjike platformë e themeluar nga Grupi për Studime Juridike dhe Politike mban konferencën për media me rastin e dorëzimit të Padisë për Konflikt Administrativ kundër Lejes Ujore për Hidrocentralin Brezovica në Shtërpcë të Lëshuar nga Autoriteti Rajonal i Pellgjeve Lumore në kuadër të Ministrisë së Ekonomisë dhe Ambientit. (Para Pallatit të Drejtësisë, Ndërtesa A, ora 14:00)

- Zëdhënësi i KQZ-së, Valmir Elezi mban konferencë lidhur me progresin në procesin e rinumërimit dhe të aktiviteteve tjera që po zhvillohen në këtë qendër. (Qendra e Numërimit dhe Rezultateve, ora 15:00)