04 Dhjetor 2020

Hapet panairi i gjedhit “Kosova 2010”

Gjakovë, 12 qershor - Si çdo vit tjetër, edhe sivjet në Korenicë të Gjakovës është mbajtur Panairi i gjedhit “Kosova 2010”, ku ekspozuan gjedhet e tyre mbi 100 fermerë.

Para femerëve dhe qytetarëve të shumtë, një fjalë rasti  e ka mbajtur Blerand Stavileci, ministër i Bujqësisë, Pylltarisë dhe Zhvillimit Rural. Ai ka shprehur kënaqësi të veçantë duke ju uruar mirëseardhje në panairin tradicional të gjedhit “Kosova 2010” të gjithë të pranishmëve dhe organizatorëve.

Kjo ngjarje, tha  ministri Stavileci, mundëson që sot, përfaqësuesit e Ministrisë së Bujqësisë, shoqatat e fermerëve, fermerët, ekspertët dhe dashamirë të kësaj fushe të promovojnë mbarështimin e gjedhit në Kosovë, si dhe të diskutojnë mbi përvojat dhe sprovat me të cilat po ballafaqohet sektori i prodhimtarisë së blegtorisë.

Në këto tri vite, ka nënvizuar ministri Blerand Stavileci, Qeveria e Republikës së Kosovës ka rritur në mënyrë të vazhdueshme buxhetin për bujqësinë. Krahas rritjes së buxhetit, Ministria ka punuar në zhvillimin institucional për krijimin e kapaciteteve dhe të infrastrukturës për menaxhimin e fondeve që shkojnë në përkrahje të sektorëve me potencial të shtuar për mbulimin e tregut të vendit me produkte bujqësore.

Sektori i Blegtorisë është prioritet i MBPZHR për shkak të rëndësisë ekonomike dhe efekteve pozitive që ndikojnë në zhvillimin e sektorëve të tjerë agrokulturorë dhe agrobiznesorë (prodhimtarisë lavërtare, prodhimtarisë bimore, prodhimtarisë së mishit, industrisë përpunuese etj.) ka qenë konstatimi në vazhdim i ministrit Stavileci, me ç’rast ka shprehur bindjen se duke pasur parasysh nevojën e rimëkëmbjes dhe zhvillimit të bujqësisë dhe zhvillimit rural, MBPZhR, është duke nxitur investimet në sektorin e prodhimtarisë blegtorale dhe bujqësore përmes disenjimit të politikave të qëndrueshme bujqësore.

Kështu, ka nënvizuar tutje në fjalën e tij ministri  Stavileci, Qeveria e Republikës së Kosovës me qëllim të ofrimit të mbështetjes së qëndrueshme financiare dhe ekonomike fermave gjysmë-komerciale/komerciale dhe grupeve të fermerëve të vegjël për vitin 2010 ka ndarë rreth 5 mil. € grante dhe subvencione në mbështetje të projekteve që kanë për synim:

-  Stimulimin e prodhimtarisë së qumështit dhe zhvillimin e qëndrueshëm të sektorit,

-  Përmirësimin e standardit dhe kushteve të jetesës dhe të punës në zonat rurale,

-  Zhvillimin dhe ristrukturimin e fermave, duke synuar shtimin e numrit të fermave komerciale dhe aplikimin e teknologjive moderne dhe rritjen e sasisë së prodhuar, me qëllim që të arrihet zvogëlimi i importit,

-  Uljen e kostos së prodhimeve të qumështit, ngritjen e cilësisë së qumështit,  rritjen e shkallës së konkurrencës, uljen e çmimit të prodhimeve të qumështit.

-  Përmirësimin e strukturës së pronave bujqësore.

Si rezultat i këtyrë synimeve dhe i përkushtimit për t’i realizuar ato, ne, këtë vit po mbështesim fuqishëm dhe si asnjëherë deri më tash, sektorin e gjedhëtarisë dhe sektorin e kafshëve të imta, konkretisht:

-  Mbështetja e fermerëve përmes ofrimit të pagesave direkte-subvencione për sektorin e lopëve qumështore dhe mbarështimin e mështjerrave (vlera e projektit 1.2 mil €),

-  Mbështetja e fermerëve të kafshëve të imta (dele dhe dhi) (vlera e projektit 1.2 mil €). Këto projekte tashmë janë në fazën e finalizimit.

-  Mbështetja ekonomive bujqësore përmes ofrimit të granteve investuese për prodhimin e qumështit (vlera e projektit 400.000 €).

Për vitin 2010, MBPZHR po ashtu ka hartuar programin e granteve investuese dhe subvencioneve në mbështetje të projekteve investuese të fermave dhe ekonomive bujqësore në sektorin e drithërave, perimtarisë, pemëtarisë dhe vreshtarisë.

Me qëllim të rritjes së prodhimtarisë bujqësore, MBPZHR po investon edhe në riparimin dhe zgjerimin e sistemeve të ujitjes, në menaxhimin e burimeve të ujit për bujqësinë, në sistemet e përgjithshme të ujitjes (niveli primar dhe sekondar) dhe në sistemin e ujitjes në nivelin e fermës.

Për këto projekte Ministria ka ndarë 2.1 mil euro.

Këto janë veprimet konkrete që Qeveria e Republikës së Kosovës ka ndërmarrë për krijimin vendeve të reja të punës, për ngritjen e të ardhurave për fermerë dhe banorët ruralë, e që ndikojnë drejtpërdrejt në përmirësimin e standardit dhe kushteve të jetesës dhe punës në zonat rurale.

Ministria e Bujqësisë do të vazhdojë të mbetet partner serioz dhe shumë i interesuar në bashkëpunimin e mëtejshëm me të gjithë fermerët, shoqatat e fermerëve, organizatat dhe donatorët që mbështesin zhvillimin  e sektorit të blegtorisë dhe të bujqësisë në Kosovë.

Edhe një herë ju falënderoj të gjithë juve për pjesëmarrjen në këtë panair, zyrtarët e MBPZHR dhe KK të Gjakovës për angazhimin dhe, në veçanti, fermerët për kontributin e dhënë në organizimin e kësaj ngjarjeje tashmë tradicionale dhe shumë të dashur për ne të gjithë, ka përfunduar në fjalën hyrësen që e mbajti në këtë panair  z. Blerand Stavileci, ministër i Bujqësisë, Pylltarisë dhe Zhvillimit Rural.

Në fund, nga gjithsej 100 fermerë sa ekpozuan  gjedhet e tyre në këtë panair, çmimin e parë e mori Dukagjin Deda nga Peja për racen e gjedhit hollshtajn. Janë ndarë edhe shpërblime të tjera në pesë kategori.

 

Kalendari

Ngjarjet e datës 4 Dhjetor 2020 - Mbahet seanca fillestare për rastin e vrasjes së politikanit serb Oliver Ivanoviq pranë Gjykatës Themelore në Prishtinë, departamenti Special - krimet e rënda me c'rast avokati mbrojtës do te jep deklaratë për mediet pas seancës. (Gjykata Themelore në Prishtinë, ora 9:30)

- Guvernatori i Bankës Qendrore të Republikës së Kosovës, Fehmi Mehmeti do të mbaj një takim virtual me presidentin e Gjykatës Ndërkombëtare të Arbitrazhit Alexis Mourre dhe Drejtoreshën e Komisionit të Arbitrazhit për Evropë, Laetitia de Montalivet. (Takim virtual, ora 10:00)

- Kryetari i Komunës së Prizrenit, Mytaher Haskuka dhe drejtoresha e Drejtorisë së Kulturës, Rinisë dhe Sportit, Emilja Redzepi, do të bëjnë nënshkrimin e kontratave me përfituesit e thirrjes për përkrahjen e OJQ-ve dhe individëve në fushën e kulturës, rinisë dhe sportit. (Shtëpia e Bardhë në Prizren, ora 10:00)

- Qendra për Këshillim, Shërbime Sociale, dhe Hulumtime organizon aktivitetin “Tuneli i Fundit” në përkujtim të grave të vrara si pasojë e dhunës në familje në pesë vitet e fundit në Kosovë, dita e dytë. (Përballë ndërtesës së Kuvendit të Kosovës, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton shkresën e Artan Qerkinit përfaqësues i Malcolm Simmons, ish kryetar i Asamblesë së Gjyqtarëve të EULEX-it, “Përgjigje në ftesën për të dëshmuar para Komisionit për Legjislacion” si dhe njoftohet me shkresën e Përfaqësuesit Special të Bashkimit Evropian, Tomas Szunyong, për emërimin e Karin Hernmark Ahliny, Ambasador i Suedisë, anëtar i Bordit  Mbikëqyrës  të Agjencisë Kosovare për Verifikim dhe Krahasim të Pronës. (Ndërtesa e Kuvendit, salla N506, ora 10:15)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston Ministrin e Ministrisë së Infrastrukturës Arban Abrashin. (Ndërtesa e Kuvendit, salla N204, ora 11:00)

- Mbahet seanca e jashtëzakonshme e Kuvendit te Kosovës në të cilën do të behët shqyrtimi i dytë i Projektligjit për Rimëkëmbjen Ekonomike - COVID-19. (Ndërtesa e Kuvendit, ora 11:00)

- Organizata Etea dhe Aleanca Franceze në Prishtinë me mbështetjen e Ambasadës Franceze do të mbajnë takimin e parë të huazimit të librave. (Tek objekti i Aleancës Franceze, ora 11:00)

- Autoriteti Kosovar i Konkurrencës (AKK) mban konferencë për medie lidhur me një hetim ndaj ndërmarrjeve që operojnë në tregun e energjisë elektrike. (Ish-objekti i Bankës së Lubjanës, ora 11:15)

- Kryetari i Delegacionit të Kosovës, Ibrahim Makolli dhe ai i delegacionit të Serbisë Veljko Odalovic do të mbajnë konferencë për media lidhur me varrezën masive në Kizhevak të Serbisë. (Lokacioni i varrezës masive në Kizhevak  të Serbisë, ora 12:00)

- Shpallet aktgjykimi ndaj të akuzuarit N. M., i cili akuzohet nga Prokuroria Themelore e Gjilanit, për veprën penale “vrasje e rëndë” pasi qe në  fshatin Berivojcë, komuna e Kamenicës, i pandehuri dyshohet që pas mosmarrëveshjeve familjare, me një mjet të fortë - shufër metalike, godet bashkëshorten e tij në kokë dhe pjesë të tjera të trupit, me ç’rast të ndjerës i ka shkaktuar plagë të cilat kanë qenë vdekjeprurëse. (Gjykata Themelore Gjilan, ora 13:00)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston drejtoren e Insitutit Hidrometeorologjik të Kosovës Letafete Latifi. (Ndërtesa e Kuvendit, salla N204, ora 13:00)

- Komisioni Hetimor Parlamentar lidhur me procesin e privatizimit në Kosovë plotëson listën e dëshmitarëve. (Ndërtesa e Kuvendit, salla N10, ora 13:00)

- Qendra për Raste Gjyqësore Strategjike mban konferencë për media me rastin e dorëzimit të padisë për konflikt administrativ kundër vendimeve të Ministrisë së Ekonomisë dhe Ambientit dhe Zyrës së Rregullatorit për Energji”. (Para Pallatit të Drejtësisë, ndërtesa A, ora 14:00)

- Ministrja e Punëve të Jashtme dhe Diasporës e Republikës së Kosovës, Meliza Haradinaj-Stublla pret në takim ministrin në detyrë për Evropën dhe Punët e Jashtme i Republikës së Shqipërisë, Gent Cakaj ku pjesë e takimit do të jenë edhe përfaqësuesit e shqiptarëve të Luginës së Preshevës. (Objekti i MPJD-së, ora 14:00)